نار يا بطني نار -المطعم الهندي مغل محل

قصة حب · 21-02-2016, 01:24 PM

يسعد مساكم

ما اشتقتوا لتقاريري اللذيذه ؟؟

الشهر اللي فات
طرى على بالي اكل هندي وبرياني وفلفل حار وتلشوط

وكان فيه خيارين :

اما مطعم أشاز والا مغل محل
وبما ان الوقت كان متأخر والكل جوعان
فأخترنا اقرب شي لنا

مغل محل

رحنا فرع شرق
جنب برج الحمراء
والا مسكرين الباب خلالااص ما ناخذ طلبات

قالنا

اليوم سبت ويسكرون مبچر الساعه ست ونص المغرب
وصار عندنا احباط كبير
وزفيتهم بطوووا چبدي -لازم اطلع حرتي يوعانه لاتلومني

رجعنا السالميه مره ثانيه لفرعهم الثاني

مكانه بشارع سالم المبارك
عماره ماركس اند سبسر
قريب من المارينا مول

الدور الخامس

هالطاووس الجميل بالمدخل

وطلبنا ع السريع بعد لا يقول ماكو طلبات بعد ،

برياني دياي
وطبق حمسه ربيان
وكوكتيل
وخبز نان بالزبده

وبالخمسسسس

اول شي يوصل الاجار والروب وربعه

وهالخبز اللي احس طعمه سمك

وقضينا ع الروب وطلبت غيره

طلبت كوكتيل

لكن لما وصلت الفاتورة كان مسجل كوكتيل خصوصي

وطبعا اغلى بالسعر

وانزف مرة ثانية لأن هذا نصب

لازم يقولي في فرق مو على كيفه ينزل الاغلى

فنصيحة : انتبهوا على الفاتورة

والاطلاله بايخه لانها ع السطح

ورده حبنا

البرياني طلبنا فلفل وسط

وهذا الربيان
بس ماعجبني وايد انا ذوقي صعب بالحمسات

وبنوتي الجميله
هذا طبقها

طبق التش تش

صوص البرياني لزوم التغمس مع النان

والجولاب جامون عشق كبير لي
الحبتين بدينار و100 فلس

حسابنا 11 دينار و 600 بس

والحمد لله يارب تديم هالنعمة وتحفظها من الزوال

طلعنا دايخين الي البيت
لكن ظل فرع شرق في بالي وقلت المره الياية نزوره
صارلي 17 سنة مادخلته

وهذه لقطات من زيارتنا لفرع شرق من اسبوعين

بالطريق على البحر ويا حلات الابراج
الله يدوم افراحنا يا كويت الغالية

بيه شخبااااااااااااااري

مغيرين الديكور وشايلين السجاد وحاطين سيراميك

وصار ارتب وايد واشرح

ورده حبنا بس بشرق

لاحظا على البروشور انه في فرع حولي

فيه بوفيهات على الغداء والعشاء كل أربعاء

اجار هندي مشكل

طلب ابونا تكا تندوري

لذيذ

طلب بنوتي

شبعنا زف من راس المال ع التصوير
يقول ذبحتونا

الروب لذيذ لكن ،،،،

اللي يخاف من العفريت يطلع له
وبسرعه تلوع چبدي
حظي الاقي شعر بأكلي بصحن الروب
وطبعا زفيتهم واعتذروا
لكن لافائده من الاعتذار خلصنا اكل وصار اللي صار

ياربي اشمعنى انا ؟؟؟؟؟

وحسابنا طلع تقريبا 15 دينار

وخسروا اني ماطلبت العشق الكبير منهم

طلعنا واخذته من لولوهايبر ماركت بالسالميه وارخص بوايد
عجيييب

الحبة ب 100 فلس بس

تخيلوا الفرق

والحمد لله ع نعمه الكثيره

اتمنى تقريري يعجبكم ويجوعكم ،،،،،

تحياتي ،،،

[emoji177]قصة حب[emoji177]

ملاك, النمسا, عامر الزعابي و 13 آخرون معجبون بهذا.

آخر مواضيع قصة حب

- شاركوني باختيار فنادق جديدة
- ملكة السفرات العائلية في رحلتها الرابعة الى ماليزيا 2016
- برنامج تاباتوك
- فندق هوليدي ان بينانغ
- عاجل جدا باص الى بينانغ

توقيع : قصة حب

كل إنسآن سيـكون يومـآ مجرد .. ذكـرى ! أمنيتــي أن أكون .. { ذكـرى بيضآء } في قلوبكـ

لا تغير طبعك لترضيهم ، لاتبدل صوتك لتعجبهم ، لا تخالف مبدأك لتوافقهم ، لا تتصنع لتنال رضاهم
أنت لك بصمة ، عش بما يرضي ربك ، ثم يرضيك ويرضى طموحك

التعديل الأخير تم بواسطة قصة حب ; 21-02-2016 الساعة 01:56 PM

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
مطعم زايكا الهندي	فتاة الدمى	بوابة السعودية	19	04-05-2016 05:31 PM
مطعم شيزان الهندي	سهم	بوابة السعودية	25	18-07-2015 06:27 AM
تندور الهندي .. حآآآآر	شارلوك هولمز	بوابة السعودية	18	29-04-2015 02:36 AM
المعبد الهندي ـ Batu Cave	Bu Rashid	ماليزيا	16	25-04-2015 06:40 PM
المذاق الهندي	فتاة الدمى	بوابة السعودية	20	30-03-2015 11:54 AM