البحرين ...رحت وإلا ما رحت ؟؟

توبليرون · 11-02-2016, 06:55 PM

البحرين ...... رحت والا ما رحت ؟؟

العرب المسافرون
البحرين

,, بين حانة ومانا ضاعت لحانا,,

ههههههههه مثل كويتي يدل على الحيرة بالمشورة بين الأشخاص

المهم بين نروح البحرين والا ما نروح
وكل ما قلنا بنروح صار شي منعنا من الروحة

مرة زحمة العطلة ..... ومرة عطلة راس السنة وزحمة الجسر والفنادق
ومرة المباريات المهمة ما نقدر نروح

لما قلنا خلاص زعلنا محنا رايحين خلاص

وعقبها بكم اسبوع ...قال حسين انا بروح تروحون معاي

قلنا لا بوحسين مو راضي ... ندلع بعد
ودنا وميتين على الروحة ... ونتدلع

المهم راح حسين الاربعاء الظهر

وبس مشى قام بوحسين من نومة الظهر وصلى العصر وقال راح حسين قلت له اي
قال يلا تجهزوا وخل نروح وراهم

انا قلت له أكيد قال اي يلا تجهزوا
قلت حق البنات وسيدا جهزنا جناطنا وشغلنا بنص ساعة احنا جاهزين وركبنا السيارة
وبعدها اعطاء نصائح لدانة بان ما تعتب باب البيت ألا مع اخوها لأنها ماتبي تروح معانا ... وكان اخر ويك اند بالعطلة
المهم
ركبنا سيارتنا واخذنا شاينا وقهوتنا وبلغنا حسين انا ياين وراه
وهذه روحتنا العصر
وشرب قهوة ومستانسين على الروحة ....وايبادي جاهز للعب سودكو

وهني بتغيب الشمس واحنا قريب النويصيب

قلت لكم مستانسين بالروحة كل شي حلوو عندنا

بس صج الطريج صاير مع الاشجار أجمل

ووصلنا النويصيب وجمارك الكويت

خرجنا من الكويت ووصلنا منفذ الخفجي ....

زحمة ...

قدمنا بطاقاتنا المدنية .....

والصدمة ...... مايصير تطلعون ....ليش ؟؟
كل بطايقنا تاريخ الأنتهاء 4 فبراير يعني بعد اسبوعين وما يصير لازم ثلاثة أشهر فيها

طيب احنا رايحين بس يومين ورادين قبل الانتهاء
قال لا ما يصير
طيب تونا رايحين العمرة فيهم
قال ما يصير
كلموا المدير او الرئيس
رحنا نكلمه قال لا ما يصير
حاول فيه بوحسين
ما رضى

حسين طلع فيها مع ان بطاقته نفسنا
واللي طلعه المسئول اللي قبل هذا
غيروا الدوام على حظنا

شنسوي الحين

خلاص رجعنا البيت

ليمونه حزينه, آخـــرفـــرصـــة, مسقط الخير و 17 آخرون معجبون بهذا.

Gunner10 · 12-02-2016, 01:43 AM

يعطيج العافيه ام حسين

والصدمة قوية الصراحة اشلون المسئول الي قبله يمشي ولدج ومسئول ثاني ما يمشيكم

كل واحد له قوانينه

آخـــرفـــرصـــة, توبليرون, الايمان و 2 آخرون معجبون بهذا.

ليمونه حزينه · 12-02-2016, 03:58 AM

يعطيج العافيه وادري انه في مغامره لتقريرج البحريني وانا انتظر المغامره سجليني من المتابعات

آخـــرفـــرصـــة, توبليرون و نانا ابو عابد معجبون بهذا.

آخـــرفـــرصـــة · 12-02-2016, 04:23 AM

يسعد صباحك ام حسين

ممكن كمان نقول المثل " بين حانا و مانا ضاعت لحانا "
على حالة مثل هذي ضايعين بين فلان يقول و علان يقول
الله يعينكم

بس أتوقع و اتمنى انكم عديتوا

متابعين

توبليرون, ليمونه حزينه, فيصل و 3 آخرون معجبون بهذا.

مسقط الخير · 12-02-2016, 05:10 AM

اذا بدأته صدمه قويه موقف لا يحسدون عليه متابعين

توبليرون, آخـــرفـــرصـــة, فيصل و 2 آخرون معجبون بهذا.

مجدي · 12-02-2016, 09:40 AM

له له يا ام حسين

ان شاء الله خيرها بغيرها ...

sent from Galaxy Note 5 using Tabatalk

توبليرون, فيصل و نانا ابو عابد معجبون بهذا.

سامي313 · 12-02-2016, 09:51 AM

ان شاء الله كملتو الرحله واستمتعتو كمان
متابع معاكم التقرير يام حسين

توبليرون و نانا ابو عابد معجبون بهذا.

ملاك · 12-02-2016, 10:14 AM

حمااااااااس ياأم حسين
بداية تشويق
للأسف هذة المشكلة عندنا كل واحد يشتغل بمزاجه الله المستعان
متابعين بكل حماس

ليمونه حزينه, توبليرون, فيصل و 2 آخرون معجبون بهذا.

توبليرون · 12-02-2016, 04:48 PM

اقتباس : المشاركة الأصلية كتبت بواسطة Gunner10

يعطيج العافيه ام حسين

والصدمة قوية الصراحة اشلون المسئول الي قبله يمشي ولدج ومسئول ثاني ما يمشيكم

كل واحد له قوانينه

الله يعافييك يا اخوي عادل
شفت اشلون حظوظ الدنيا
شكراا للمرور العطر

نانا ابو عابدمعجبون بهذا.

توبليرون · 12-02-2016, 04:50 PM

اقتباس : المشاركة الأصلية كتبت بواسطة ليمونه حزينه

يعطيج العافيه وادري انه في مغامره لتقريرج البحريني وانا انتظر المغامره سجليني من المتابعات

تسلمين يا ليمونتنا
ماكو غير هذه المغامرة
هههههه خليج متابعة

نانا ابو عابدمعجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
فندق كمبنسكي البحرين ـ وحالياً فندق ويستن البحرين	Bu Rashid	بوابة البحرين	28	14-08-2019 09:21 PM
دليل فنادق البحرين و شقق البحرين رقم الهاتف و الايميل	عامر	بوابة البحرين	23	06-10-2018 12:55 AM
هنا البحرين	fanda	بوابة البحرين	56	23-01-2017 01:27 PM
ميس واهل البحرين	q8ya metnaqla	بوابة الكويت	24	06-07-2015 12:38 AM
كل شخص زار البحرين يدخل	Fahad Mandi	بوابة البحرين	26	20-03-2015 01:27 PM