باريس - و خمسة ايام شتوية - الصفحة 4

ابو عبدالله · 13-03-2016, 05:50 PM

اليوم بكفر عن سيئاتي في التأخير واحط الجزء الأخير ... مثلث قوس النصر مرور بالكونكورد الى اللوفر ثم العودة الى برج ايفل منطقة جميلة

وكل باريس جميلة .. بس المكان هذا يمكن تغطيته سيرا على الاقدام لمن اراد خصوصا انه جميل للمشي وفيه زوايا رؤيا حلوه لايفل من بعيد او

الكونكورد ودخول الحدائق ... وطبعا المواصلات العامة متوفرة بكثرة ومحطات الميترو ايضا منتشرة وان كانت بعض المحطات (تقبع في ارض

الجن) ربما ... لبعدها تحت الارض ... حتى اننا في مره من المرات نزلنا في محطة وبدأنا صعود الدرج ...ثم اكملنا الصعود ... ثم واصلنا

الصعود .. ثم ارهقنا الصعود ... وارهبتنا فكرة النزول للبحث عن ( اصنصير ) يمكن مانلقى ... لان بعض المحطات قديمه بس اعتقد فيه .
هي فرصه لتجديد النشاط وطرد الخمول والكسل والاستمتاع ( بالتمشي وتطليق الرجلين ) ... في يوم جديد وكعادة الطافين بالشي الجديد قمنا

بدري ... وحزمت شنطة العدة ( جاكيتات المطر ، شاحن متنقل ، كونكت ، اسلاك شواحن ، شاحن بطارية الجوال الخ ) صارت شنطة شغالة

منحاشة ....
هذا طريقنا اليومي من الشقة للميترو والعكس ...

في نهاية اليوم السابق رحنا لمنطقة اللاديفانس بس كان اماكن كثيرة مقفله فرحنا له في اليوم التالي والصور القادمه مختلطة بين الليل والنهار ...
يمكن الوصول لها عن طريق محطة La Défenseب بالرير او الميترو ..

قوس الدفاع

مول الفصول الاربعه

وهو مكان جميل جدا ويمكن زيارته بالمساء ومن باب حب الخير لكم لاتنسوا نسيان محافظكم بالاوتيل ... المكان جميل وكبير ومن اماكن التسوق

الجميله والمناسبة وردهة المطاعم في حلوه ...

مقابل الفصول الاربعه او Les Quatre Temps سوق ثاني اللي هو Cnit La Defense وهو مجمع اصغر من الفصول الاربعه بس

انه جميل وفيه فندق الهيلتون ...

- قرية بيرسي bercy village -
طحنا على منطقة جميله مدري هي معروفة او لا وطريقة الوصول لها عن طريق الخط البنفسجي اللي هو رقم 14 واسم المحطة Cour

Saint-Émilion
منطقة تسوق صغيره وهادية وفيها كافيهات ومطاعم وجوها حلو مررره ..

هذا موقع القرية

bercyVillage

طلعنا منه على هضبة مونمارت

وفيه محطات كثيرة اعتقد توصل لها وتقدر تشوف الاقرب لك عن طريق قوقل ماب

اللي عليه دائرة زرقاء وبوسطها حرف M هذي محطات الميترو واذا حطيت المؤشر على المحطة يطلع لك الخطوط اللي توصل لها
https://www.google.com.sa/maps/place...3%D8%A7%DB%8C+

%D8%B3%D9%8E%DA%A9%D9%92%D8%B1%D9%90+%DA%A9%D9%8F

%D8%B1%D9%92%E2%80%AD/@48.886222,2.346654,2093m/data=!3m1!1e3!4m2!3m1!

1s0x0000000000000000:0xcfc3870abe2b8519!6m1!1e1

انا اعتقد جيت من طريق محطة Abbesses

تعجبني المناطق اللي مثل كذا وفيه شبه كثير من جنيف القديمه بس هنا احلى واكبر ونشاط اكثر ...

رقينا مع الدرج هذا وما كنت عارف عن العربة اللي تطلع فوق ... والدرج فيه استراحة بالنص ..

وبتجينا صور المصعد ووين نلقاه فيه ...

ساحة الرسامين

قطار شكله ياخذ جولة ... ماعندي معلومات عنه ..

ايفل من الهضبة

المطل قدام الكنيسة

وايضا المصعد قريب منها

العربة او المصعد تستعمل له تذكرة الميترو .. وهذي صورة من داخلها

بعد مانزلنا رحنا يمين ولقينا محل بيتزا ومكتوب عليه حلال ... ودخلنا وصار العامل فيه بنقالي وقلنا نريح عنده شوي ..

ثم طلعنا وحلينا برا ... وكملنا تمشية ... وكان الوقت ليل

المنطقة جميله جدا ولتغطيتها بشكل حلو والاستمتاع بها اعتقد تحتاج الى يوم او نصف يوم على الاقل ... اقل من كذا اسفين ما نقدر..

في باريس رحنا لبعض الاسواق مثل اللي على شارع Boulevard Haussmann وهو شارع جميل فيه عدد من مراكز التسوق الشهيرة

على طاري اوسمان ... محطة او سمان عند العودة للمطار ... كان التغيير فيها بس يمكن تاخرت قطاراتها يمكن نص ساعة ... فاللي يبي يروح عن طريقها ينتبه للنقطه هذي ويروح بدري شوي ...
باريس حلوه وبالنسبة لي غنية بالاماكن وفعالياتها واماكنها كثيرة مررره ... استمتعوا بوقتكم ولا تلتفتون للي يحاول يوقفكم خصوصا بالشوارع الجانبية لطلب المساعده لانكم احسن ناس .
تقريري على قدي وصدقا مااقدر اسوي مثل من التقارير .. التقرير المرتب له ناس واكيد ياخذ منهم وقت وجهد عظيم .. وانا لا الوقت معي ولا السن يخدمني ( احسن شي قل انك شايب ) وتعكز على عصا بعد ... بس انه جهد المقل وشكر المقصر لهذا الصرح وعمالقته الذين افنوا كثير من اوقاتهم لينعم غيرهم بالراحة والسعادة في سفرهم ... فلهم كل الشكر مع ان الشكر لا يوفيهم حقهم ولهم اخلص الدعاء بالتوفيق والنجاح والسعادة في الدارين .ولمن تابعني له كل الاعتذار عن سقوط سقف التوقعات وانهيار خيالات المتعه على صخرة واقع تقريري الهزيل ... كل الشكر لكم ... بس وعد منيب تارككم وقريبا ان شاء الله في نشبة جديده والله يعينكم تتابعون من جديد او بزعل

اترككم في رعاية الله وحفظه

fanda, مجدي, فيصل و 2 آخرون معجبون بهذا.

fanda · 13-03-2016, 06:16 PM

اجهز الرد وراده

ابو عبدالله و توبليرون معجبون بهذا.

مجدي · 13-03-2016, 07:00 PM

تسلم ابو عبد الله
كل معلومة بتفيد المسافرين
وتجربة كل شخص بتختلف عن غيره
لذلك مهم انه كل واحد يكتب تجربته حتى لو كان تقرير خفيف

الطيران الاقتصادي جدا عملي ومفيد خصوصا للشباب الي بيروحو بدون حقائب
لانه هذا الطيران بيشترط انك تدفع على كل حقيبة مبلغ معين غير سعر تذكرة الطيران
وبالاغلب الهبوط بكون في مطارات بعيدة عن المدن السياحية المشهورة

اللغة مشكلة في بعض البلدان الي ما بتحكي انجليزي
بس ربنا يسرها معك وودالك من اخوتنا المغاربة

سعر الشقة جدا ممتاز
للي يقضي وقته في التجوال ما اله غير هيك فندق او شقة خفيفه مع سعر بسيط

البرد في اوروبا صعب
الله يعينهم كيف متحملين

حظكم حلو انه ديزني لاند كانت فاضيه نقريبا
هيك الواحد ممكن يوخذ راحته

اسمحلي بهالرد ولي رجعه لاكمال تقريرك الجميل
يعطيك العافية

sent from Galaxy Note 5 using Tabatalk

ابو عبدالله و توبليرون معجبون بهذا.

ابو عبدالله · 13-03-2016, 09:23 PM

اقتباس : المشاركة الأصلية كتبت بواسطة fanda

اجهز الرد وراده

الله يستر مسامحينك موب لازم رد

اقتباس : المشاركة الأصلية كتبت بواسطة مجدي

تسلم ابو عبد الله
كل معلومة بتفيد المسافرين
وتجربة كل شخص بتختلف عن غيره
لذلك مهم انه كل واحد يكتب تجربته حتى لو كان تقرير خفيف

الطيران الاقتصادي جدا عملي ومفيد خصوصا للشباب الي بيروحو بدون حقائب
لانه هذا الطيران بيشترط انك تدفع على كل حقيبة مبلغ معين غير سعر تذكرة الطيران
وبالاغلب الهبوط بكون في مطارات بعيدة عن المدن السياحية المشهورة

اللغة مشكلة في بعض البلدان الي ما بتحكي انجليزي
بس ربنا يسرها معك وودالك من اخوتنا المغاربة

سعر الشقة جدا ممتاز
للي يقضي وقته في التجوال ما اله غير هيك فندق او شقة خفيفه مع سعر بسيط

البرد في اوروبا صعب
الله يعينهم كيف متحملين

حظكم حلو انه ديزني لاند كانت فاضيه نقريبا
هيك الواحد ممكن يوخذ راحته

اسمحلي بهالرد ولي رجعه لاكمال تقريرك الجميل
يعطيك العافية

sent from Galaxy Note 5 using Tabatalk

الله يسلمك من كل شر ... وسعيد جدا بان خبير سفر مثلك وكاتب مميز يكون موجود معي ... الف اهلا وسهلا بك ... وفعلا كنا ولله الحمد كناركثير محظوظين بكذا شغلة ...

مجدي و توبليرون معجبون بهذا.

fanda · 14-03-2016, 07:14 PM

يعطيك الف عافيه يا ابو عبد الله
والله انه أسلوبك سلس ويشد على المتابعة
وبخصوص المعلومات صدقني انه التقرير غني بالكثير من المعلومات ممكن تكون معروفه عند البعض بس تراها جديده و مفيده لكثير

وتراني مسجله نقاط كثيره مفيده من كل جزء تنزله في التقرير بس عجزانه اكتبهم الحين

شكرًا لك يا ابو عبد الله مره ثانيه
وان شاء الله نشوف لك تقرير جديد في باريس بس هالمره في الربيع عشان تشوف الاجواء الحلوه

ابو عبدالله و توبليرون معجبون بهذا.

ابو عبدالله · 15-03-2016, 01:11 AM

اقتباس : المشاركة الأصلية كتبت بواسطة fanda

يعطيك الف عافيه يا ابو عبد الله
والله انه أسلوبك سلس ويشد على المتابعة
وبخصوص المعلومات صدقني انه التقرير غني بالكثير من المعلومات ممكن تكون معروفه عند البعض بس تراها جديده و مفيده لكثير

وتراني مسجله نقاط كثيره مفيده من كل جزء تنزله في التقرير بس عجزانه اكتبهم الحين

شكرًا لك يا ابو عبد الله مره ثانيه
وان شاء الله نشوف لك تقرير جديد في باريس بس هالمره في الربيع عشان تشوف الاجواء الحلوه

الله يعافيك ... شكرا على حضورك وتشجيعك

توبليرونمعجبون بهذا.

فيصل · 20-03-2016, 06:43 AM

صباح الخير
كلي لك يا بعدي

دوجي
يجلد الدعاسه
نرقي

يبيلها ترجمه مش الكل فاهمها

بالشتاء كئيبه أتصور كثير يا أخي غير الأجواء اللي ممكن تحوس مريرتك
بيرسي بالله جازتلك معروفه ما يحتاج لكن قليل من يكتب عنها

لا ديفانس أعجبتك أبوعبدالله وهل تستحق ترجع لها أم لا
تحس المكان يبيله مفاهمات

متعب الصعود مره

القطار يأخذ فيك لفه
يا أخي والله ليش مقلل من تقريرك
زي ما قالت أم ريم فيه معلومات وتوضيح جميل

تحياتي لك

ابو عبدالله و توبليرون معجبون بهذا.

ابو عبدالله · 20-03-2016, 06:47 PM

اقتباس : المشاركة الأصلية كتبت بواسطة فيصل

صباح الخير
كلي لك يا بعدي

دوجي
يجلد الدعاسه
نرقي

يبيلها ترجمه مش الكل فاهمها

بالشتاء كئيبه أتصور كثير يا أخي غير الأجواء اللي ممكن تحوس مريرتك
بيرسي بالله جازتلك معروفه ما يحتاج لكن قليل من يكتب عنها

لا ديفانس أعجبتك أبوعبدالله وهل تستحق ترجع لها أم لا
تحس المكان يبيله مفاهمات

متعب الصعود مره

القطار يأخذ فيك لفه
يا أخي والله ليش مقلل من تقريرك
زي ما قالت أم ريم فيه معلومات وتوضيح جميل

تحياتي لك

ههههه هلا ابو خالد ... قوقل موجود
لا موب مره كئيبة ... حليله نوعا ما ... بس فعلا اذا الجو مطر وحوسه يخلف الله على يومك ..
بيرسي ماقد قريت عنها واحس انها حليله ... انا احب الدعاسيق ... وتصلح روحة صغيره ... حقت تقهوي وسواليف ( يعني بنص البرنامج ) ...
اللاديفانس حلوه والله ولو رجعت بروح لها ثانيه .. جوها حلو بس مشكلتها اللي يطلبون مساعده ( الله يساعدهم ) كثير هناك مدري ليش ..

والصورة هذي في مونمارت اللي احس بالنسبة لي تحتاج يوم على الاقل ... جميله مره .. جو تمشي وسواليف ... وماقللت من التقرير الصور خلصت بعدين مثلك عارف الكتابه لها ناسها ... بس الاسبوع الجاي بنغثكم بشي جديد في بوابة بريطانيا محد قد كتب عنه (اعتقد يعني ) ... بس الله يتممه ويطلع زين وماننكب

نورت ابو خالد والف شكر لحضورك ودعمك

فيصل و توبليرون معجبون بهذا.

أبو مهاب · 24-03-2016, 02:54 PM

ما شاء الله عليك يا أبا عبدالله

اذا انت تقول ما تعرف تسوي تقارير ومقصر

انا ايش اقول (صح مو شايب) بس ما لي خلق في التصوير والتوثيق

واحس اذا بس كتابة تقرير من غير صور ما راح يفيد

عموما ناطرين نشباتك ويا محلاها

ابو عبدالله و توبليرون معجبون بهذا.

ابو عبدالله · 24-03-2016, 04:50 PM

اقتباس : المشاركة الأصلية كتبت بواسطة أبو مهاب

ما شاء الله عليك يا أبا عبدالله

اذا انت تقول ما تعرف تسوي تقارير ومقصر

انا ايش اقول (صح مو شايب) بس ما لي خلق في التصوير والتوثيق

واحس اذا بس كتابة تقرير من غير صور ما راح يفيد

عموما ناطرين نشباتك ويا محلاها

هلا بخبيرنا ابو مهاب ... الله يرفع قدرك على تشجيعك .. بس اني والله اني مااعرف بس ماب باب رد الفضل لهذا المنتدى .. والا الله لا يحدهم علي ... وانا والله مثلك اتعيجز مره لان صنع التقرير الناجح فعلا قاااتل ...بس ليتنا نشوف شي منك لانك ماشاء الله هامه عاليه من هامات السفر ونفعك للاعضاء ما يخفى على احد الله يكتب اجرك ... الله يحييك ابو مهاب ونشوفك قريب

توبليرونمعجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
انطاليا ... رحلة خمسة ايام رائعه	بن زامل	بوابة تركيا	68	03-05-2024 02:22 PM
السفر براا لمدة خمسة ايام لدبي في الفترة 14/11 - 21/11 /1436هـ	الباشا 1883	بوابة الامارات	2	15-09-2015 05:57 PM