زيارتي لدبي اول مره

ابو غاده · 15-02-2016, 11:57 AM

السلام عليكم ورحمة الله وبركاته
الرحله راح تكون عن طريق البر من الرياض وعائليه ومعي اطفال وأول مره نزور دبي من11 مارس الجمعه إلي 17 مارس الخميس وراح امشي الخميس ان شاءالله ممكن الاقامه حتى الفجر بالاحساء أبغى أفضل الأماكن للزيارة وكذلك المطاعم والمولات من لديه خبره ورأي ومشوره في كيفية ترتيب الوقت والاماكن ولو بشكل خفيف يعني موب لازم اروح كل الاماكن ارجو المشاركه وجزاكم الله خير
السكن في روز جاردن للشقق الفندقية - بر دبي ولله الحمد تم حجزه في بوكنج قبل شهرين بسعر ممتاز

انتظركم

مع التحيه والتقدير للجميع

ليمونه حزينه و أبن السلطنة معجبون بهذا.

عشقي السفر · 15-02-2016, 02:02 PM

اهلا اخوي
رحله موفقه باذن الله

ورح تنور الاحساء
اذا انت بالاحساء ممكن تمر العثيم مول او الاحساء مول واذا حاب مطاعم عندك مطعم توباز ومطعم جزيرة الزعفران وبنفس الوقت حاول تسكن في الشقق الموجوده في الهفوف في حي المثلث لانه قريب من خط قطر اسهلك وقت السفر وقريب منه مطاعم كثير

عندي كم استفسار

هل ودكم تتسوقون خلال الرحله ؟

وهل ودكم بزياره اماكن معينه ؟

هل تحب تاخذ رحله مع وجبه عشا في الخور ؟

هل ودكم تزورون كيدزينيا والاكواريم وايضا ودكم تزورون القريه الثلجيه ؟

هل ودك بزيارة الحدائق مثل حديقه الزهور والفراشات وحديقه الاضواء في حديقه زعيبل ؟

اذخل موضوعي وخذ فكره عن الاماكن اللي زرتها باجازة الربيع واسعار الدخول واذا يهمك تزور بعضها اذكرها هنا

http://www.arabtrvl.com/vb/t13983.html

اما بالنسبه لجدولك بدبي راح ارجع لك بالجدول باذن الله بعد ماتجاوب على الاستفسارات

ليمونه حزينه, عاشق منوفر و MOBARKI معجبون بهذا.

ابو غاده · 15-02-2016, 02:52 PM

مشكور على الرد

ان شاء الله راح اجاوب بس الحين طالع من العمل

مشكور مره ثانيه

ليمونه حزينهمعجبون بهذا.

ليمونه حزينه · 16-02-2016, 03:24 AM

لابد من زياره حديقة الزهور وحديقه الحيوان والقريه التراثيه واي مجمع تكون فيه بتحصل السكيتي للعيال هذا الشيء ومهم انك تاخذهم يتونسون
اختيار موفق للسكن في بر دبي ولاطوف المتحف عندهم والسوق الشعبي الخاص لهم تراث

وعندك الرحله بالقارب نص ساعه جدا ممتعه وبعدها بتحصل مطاعم تطل ع البحر روعه جلستهم
برج خليفه والنافوره ودبي مول ما تتغافل عنهم واهم شي في دبي المطاعم بكل مكان بتحصل واغلبها مطاعم ذات جوده وماعليها كلام
القريه تحتاج نص يوم لانه فيها العاب بعد

وكذلك تقدر تاخذ معك مبلغ كاش والباقي تسحبه هناك عادي الوضع وبكل مكان مكائن السحب

انت اهم ماسويت انك حاجز بدري سكن وكذلك معك سيارتك الخاصه لك كامل الحريه بالروحات والجيات ماعليك الا تاخذ الاعدادات للاماكن وتبرمجها عندك النفجيشن للسياره لتسهيل الطريق واختصار للوقت
اتمنى لك رحله موفقه

عشقي السفرمعجبون بهذا.

توبليرون · 17-02-2016, 02:43 PM

اتلانتس لا تطوفه حق العيال ...بس اذا الجو بارد لا تروح
المارينا ومرسى دبي وايد حلووو التجول في السفن القديمة بالقنوات البحرية بين ناطحات السحاب

دبي مول لا تطوف النافوره والعشا بالمطاعم اللي تطل عليهم

اذا حاب تصعد برج خليفه احجز من النت افضل

الامارات مول المميز فيه سكي دبي والدخول هناك وهم راح يوفرون لكم اللبس لكم وللاطفال

ممشى الجميرا
الحديقة المتوهجة وحديقة الزهور
ربي يسعدكم ويهنيكم بهالسفرة

ابو غاده · 22-02-2016, 11:06 AM

اقتباس : المشاركة الأصلية كتبت بواسطة عشقي السفر

اهلا اخوي
رحله موفقه باذن الله

ورح تنور الاحساء
اذا انت بالاحساء ممكن تمر العثيم مول او الاحساء مول واذا حاب مطاعم عندك مطعم توباز ومطعم جزيرة الزعفران وبنفس الوقت حاول تسكن في الشقق الموجوده في الهفوف في حي المثلث لانه قريب من خط قطر اسهلك وقت السفر وقريب منه مطاعم كثير

معليش على التأخير

عندي كم استفسار

هل ودكم تتسوقون خلال الرحله ؟

طبعآ اكيد

وهل ودكم بزياره اماكن معينه ؟

لا

هل تحب تاخذ رحله مع وجبه عشا في الخور ؟

ممكن

هل ودكم تزورون كيدزينيا والاكواريم وايضا ودكم تزورون القريه الثلجيه ؟

اذا الوقت يسمح ما فيه مانع

هل ودك بزيارة الحدائق مثل حديقه الزهور والفراشات وحديقه الاضواء في حديقه زعيبل ؟

حديقة الزهور نعم ولي كانت جنب بعض شي طيب

اذخل موضوعي وخذ فكره عن الاماكن اللي زرتها باجازة الربيع واسعار الدخول واذا يهمك تزور بعضها اذكرها هنا

http://www.arabtrvl.com/vb/t13983.html

دخلت موضوعك ما شاء الله متكامل الله يعافيك على روحك واسلوبك الجميل

اما بالنسبه لجدولك بدبي راح ارجع لك بالجدول باذن الله بعد ماتجاوب على الاستفسارات

--

عشقي السفرمعجبون بهذا.

ابو غاده · 22-02-2016, 11:08 AM

اقتباس : المشاركة الأصلية كتبت بواسطة ليمونه حزينه

لابد من زياره حديقة الزهور وحديقه الحيوان والقريه التراثيه واي مجمع تكون فيه بتحصل السكيتي للعيال هذا الشيء ومهم انك تاخذهم يتونسون
اختيار موفق للسكن في بر دبي ولاطوف المتحف عندهم والسوق الشعبي الخاص لهم تراث

وعندك الرحله بالقارب نص ساعه جدا ممتعه وبعدها بتحصل مطاعم تطل ع البحر روعه جلستهم
برج خليفه والنافوره ودبي مول ما تتغافل عنهم واهم شي في دبي المطاعم بكل مكان بتحصل واغلبها مطاعم ذات جوده وماعليها كلام
القريه تحتاج نص يوم لانه فيها العاب بعد

وكذلك تقدر تاخذ معك مبلغ كاش والباقي تسحبه هناك عادي الوضع وبكل مكان مكائن السحب

انت اهم ماسويت انك حاجز بدري سكن وكذلك معك سيارتك الخاصه لك كامل الحريه بالروحات والجيات ماعليك الا تاخذ الاعدادات للاماكن وتبرمجها عندك النفجيشن للسياره لتسهيل الطريق واختصار للوقت
اتمنى لك رحله موفقه

الف شكر على المداخله وعلى شورك الرائع حديقة الزهور ان شاء الله بنمرها شدتني بعد ما شفت كم صوره لها

عشقي السفرمعجبون بهذا.

ابو غاده · 22-02-2016, 11:10 AM

اقتباس : المشاركة الأصلية كتبت بواسطة توبليرون

اتلانتس لا تطوفه حق العيال ...بس اذا الجو بارد لا تروح
المارينا ومرسى دبي وايد حلووو التجول في السفن القديمة بالقنوات البحرية بين ناطحات السحاب

دبي مول لا تطوف النافوره والعشا بالمطاعم اللي تطل عليهم

اذا حاب تصعد برج خليفه احجز من النت افضل

الامارات مول المميز فيه سكي دبي والدخول هناك وهم راح يوفرون لكم اللبس لكم وللاطفال

ممشى الجميرا
الحديقة المتوهجة وحديقة الزهور
ربي يسعدكم ويهنيكم بهالسفرة

الله يعطيك الف عافيه ع المشاركه برضوا مشورتك رائعه

عشقي السفرمعجبون بهذا.

عشقي السفر · 22-02-2016, 03:53 PM

الوصول باذن الله
يوم الجمعه 11 مارس
تقريبا راح يكون وصولك الساعه 3 ظهرا بعد الراحه من الطريق

ممكن تتوجه الى حديقه زعبيل يوجد فيها حديقه الاضواء الدخول للفرد 60 درهم

او ممكن تروح الى الوافي مول وقضاء الوقت فيه لانك راح تكون تعبان حطيت اقرب الامكن من السكن

يوم السبت 12 مارس
يفضل الخروج هذا اليوم في وقت باكر مثلا الساعه 10 صباحا
الذهاب الى حديقه الزهور الدخول 30 درهم للشخص ثم الى حديقه الفراشات (الدخول 50 درهم للشخص ) قريبه منها وبعد كذا التوجه الى مطعم المزرعه مقابل القريه العالميه والغداء هناك ثم التوجه الى القريه العاليمه اللي تفتح من الساعه 4 مساءا

وهذا رابط موقع المطعم

https://www.google.com.sa/maps/place...3693366d?hl=en

وبعد كذا التوجه للقريه العالميه (الدخول 15 درهم للشخص )

يوم الاحد 13 مارس
تتوجه الى الامارات مول ودخول سكاي دبي (القريه الثلجيه الدخول حسب مااذكر 220 درهم للساعتين ويوجد عروض مختلفه حسب الفعاليات اللي بتستخدمها في القريه ) والغذاء في احد المطاعم هناك
احس الامارات مول تزورها علشان القريه الثلجيه
ولما تخلص تقوم زياره دبي مول وقضاء باقي اليوم فيه دخول الاكواريوم(الدخول للشخص من 80 درهم اذا كان فقط لعبور الحوض ودخول حديقه الحيوانات اللي في الدور الثاني واذا تبي شي اضافي مثل اطعام السمك يكون 110 على مااذكر واذا تبي تركب مركب داخل الحوض يزيد السعر ) وكيدزينا (الاطفال اصغر من 3 سنوات 95 درهم و من 4 الى 16 السعر 140 درهم والبالغ 95 درهم ) ممكن تدخل الاطفال كيدزينيا وانت تكمل االجوله او تدخل احد المقاهي وواذاخلصو تتوجهون للنافوره وقضاء مشاهدتها ةالعشاء في احد المطاعم المطله على النافوره سواء كان المطعم في مول دبي او راح تلاحظ مول موجود في الطرف الاخر للنافوره تروح له ووتتعشا باحد المطاعم الموجزده فيه يوجد مطعم بحري ومطعم عبد الوهاب اللبناني ومطعم شيك شاك الشهير

يوم الاثنين 14 مارس
التوجه في الصباح الى الجي بي ار ومرسى دبي وممكن تدخلون سينما اذا حابين واذا عندك اولاد شبب ممكن يلعبون بالالعاب المائيه هناك مثل الجيسكي وغيرها ممكن تحجز مسبقا
هذا احد النشاطات
https://www.cobone.com/ar/deals/acti...xperienc/42003

وتتجولون وتجلسون على البحر وتتغدى في احد المطاعم اللي هناك اذا تحب المطاعم العربيه فتغدا في مطاعم الموجوده في مرسى دبي
بعد كذا التوجه الى مول ابن بطوطه وقضاء الوقت هناك
وبعد كذا اذا حاب عشى على السفينه تختار الللي تحب في رحلات تنطلق من مرسى دبي وفي رحلات تنطلق من قرية البةم في خور دبي وكلها الافضل حجز مسبق
ممكن تستفيد من موقع كوبون تشتري التذاكر اوفر وافضل هذا الموقع مرشحه الاخ ليث وبعد ادخل موضوعه مفيد وجميل
هذا رابط العرض في المارينا
https://www.cobone.com/ar/deals/acti...t-marina/41354

وهذا الرابط لعرض في الخور

https://www.cobone.com/ar/deals/acti...o-pickup/42840

يوم الثلاثاء 15مارس
الخيار الاول : ممكن اذا حاب تاخذ هذا العرض فيه جوله بدبي ودخول الاكواريوم شامل السعر ودخول المتاحف ويودونك الاتلانتس وبرج العرب وتتفرج وتصور عند اهم المعالم وبكذا ترتاح من السياره تقريبا مدتها من 9 الى 2ونص العصر ممكن تاخذراحه بعدها بالفندق الغداء في احد المطاعم في سيتي ورك
هذا الرابط شوف العرض
https://www.cobone.com/ar/deals/acti...mbo-pack/42513
الخيار الثاني : واذا ماكنت حاب هذا الخيار ممكن زياره المنطقه الشعبيه القريبه منك (منطقه البستكه ومتحف دبي وقرية الغوض وقريه التراث )وبعد كذا زياره سوق مدينه الجميره و بالطريق مر على شاطئ جميره المفتوح (مثل الكورنيش يكفيه مرور بالسياره )والغذا باحد المطاعم في شارع الجميره او تغدا في سوق الجميره وهو عباره عن فنادق عندها مول وممرات مائيه فيها رحلات بحريه بشكل شعبي ومطل على برج العرب )

وبعد كذا الانتهاء من الخيار اللي اخترته من فوق تتتوجه الى

الى فيستفال سيتي سنتر وقضاء اليوم هناك وتوجد فوارب تاخذك بجولات في الممرات المائيه هناك انصحك تجرب مطعم الفنر الاماراتي بالمول ممتاز

يوم الاربعاء 16 مارس
هذا يوم التسوق افطر بدري واطلع من 9 صباحا وتوجه الى سوق الكرامه قريب منك وبعد كذا الى سوق نايف وما حوله من الاسواق من سوق المرشد
والغداء في احد المطاعم ببر دبي منها مطعم صمد قريش هذا اللي حاضر في بالي
وبعد ماتخلص توجه الى السوق الصيني هو بعيد شوي عن مركز دبي ويسكر الساعه 9 او 10 بالليل موذاكره

يوم الخميس 17 مارس
العوده للوطن

وبالتوفيق
اذا حايب اي مكان اضافي او اي تعديل راح نشور عليك بالتوفيق

بشكل عام انصحك تبكر بالخروج من السكن حتى تستمتع اكثر وخصوصا ان الجو ربيع

عشقي السفر · 22-02-2016, 04:02 PM

هذا رابط موضوع الاخ ليث ادخله ممتع ومفيد فيه معلومات كثير

http://www.arabtrvl.com/vb/t11994.html

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
قرب موعد سفرتي لدبي	أميرة الورد	بوابة الامارات	5	13-02-2016 03:06 AM
المساعده برحلة لدبي في يناير	وردة الياسمين	بوابة الامارات	12	16-12-2015 05:58 PM
زيارتي الثالثة لدبي واحتاج ارائكم	ام تركي	بوابة الامارات	20	10-11-2015 04:18 PM
افضل طريقة من المطار لدبي مول	ياقوووت2005	بوابة الامارات	10	13-08-2015 06:31 AM