زيارتي الرياضية للنوادي الانجليزية (مانشستر يونايتد،ليفربول،ارسنال،تشلسي،ويمبلي)

MOHANAD · 22-02-2016, 08:14 PM

مانشستر يونايتد - ليفربول - ارسنال - تشلسي - ويمبلي

بعد تقريري الاول

الحلم يتحقق بدون تخطيط لندن - جلاسجو

http://www.arabtrvl.com/vb/t10291.html

رجعت بتقرير رياضي وبسم الله نبدأ

مخطط الرحلة

لندن - مانشستر- ليفربول - جلاسجو - لندن

الناقل الخطوط الجوية العربية السعودية

السفريه كانت بتاريخ 5 مايو 2013
الى 14 مايو 2013

9 ايام تقريباً

المضحك فالموضوع اني مو مهتم فالكوره
ولا اشجع اي فريق فقط فكرة ومخطط وشي جديد بالنسبه لي

كان الاقلاع من مطار الملك خالد الدولي بالرياض الساعه 2:10 صباحاً
الوصول لمطار هيثرو لندن كان تقريبا
الساعه 9 صباحاً

بعد اجرائات الدخول تم استلام الامتعه وكان في انتظاري تاكسي بحجز مسبق
من شركة عرفتها عن طريق موضوع قديم فالمنتدى القديم
وكانت القيمه بحدود 45 باوند اذا لم تخونني الذاكره
كان شخص بأنتظاري ماسك لوحة صغيره
مكتوب فيها اسمي
انا اول مره واحد يشيل اسمي وكذا
عاد انا استحيت وسحبت عليه
مره ارتبكت مدري ليش بعدها قلت ياولد مالها داعي السحبه
خليني ارجع للرجال
خصوصا ان حجزي كان بفيزا مسبقة الدفع وما فيها فلوس لان قلت يمكن يسحبون علي او شي
المهم رجعت للرجال وقلتله انا مهند
بغى يصفقني يقول من زمان وانا انتظرك لاني عطيتهم وقت تقريبي وتأخرت الرحلة بسبب عطل فني

اعتذرت منه وركبنا التاكسي والى فندق

The Park Grand London Paddington

الي كان لي تجربه سابقه فيه وكتبت عنه موضوع وتقييم

http://www.arabtrvl.com/vb/t2908.html

وحجزت فيه من 5 مايو الى 6 مايو

كالعاده التشك ان بعد الساعه ٢ الظهر خليت شنطتي عندهم والمره هذي بدون خريطه وبدون لا اسأل اي شخص سيده للهايدبارك كان فيه كوفي شوب صغير اخذت منه هوت شوكلت

وشفتلي زاويه فالحديقه ما فيها احد واستلمتها سرداحي مرداحي على العشب وتأمل فالاشجار العملاقه والطيور الي حواليني
كانت لحظة جميله بالنسبه لي كنت اسمع بالتأمل والهدؤ وما جربت الشغلات هذي فقررت اني اخربها وانسدح وأتأمل

اخذت 3 دقايق بعدها ما عرفت اتآمل جبت العيد قعدت افكر فحارتنا وكذا

بعدها قمت وسيده لشارع العرب لمحل كتبت عنه في تقريري الاول

واخذت شريحه وفعلت الانترنت

والمره هذي ما طولت حسيت اني تعبان ومانمت زين فجلست اتمشى حوالين شارع العرب وبعدها اكسفورد هذا وانا تعبان
ورجوع للهايدبارك وبعدها للفندق سجلت دخول

واخذت شور جلست فالفندق وفالمساء اخذتها تمشيه للمنطقه حوالين الفندق
منطقة البادنغتون والبايسوتر
BAYSWATER Paddington

بعدها اخذت كالعاده ساندوتش وعصير من السوبرماركت ورجعت للفندق ونومه لليوم الثاني

اليوم الثاني 6 مايو

صحيت الصبح واخذت تاكسي للـ Euston Station

واخذت تذكره الى مانشستر ب 76 باوند

وصلت مانشستر Manchester Piccadilly
الساعه 1:20 بعد الظهر

كنت حاجز في شقق قريبه من محطة مانشستر بيكاديلي
شقق Staycity Serviced Apartments

والي كتبت عنها تجربتي وتقييمي لها
http://www.arabtrvl.com/vb/t2570.html

سجلت دخول وبعدها توجهت للسيتي سنتر وتمشيه فالاسواق ما خليت سوق الا دخلته
على شارع الـ Market St
وفيه ارندال مو Arndale

وكانت فيه عروض كثير عاد خبركم استانس على العروض واستلمهم تصوير واسحب عليهم ما اعطيهم فلوس

بعدها رجعت للفندق ونومه

اليوم الثالث 7 مايو

اخذت تاكسي والى ملعب مانشستر يونايتد أولدترافورد

وصلت الملعب الساعه 1 الظهر

اقرب محطة قطار للملعب Trafford Park

واخذت ساعه كامله ادور حوالين الملعب ادور المكان الي يبيعون منه التذاكر

لين اخيرا لقيته بعد ما سألت
اخذت تذكره جوله فالملعب مع جوله فالمتحف ب 20 باوند تقريبا
و الحجز اون لاين افضل وارخص
Museum & Stadium Tour - Official Manchester United Website

كانت جوله جميله اول مره ازور ملعب
الملعب الوحيد الي دخلته وحضرت فيه مباراه هو ملعب المحاله في مدينة ابها كان على ايام دوري الصداقه فالصيف

الجوله ابتدت بالمتحف وبعد ما خلصت كان فيه طابور مجموعات يدخلون
وكل مجموعه مع شخص يحكي عن انجازات النادي وتاريخه والبطولات والملعب
وكانت الجوله في جميع انحى الملعب من غرفة تبديل الملابس وبعدها للممر الي يدخلون اللاعبين معه للملعب
ودخلنا للملعب والسماح بالجلوس والتصوير فلمكان المخصص للمدرب ولاعبين الاحتياط
لمانشستر والفريق الخصم
بعدها انتهت الجوله وقبل الخروج مريت على المتجر اخذت كم صوره
وطلعت واخذت كم صوره من الخارج

الملعب

من الداخل

المتحف

المتجر

توجهت بعدها للفندق بدلت ملابسي واخذت الشنطه وسجلت خروج
وتوجهت لمحطة البيكاديلي واخذت تذكره الى ليفربول
Liverpool Central

وكانت المسافه قريبه بالقطار

وصلت واخذت تاكسي والى
شقق The Print Works Apartments

وكتبت تقرير عنها من هنا وتقييم

http://www.arabtrvl.com/vb/t4771.html

سجلت دخول نزلت اغراضي وشفت ان فيه واجهه بحرية قريب
واجهة ألبرت دوك البحرية
وعلى طول توجهت لها
رجليه كانت المسافه قريبه

وكنت امشي وبنفس الوقت اكتشف المنطقه وصلت
للواجهه البحرية كنت جميلة وفيها ملاهي
واستمريت امشي
ومريت فطريقي على التالي
BT Convention Centre
Echo Arena Liverpool
The Beatles Story
Albert Dock
ACC Liverpool
Liverpool Waterfront
Tate Liverpool
Merseyside Maritime Museum
Museum of Liverpool
Open Eye Gallery
Mersey Ferries
Titanic Memorial

Princes Dock
طبعا بدون كذب نصها ما ادري وشي بعد ما رجعت اكتشفت ان مريت فيها كلها
بعدها رجعت للشقق وكان فيه منطقة حيوية قريبه من الشقق رحت لها فيها محلات ومطاعم
اخذت من subway

بعدها رجعت للشقه واحلى نومه

اليوم الرابع 8 مايو

اخذت تاكسي الى معلب ليفربول انفيلد Anfield

وصلت الملعب الساعه 1الظهر

اقرب محطة قطار فيه Bank Hall و Kirkdale
طبعا بعيده شويتين يبغالها مشي بس تعتبر الاقرب

اخذت تذكرة لجوله فالملعب والمتحف تقريبا ٢٠ بارند
وشكل التذكره جميل ومن ايام زمان
ومعها توقيع لاعبين النادي
والحجز عبر الموقع افضل فيه انواع كثير للزياره والهدف
Stadium Tours - Liverpool FC

وكانت الجوله
جلوس فغرفة الاعلاميين ومعانا شخص من النادي يتكلم عن انجازاته وتاريخه وتأسيسه
والي عنده اي سؤال يسأل
بعدها قام وقال الي يبغى يتصور ياخذ راحته شوي ونبدأ الجوله
بعدها توجهنا لغرفة ملابس اللاعبين وكان فيها زيهم الرسمي
وبعدها جوله فالملعب
يوم خلصنا مرينا علي المتحف
وبعدها متجر النادي
تمشيت فيه شوي وطلعت

الملعب

من الداخل

المتحف

المتجر

وخلصت الجوله على 2:30
بعدها اخذت تاكسي والى الشقق
اخذالشنطه لاني سجلت خروج وخليت الشنطه عندهم رجعت اخذت الشنطه وعلى محطة
Liverpool Central

اخذت تذكره ولجلاسجو

وصلت جلاسجو الساعه 8 وعليها المساء
وتوجهت للفندق
Devoncove Hotel Glasgow

جلست تقريبا ٤ ايام فجلاسجو
يومين ففندق وبعدها يومين فشقق سويت عنها تقرير
http://www.arabtrvl.com/vb/t2374.html

طبعا تمشيه سريعه وزياره لبعض اصحابي اسكتلنديين

بعدها رجعت الى لندن بالقطار من Glasgow Central الى Euston Station
وكانت قيمة التذكره 125 باوند
لاني حجزتها من محطة القطارات بنفس اليوم

وصلت اخذت تاكسي والى
فندق Phoenix Hotel London

وكتبت عنه تقرير
http://www.arabtrvl.com/vb/t4532.html

وبتاريخ 12مايو كانت تمشيه في انحى لندن طبعا الفندق قريب من الهايدبارك
وكانت التمشيه على رجولي من الفندق الى اكسفورد ستريت وبعدها
البق بن ولندن آي وبعدها كانت زيارتي الاولى لبرج شارد والمنطقة الي حواليه

وصامل اني امشي
بعدها ما خلصت من برج شارد
رجعت رجليه الى الفندق واعتبرتها تمشيه

يوم 13مايوم

كان المخطط زيارة
ملعب تشلسي + معلب ارسنال + ملعب ويمبلي

صحيت الصبح الساعه 8 ونص
افطرت وتوكلت على الله وكانت الوجهه الى معلب تشلسي ستامفورد بريدج Stamford Bridge
وكالعاده مشي

وصلت الملعب الساعه 10 ونص

واقرب محطة قطار له Fulham Broadway Station

اخذت تذكره جوله مع المتحف تقريبا 18 باوند

الحجز عن طريق الموقع ارخص
Stadium Tours and Museum | The Club | Official Site | Chelsea Football Club

الجوله كانت مثل سابقاتها من الانديه
جوله في اروقة النادي وبعدها الدخول للملعب
والفرق انو الشرح عن النادي وانجازاته وتاريخه كان في المدرجات من قبل شخص جدا بشوش
والاسأله كانت فالمدرجات كانت افضل من البقية الي كانت في غرفة الاعلاميين
بعدها تصوير ومن ثم تم الانتقال الى غرفة الاعلاميين وشرح عن الغرفة وعن المؤتمرات الي تصير فيها
وبعدها الي يبغى يتصور ياخذ راحته
ثم جوله فغرفة تبديل الملابس
ومن ثم الى المتجر

الملعب

من الداخل

المتجر

خلصت الجوله الساعه 12 وربع وبعدها اخذت تاكسي والى

ملعب فريق ارسنال
Emirates Stadium

اقرب محطةاندرجراوند Arsenal

وصلت الساعه 2 الا ربع
واخذت تذكره للملعب مع المتحف ب 20 باوند طبعا بعد فرفره وتعب علشان القاء مكان بيع التذاكر
والحجز عن طريق الموقع افضل
https://bookings.arsenal.com/stadium...ties.htm?id=30

وكانت جوله نايمه وحسيتها فاشله
يعطونك سماعات وجهاز صغير ومن خلاله تسمع عن تاريخ النادي وانجازاته وكل ما تمر فمحل مكتوب رقم عليه وتضغط الرقم فالجهاز ويعطيك معلومات عنه
شي تقني بحت بس كنت افضل وجود مرشد افضل
لانهم يعطونك الجهاز وعليه مبلغ ناسي كم
ويخلونك تدرعم فالنادي وكل شخص لحاله

الملعب

من الداخل

المتحف

المتجر

وخلصت من الملعب وجوله فالمتحف الساعه 3

بعدها اخذت القطار والى ملعب ويمبلي

واقرب محطة للملعب Wembley Stadium

وصلت الملعب الساعه 4 العصر

وللآسف رحت باخذ تذكره قالو خلاص معد يمديك قلت من هنا من هنا
قالو توكل
اخذت كم صوره من براء ورجعت

يوم ١٤ مايوم
تمشيه سريعه فالهايدبارك والمناطق الي حواليها وزيارة حبيب الكل هارودز واخذت منه كم هدية

وبعدها عودة للفندق والتوجهه للمطار

اتمني ان التقرير حاز على رضاكم

تحياتي للجميع

q8ya metnaqla, طوق الياسمين, توبليرون و 5 آخرون معجبون بهذا.

آخـــرفـــرصـــة · 22-02-2016, 08:30 PM

الحمد لله على السلامة

و أنا أقول وين مهند طلعت في أندية لندن
ما شاء الله عليك مالك في الكورة و زرت كل الاندية
بس عسى واحد منهم وقع معاك عقد

جولة روعة ما رحت الا ملعب مانشستر و أتوقع كلها مثل بعض
المهم انك استرخيت في الهايد بارك و تسدحت بكيفك

و الله ضحكتني تطلب خدمة توصيل و تشرد منهم هههههههه

الله يسعدك

توبليرون و ابو عبدالله معجبون بهذا.

q8ya metnaqla · 22-02-2016, 09:25 PM

الحمدلله على السلامه مهند سفره رياضيه بحته خوش زيارات للملاعب ولو حاضر مباراه وحده جان تولعت في الكوره
ههههههههههه اما سالفه ان بتسحب على التاكسي ضحكتني الله يقطع ابليسك
اعتقد كنت حاجز من شركة alphaminicab شركه ممتاز اذا سافرت قروب صراحه ااجر منهم اما اذا بروحي لا اخذ قطار هيثرو اكسبرس وعلى بادنغتون ستيشن ..
ياسلااام يعني دامك منسدح ومستانس في الهايد بارك ليش اتفكر في فريجكم الله يهداك بس اتعكر الجو ههههه
تايتنك ميموريال لما مريت عليه تذكرت الفليم
الله يعطيك العافيه على التقرير الحلو

MOHANAD, آخـــرفـــرصـــة, توبليرون و 1 آخرون معجبون بهذا.

آخر مواضيع q8ya metnaqla

- استفسارات اليابان
- رحلة صيفية بحرية في ربوع الجبل الأسود (مونتينيغرو 7/2024)
- حي الله هالقطري حي الله حبه ربى في حشاي .. مانحتاج حق السري سراينا هالجاي
- هنــــــــا سنغــافورة الكفــاح الإصــرار التعليــم التطــور
- هنـا وطـن اشعـار تكتـب فعشقـو معـروف للعـالم بمجدو انجازاتو تابته واللـه في قلب أرضـو

توقيع : q8ya metnaqla

كويتية متنقله في أعالي جبال الأنديز، قاطعه فيها الإكـــــوادور من الشمــال للجنـــوب

https://www.arabtrvl.com/vb/t49320.html

كنزٌ دفين اكتشافُ ارضٍ ضائعةٍ كنا نعرف بوجودها ولكن لم نستطع الوصول إليها(كولومبيــا)

https://www.arabtrvl.com/vb/t48941.html

مراسلتكم من الاتحاد السوفيتي سابقا (روسيــا 2019 )

https://www.arabtrvl.com/vb/t45053.html

في قصص الشعوب طرائف لاتنتهي وعالم حلو بهي يسكن في القلوب في قصص الشعوب (المكسيـــــك)

https://www.arabtrvl.com/vb/t41667.html

الى الزيتونة وعقبه بن نافع وابن خلدون بلد العلم والثقافة والتاريخ( تــونس الخضـــرا )

https://www.arabtrvl.com/vb/t39247.html

سـكــة سفــر فيهـا مشـاويـر العمــر ( امـريكــا ديسمبــر 2017 )

https://www.arabtrvl.com/vb/t31951.html

كل انسان يصبح شاعرا اذا لامس قلبه الحب : من بلاد الفلاسفه (اليونان)

https://www.arabtrvl.com/vb/t7554.html

ابو عبدالله · 23-02-2016, 12:05 AM

ههههههههه اما ملعب المحالة ودرة الصداقة ... اخبارك مهند وينك غاطس ... ترا هذي قلت انها سفرة 2013 يعني غطستك متى تطلع علومها.. انا مثل ابو غسان مازرت الا مانشستر يوم شب علي ولدي والا مالي بالكورة .. وتوني ادري منك ان ارسنال بلندن .... تقرير جميل ومرتب ... سلمت لمحبيك

MOHANAD و توبليرون معجبون بهذا.

فيصل · 23-02-2016, 11:36 AM

ما قصرت

توني أقرأ تقرير ياسر وحاضر مباراه ولا يشجع أي فريق

زين طلعو اللي مثلي كثير

فاقدينك مهند

MOHANAD و توبليرون معجبون بهذا.

شارلوك هولمز · 24-02-2016, 07:01 AM

رائع يامهند وتقرير بطل .. لندن غير

الا اعترف وش تشجع حكاية تلف 3 ملاعب وماتشجع فيها إنّ ..

الهايد بارك وتتذكر حارتك كان واحد جاته

شكرا ومن جد فاقدينك

هولمز

MOHANAD و توبليرون معجبون بهذا.

MOHANAD · 25-02-2016, 01:42 AM

اقتباس : المشاركة الأصلية كتبت بواسطة آخـــرفـــرصـــة

الحمد لله على السلامة

و أنا أقول وين مهند طلعت في أندية لندن
ما شاء الله عليك مالك في الكورة و زرت كل الاندية
بس عسى واحد منهم وقع معاك عقد

جولة روعة ما رحت الا ملعب مانشستر و أتوقع كلها مثل بعض
المهم انك استرخيت في الهايد بارك و تسدحت بكيفك

و الله ضحكتني تطلب خدمة توصيل و تشرد منهم هههههههه

الله يسعدك

الله يسلمكـ وش اسوي حسيت اني ختمت المملكة المتحده قلت يالله اندية وكوره ما يضر
وش اسوي اول مره تعرف مو متعود كنت اشوفهم واشوف اللوحات ما جربت شعور ان واحد ماسم اسمي

ويسعدك يارب منور ياغالي

توبليرونمعجبون بهذا.

MOHANAD · 25-02-2016, 01:50 AM

اقتباس : المشاركة الأصلية كتبت بواسطة q8ya metnaqla

الحمدلله على السلامه مهند سفره رياضيه بحته خوش زيارات للملاعب ولو حاضر مباراه وحده جان تولعت في الكوره
ههههههههههه اما سالفه ان بتسحب على التاكسي ضحكتني الله يقطع ابليسك
اعتقد كنت حاجز من شركة alphaminicab شركه ممتاز اذا سافرت قروب صراحه ااجر منهم اما اذا بروحي لا اخذ قطار هيثرو اكسبرس وعلى بادنغتون ستيشن ..
ياسلااام يعني دامك منسدح ومستانس في الهايد بارك ليش اتفكر في فريجكم الله يهداك بس اتعكر الجو ههههه
تايتنك ميموريال لما مريت عليه تذكرت الفليم
الله يعطيك العافيه على التقرير الحلو

الله يسلمك
وحققت الحلم وحضرت مباراة بس فسفرية ثانيه كان الشعور واااو صرت اتمنى كل ما اروح يكون فيه مباراه قويه علشان احضرها حماس مره مع الانجليز
وش اسوي اعتقد اني معذور
وما اتذكر والله الاسم
وهذاك زمان اول تكسي يوم ما كنت اعرف للاندرجراوند كنت اضيع فيه
الحين ما فيه الا القطار هذا زينه ورخيص
والله مدري بس حاولت استرخي ما نفع

والله يعافيك منوره الحته

توبليرونمعجبون بهذا.

MOHANAD · 25-02-2016, 01:57 AM

اقتباس : المشاركة الأصلية كتبت بواسطة ابو عبدالله

ههههههههه اما ملعب المحالة ودرة الصداقة ... اخبارك مهند وينك غاطس ... ترا هذي قلت انها سفرة 2013 يعني غطستك متى تطلع علومها.. انا مثل ابو غسان مازرت الا مانشستر يوم شب علي ولدي والا مالي بالكورة .. وتوني ادري منك ان ارسنال بلندن .... تقرير جميل ومرتب ... سلمت لمحبيك

هلا وغلا ابو عبدالله
تمام الله يعافيك
والله ابد مشاغل دنيا وانترنت ما يشجع ان الواحد يسوي شي
رفعت صور الموضوع صارت السرعه بالكيلوبايت ليومك هذا
الله واعلم بعد مرور كم سنه بينزل تقرير عن اخر سفريه باقي سفريات ما تكلمت عنها واحسها لازم تنزل بس المشكله بضيع كل معلومات اخر سفريه
يالله كلنا مالنا بالكوره بس تجربه ما تضر
والله يخليك يارب
وانت لا تقطع الله الله بتقرير وصور لو عن حديقة ولا شارع ما يضر
منور ابو عبدالله

ابو عبدالله و توبليرون معجبون بهذا.

MOHANAD · 25-02-2016, 02:02 AM

اقتباس : المشاركة الأصلية كتبت بواسطة فيصل

ما قصرت

توني أقرأ تقرير ياسر وحاضر مباراه ولا يشجع أي فريق

زين طلعو اللي مثلي كثير

فاقدينك مهند

هلا وغلا بفيصل

لا ترانا كثير بس دايم نسوي اننا نتابع اذا صرنا مع ناس مولعين بالكوره
ما يفقدك غالي يابعدي

توبليرونمعجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
بريطانيا : مانشستر، منطقة البحيرات، ليفربول، سوانزي، ويلز، كاردف و لندن	منيرة	اوروبا	50	25-04-2016 12:19 PM
كل شيء عن ليفربول	سفير جوجل	اوروبا	11	20-11-2015 11:04 PM
ساعدوني بترتيب المدن,لندن,مانشستر.ليفربول,يورك,البحيرات	احب السففر	اوروبا	6	07-06-2015 05:27 PM