مساكم الله بالخير يا حلوين

ميس الغانم وما ادراك ما لذة الاكل فيه[emoji39][emoji39]

هالمطعم قدييييم جدا بالكويت ومن اقدم المطاعم اللبنانية في الكويت
واهل الخليج يتعنون له اثناء زيارتهم لديرتنا الحبيبة الكويت

انستقرامهم




موقعه


الفرع الاساسي والاول بشارع الخليج العربي مقابل ابراج الكويت
وبالضبط مقابل مطعم شرمبي على البحر

يعني ابدا ما تضيعونه وبسرعة توصلون له
[emoji257]



يتكون من دورين
عاده العوائل بالارضي
والشباب والارجيله او الشيشة بالدور العلوي



[emoji322]

مكانه القديم الحين يستغلونه كمواقف اضافية للزبائن ايام الزحمة وبمساعدة خدمة الفالي المجانية المقدمة من المطعم

والفرع الثاني بالمهبوله -مجمع سبونز



[emoji257]


انا احب ازوره عشان طبقين
كبده الدجاج بدبس الرمان رهيبة واطلبها محمشة زياده

والعثمنلية الحب الكبير
انا اعشق الحلوياااات جداً[emoji8]


الضيافة دايما بطبق زيتون ومخللات
والخبز الحار من الفرن طازج حجم صغير






طلباتنا بالصور حياكم
حمص باللحمة والصنوبر




جبدة الدياي بدبس الرمان
مافيها زفره ومستوية ذايبة



وسلطه جرجير بالشمندر عشان الحبايب









وتختمها قصة ([emoji177])مع العثمنلية





وشكرا لكل من يكتب كلمة وتعليق طيب
ولنا لقاء اخر بمطعم لذيذ ان شاء الله،،،،،،


تحياتي الجميلة
اختكم [emoji177]



[emoji177]قصة حب[emoji177]

آخر مواضيع قصة حب

- شاركوني باختيار فنادق جديدة - ملكة السفرات العائلية في رحلتها الرابعة الى ماليزيا 2016 - برنامج تاباتوك - فندق هوليدي ان بينانغ - عاجل جدا باص الى بينانغ

توقيع : قصة حب

كل إنسآن سيـكون يومـآ مجرد .. ذكـرى ! أمنيتــي أن أكون .. { ذكـرى بيضآء } في قلوبكـ لا تغير طبعك لترضيهم ، لاتبدل صوتك لتعجبهم ، لا تخالف مبدأك لتوافقهم ، لا تتصنع لتنال رضاهم أنت لك بصمة ، عش بما يرضي ربك ، ثم يرضيك ويرضى طموحك

مطعم راقي وغني عن التعريف

شكراً للمساهمة الكريمة

شهيتيني على كبدة بدبس الرمان
عرفنا شو غدا بكرة هههه

يسلمو الايدين يا رب.. الله يكتب لي زيارة للكويت واجرب كل هالمطاعم اللي شوقتينا عليها




Sent from my SM-G900H using Tapatalk

هنهم صج من احلى المطااعم اللبنانية في الكويت ميس عشق
ماعون حمص باللحمه يااااااااااااااربااااااااه
عوافي قصه وعليكم بالعافيه

عليكم بالعافيه قصتنا
انا يوم السبت طالبه منه عشا
كببهم لا يعلى عليها والا سمبوسة الجبن اللبنانية اوووه
وذاك اليوم طلبت فطاير سبانخ ولفايف الجبن امبيييه عجيبه

ومشوياتهم بعد مع الحمص والمتبل ايبااه

بس الجبده هذه اختصاص العيال مو رفيجتي

المطاعم اللبنانية دايم أكلها رايق و خفيف على المعدة

هذا اللي يعجبني فيها

بالعافية عليكم قصة

مبين المطعم توب كلاس

انا لو اعرف هذا مطعم رئيس مجلس الامة الكويتي مرزوق الغانم انا رايح له لو اتغد ب 10 الاف

يا حبي له هذا الرجل

والله يا قصة انك جوعتيني اخر الليل والساعة 3 ما فيه حد فاتح حتى الصيدليات مقفلة ههههههه

مخلل الخيار رجاء لا احد يقرب صوبه

عاد المشكلة يبغى لهم يذبحون 100 دجاجة علشان تكفي كبدتها الصحن .. صغيرة كبدة الدجاج ههههههه

الحمص انا احبه اذا عرفت ان اللي يسويه اردني .. يضبطونه بشكل رهيب

الله يعطيك العافية

انه من الناس الي تتعنى للمطعم ومستحيل ما أزوره في كل زياراتي للكويت
بس مشكلته الزحمه

هني وعافيه قصه

آخر مواضيع fanda

- استفسار عن منتجعات بوكيت - تجربة استخراج فيزا شنغن من السفارة الالمانية - البحرين - غدانا مجابييييس - هنا البحرين 2017 - مساعده في خط الرحله

توقيع : fanda

غارقة في نعمك يا الله ... فلك الحمد حتى ترضى أم ريم