طيب .... السلام عليكم ورحمة الله وبركاته

معلش الرد هاد يمكن يكون طويل شوي .... بس .... مبسش

أولاً: عظم الله أجركم ورحم ميتكم وأحسن عزاءكم


ثانياً: أنا ندمان جداً جداً إني ما كنت قادر في الفترة الماضية إني أرفع راسي من كتر الشغل و شوية الظروف اللي مريت فيها واللي انتهت أخيراً والحمدلله ..... ولكن للصدق قرأت كل الحلقات اللي فاتت بدون استثناء ودققت في التفاصيل اللي كاتبتيها لسبب واحد وحيد وهو باختصار :


أي كلمة بتكتبها دينا لازم يكون لازم أتعلم منها إشي جديد..... بصراحة كل شيء كتبتيه مفيد ومهم ...وكيف بمر الوقت وأنا بقرأ وبتفرج على الصور ...... ما بعرف طبعاً هذا لا ينفي إنه ذاكرتي نوعيتها تيفال (لا شيء يلصق إلا بعد المحاولة الرابعة تقريباً)

ثالثاً: نيجي عاد للجد.

إيبوه: صور تاريخية والمطعم أول يوم بيكون الموضوع روعة وهما بيخدموا عليكم ....وإحنا قاعدين

الصينيين عندهم الأربعة والألمان الثلاثة ...وبعدين !!! شو رايكم نبطل نعد مثلاً ؟؟؟ شو هالأمم هاي ... عنجد هاي المعلومة أكلتن راسي

قصة أطول نهر كسوووول تحشيييييششش ...متخيل الملل وهو النهر بدزكم دز ... الله يعينكم على هالموقف

بس العالم المفقود كله شكله رووعة ما شاء الله ....

الفلم اللي بيعمله سيف فيكم وهو بيرجع بنط رهييييب .... ما شاء الله عنهم أولادك دمهم خفيف من قلب


أما المطارين فأنهف من بعض ...قعدت ساعة أدور على الشرطي بالصورة هديك ...مش شايف غير مزهريتين كبار

المكان اللي نزلتوا فيه بجوهور بارو ما شاء الله فخم ورائع ...وعجبتني فكرك الأولاد يلعبوا غميضة في البيت ...أنا ولادي كان لعبوا سيوف وسكاكين ..... بس شفتي بعد المكان شو عمل فيكم ...من إيمتى ست دينا بتبعيش ورا هادا الموضوع ؟؟!!

عملتي حالك رايحة تشتري مناشف وسلختي واحد مانغو من ورا ضهر الأولاد صحتين وعافية

أخيراً الليجو لاند أظن إنها لازم تعتبر من عجائب الدنيا الحديثة ....سبحان الله، كل هذا الوقت وما خلصتوا نصها، وكل هاي التفاصيل والأشياء الدقيقة ولسه في كمان أشياء بس قعدت أتخيل كم حبة ليغو استخدمت في بناء كل المدينة....

أخيراً أنا الأسبوع الجاي إجازة ...فقاعدلكم إنتي و أم زياد إن شاء الله ... اليوم قعدت ساعة على التقرير تاعك هينا اتبهدلنا ...بكرة إن شاء الله الصبح بقرأ لأم زياد وبراجع التقرير تاعك كمان مرة وعلشان أعمل في امتحان


ألف ألف شكر على الحلقات والصور الماتعة