طريقة استخدام المترو في سنغافورة

laleeta · 23-12-2014, 11:09 AM

العرب المسافرون سنغافورة

السلام عليكم ورحمة الله وبركاته

حبيت أنقل لكم طريقة استخدام المترو في سنغافورة من موضوع أحد الأخوان (نسيت اسمه) جزاه الله خير من منتدى العرب المسافرون السابق وذلك للإفادة وعشان يكون مرجع للجميع

اولا :
يوجد طريقتين لتذاكر المترو

الاولى
1- شراء تذكره دائمه بقيمه 15 دولار للشخص ويكون فيها نفس السعر ايضا

ملاحظة:
- تقدر تشتريها من محل صغير تحت عند بوابات الدخول
- انصح فيها للي تكون انتقالاتهم كثيره عبر المترو او وقت اقامته طويل

الثانية
2- شراء تذكره مسترده للرحله الواحده عن طريق الجهاز الآلي

ملاحظة:
- فيه صعوبه شويه ولازم تتعلم عليه عدل عشان ما تضيع ( الشرح بالاسفل )

الشرح :
هاذي صوره الجهاز الآلي الي تقدر تشتري منه التذاكر المسترده

مثل ما هو واضح الشاشه المربعه الكبيره بالنص شاشه لمس
والمربع الي فيها على اليسار تختار منه انت شنو تبي تسوي

والخيارات المهمه هي :
- شراء تذكره رحله جديده
- ارجاع التذكره ( راح اشرحه )
- تعبئه الكارت الدائم ( الي قلت تشتريه من المحل تعبيه من هني بالمبلغ الي تبيه )

الطريقه :
1. تختار شراء تذكره رحله جديده
2. تختار الوجهه من الخريطه الموجوده على الشاشه

شرح الخريطه

مثل ما انتوا شايفين كل قطار له لون
خلونا نتكلم على الخط البنفسجي الحين الي هو من 6 الى 7
ومبين انه هالخط في عده مناطق وعده محطات توقف

مثال : انت في محطه little india وتبي تروح chinatown
كل ما عليك انك تضغط على اسم chinatown فقط

زين البعض يسأل يقول اذا ما كانت المنطقه الي ابيها على نفس الخط وصايره على خط لونه ثاني مثلا باللون الاحمر شنو اسوي ؟
عادي اضغط عليها واختارها بس انتبه * انك لازم تنزل بالمحطه الي يتقاطع فيها اللون الاحمر مع البنفسجي
عشان تركب بالمحطه الثانيه وتكمل طريجك الي باللون الاحمر وجذي تكون ركبت قطارين عشان توصل
وبهالطريقه تكون انت اخترت وجهتك من الجهاز

3. راح يطلب منك الدفع للرحله وتلاحظون ان السعر يكون دبل عشان يضمنون انك ترجع الكرت عند انتهاء رحلتك
يعني اغلب الرحلات يكون اسعارها 1.20 او 1.50 او 1.70 بس يكون السعر زياده دولار يعني يصير 2.20 او 2.50 او 2.70
والحلو فيها انك تحط اي فلوس سواءا ورق او خرده حديد ترجع لك الباقي مع التذكره من الفتحه الكبيره تحت الجهاز ( مبين بالصوره السابقه )
وبهالطريقه تكون استلمت تذكرتك وتروح تدخل من البوابات المؤديه لمحطات القطارات

صوره للبوابات

كل ما عليك انك تلامس التذكره حقتك بالدائره الي لونها اخضر تحت الشاشه الصغيره الي مبينه على البوابه الصغيره وتفتح لك البوابه

والحين تكون وصلت لمحطات المترو بس في مشكله صغيره لازم الواحد ينتبه لها
مثل ما قلت لكم خل نتكلم على محطه اللون البنفسجي عشان الامر يسهل عليكم
محطه اللون البنفسجي يرمز لها بالرقم 6 الى 7
وهذا الخط يبدأ من نقطه harbour front الى punggol والعكس صحيح

يعني مثلا انت ذاهب من little india الى Chinatown
المطلوب منك تشوف القطار الي يوديك حق chinatown رايح اي نقطه
( harbour front او punggol )
منو يجاوب ؟ وين رايح ؟
صح القطار رايح لنقطه harbour front يعني تاخذ محطه المترو الي مكتوب عليها harbour front لان بطريجه يمر على chinatown
زين اذا العكس ؟ يعني انت ب chinatown وتبي تروح حق little india اي محطه تاخذ ؟
منو يجاوب ؟ هاا ؟
صح تاخذ محطه punggol لانه بطريجه راح يمر على little india
والطريقه هاذي تتبعها لكل المحطات وكل الالوان

زين الحين الحمدلله وصلت بالسلامه ونزلت بمحطتك الي تبيها شنو تسوي ؟
تطلع من نفس البوابات الي دخلت منها عن طريق ملامسه التذكره للدائره الخضره
وبعدها تروح لجهاز التذاكر عشان ترد الكرت وترد باجي فلوسك
والطريقه سهله تدخل التذكره وتختار من الخيارات خيار ارجاع التذكره ويردون لك فلوسك الي خذوها منك زياده بس

منقول للإفادة

ام جسوميمعجبون بهذا.

شارلوك هولمز · 24-12-2014, 01:24 AM

رائع بروعتك .. المترو جربته في فيينا ورااااحه ..

اكرر شكري ياغالي

هولمز

فيصل · 24-12-2014, 01:46 AM

شكرا علي النقل

laleeta · 24-12-2014, 05:21 PM

اقتباس : المشاركة الأصلية كتبت بواسطة شارلوك هولمز

رائع بروعتك .. المترو جربته في فيينا ورااااحه ..

اكرر شكري ياغالي

هولمز

اقتباس : المشاركة الأصلية كتبت بواسطة فيصل

شكرا علي النقل

أشكركم على مروركم ودعمكم للموضوع

silent_dove · 01-01-2015, 01:26 AM

الله يعطيك العافيه

قايد · 01-01-2015, 02:14 AM

شاكر ومقدر على النقل

تحياتي

الغردقاوي · 14-02-2015, 09:49 AM

شرح رائع لطريقة إستخدام المترو
يعطيك العافيه على المجهود المميز

وجهات أوروبية · 27-02-2015, 05:20 AM

الف شكر على النقل المهم والتوضيح

بارك الله فيك

وليد عنبه · 30-04-2015, 05:50 PM

تحياتي لك

رجل الفضاء · 16-05-2016, 02:06 PM

هل تعتبر أوفر كثير من التاكسي؟ وخاصة إن اقامتي أكثر من أسبوع؟
بالنسبة للتذكرة الدائمة ..هل أقدر أعبيها؟ وكم رحلة تقريباً عشان استنفذ 15 دولار

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
لو تكرمتوا فندق قريب من المترو	be nice	بوابة الامارات	18	23-11-2018 10:09 PM
كارت المترو	الشبح100000	تركيا	5	30-06-2015 03:06 PM
تذاكر المترو في مدريد	قايد	بوابة اسبانيا	5	09-03-2015 10:21 AM
طريقة استخدام قطار مطار ميونخ و الأسعار	ابو اصيل2012	بوابة المانيا	3	18-01-2015 08:56 AM