يعطيك العافيه

تقرير رائع ومفيد شكرا

اهلا أم جسومي .. نورتي الموضوع يا قمرة ولا يهونوا بقية المنورين وشكراااا لطولة بالك وضميرك في الرد ..

التسلق كان فعلا خطوة جريئة جدا لنا .. لكن لا زوجي بطّل دخان ولا أنا لياقتي تحسنت للأسف من بعدها بشوي صار معي دسك في الفقرات السفلية وبالتالي حتى الرياضة القليلة الي كنت امارسها انقطعت عنها، والآن بحاول ارجع بالتدريج لاشياء غير مؤذية ..


بخصوص عبد الرحمن وأي سائق في أي بلد نزورها، نحن فعلياً عن قصد بنحب نتعرّف على سكان البلاد التانية ونحكي معهم عن تفاصيل حياتهم .. ما في أي كتاب أو موقع رح يعطيك هالتجربة بنفس الصدق والشفافية .. دايما أهل البلد هم المرجع الاول وخاصة بلاد عريقة متل ماليزيا او غيرها ..


لقيت حدا بيحب الكاتشب متلي الحمدلله - مو بس الأطفال

تسلمي على الدعاء الجميل ولك بالمثل واكتر يا رب، تفرحي بجاسم وراشد ومن بعدهم وربنا يرزقك برهم آمين


وقت زيارتنا لليغولاند كان عمر سيف أربعة و8 أشهر تقريباً .. لعب في ألعاب كتيرة وانبسط جداً، ولا زال اسمها عالق في باله لليوم على انها من أجمل الاماكن اللي زارها.. فتوكلي على الله المكان جميل ورح يتونس فيه كتير هو وانتو كمان

اما سنغافورة فلا تندمي ابدا ، انت عملتِ الصح وبدأتِ من البلد الأم وهي ماليزيا .. سنغافورة ايقاع الحياة فيها اسرع بكتير رح تحبيها لبضعة أيام .. ما فيها الرواق الي بتشوفيه وبتحسيه في ماليزيا .. لكن على صغرها مليئة بالاماكن والمعالم الرائعة .. ولا تنسي انها غير اقتصادية مقارنة بماليزيا..


بخصوص مصنع الزجاج ما معي احداثيات لانه كان على طريقنا، لكن لو مهتمة فيه بحاول الاقيلك ياها مو مشكلة ابدا ..

عموما انا بحب رحلاتي ما تكون على مسار تقليدي كل الناس بتمشيه وبتروحه ... مش بس بحثا عن الاختلاف لأجل الاختلاف، انما لأنه ممكن نكتشف شي بيناسب ذوقنا أكتر من غيره، فاختلاف الأذواق بيتجلى بكل أبعاده في السفر .. والفضول موجود عند الكل لكن البعض "برستيجه" ما بيسمح له يسأل كل دقيقة والتانية


الشقق الفندقية انا بنصح فيها للعائلات.. لما اسافر وحدي أحياناً بختار شقة لشخص أو لشخصين من باب الفزلكة هههه بس بالاغلب انا وزوجي أو لوحدي باخد غرفة فندق عادية.. اما لو معك اطفال خدي راحتك بالشقق غسالات ومطابخ مجهزة وكل شي موجود بدل ما تشيلي معك .. واسعارها احياناً أفضل من الفندق


بخصوص المرض والأطفال .. للأسف ما أظن اني اقدر أفيدك، والسبب ببساطة انه احنا عايشين في بلد باردة والحرارة عنا في شهر يناير (موعد السفر) غالبا تحت الصفر أو أكتر بشوي .. بالتالي اجسامنا متعودة على شوية برد وانا عن نفسي ما عمري حسيت انه في برد في ماليزيا حتى مع السباحة .. ولا نسمة هوا.
القاعدة الأساسية بس هي المكيف ما يكون شغال وقت الحمام أو العودة من السباحة .. واحنا اصلا ما بنحب المكيف خير شر ومعظم وقتنا بدونه ..


كلامك صحييييح .. كل ما سافرتي أكتر انفتحت نفسك للسفر .. والله انا بكون في الطيارة متجهة لمكان وعم أخطط لرحلة تانية بعد العودة .. حتى وان ما تيسرت، التخطيط لوحده متعة وبيفتح لك افاق ما كنت تعرفي انها موجودة ... الحمدلله على نعمة السفر والتعرف على الناس والبلاد التانية ..


نورتيني جداً وأسعدتيني بردك .. بانتظار رحلات وتقارير رائعة منك