جزء لنكاوي سريع سريع لانو تقرير ممل من غير صور بحاول اختصر قدر الامكان
جزء العشق لنكاوي :
طبعا صحينا بدري كالعادة ونزلنا فطرنا ثم اخدنا جولة في مول البيراميد واخدنا بعض المشتريات الخفيفة لانو الوزن الزايد مشكله مع طيران اير اسيا ورجعنا الفندق وعملنا تشيك اوت واتفقنا مع سواق عند مدخل البيراميد عندهم كشك صغير اتوقع اخدت المعلومة من اخونا هاي مزمز وكان ارخص سعر بقيمة 75 بس للامانة التاكسي حالته حالة بس مشي الحال طبعا الاخت بعد لكزس المطار صار مايعجبها اي كلام
المهم نزلو الشنط وقلنالهم اوزنوها عشان نعرف وطلع الوزن تمام وانطلقنا الى مطار اير اسيا وكان جديد وجميل ومنظم وانا اعد الساعات لرؤية حبيبة القلب
وصلنا المطار وحصلنا طوابير وزحمة مخيفة طبعا احناطبعنا البوردنق قبلها ب14 يوم
طلعو كنسلو الرحلات الى لنكاوي بسبب الدخان الضبابي ولقينامعانا خليجين كثير تكنسلت رحلاتهم من قبلها بيومين طبعا ارسلولنا ايميل ولكن مع السفر نسينا نشيك عليه
جلسنا مننا مجموعة واتفقو ياخدو باص قدح ثم الى لنكاوي بالعبارة ساعة ونص
ونزلنا تحت مننا مجموعة واخدنا باصين كل باص بسعر 900 ريال
ماكنت عارفة انو في باصات ايرولاين الى بينانغ وبسعر اقل وباصات ارتب وانظف
كانت رحلة متعبة مااتذكر كم ساعة بس وصلنا قدح الساعة 7 ونص الليل وكانت مافي عبارة في هاذا الوقت قفلو وطبعا هاذي غلطةثانيةلورحنا بينانغ كان افضل وجلسنا ندور فنادق نظيفة وتعبنا الين لقينا فندق واحديعتبرالافضل في المنطقةفندق الورا ستار اظن اخدناغرفة بقيمة 300 رنجنت مع الافطار
وبعدها اخدنا خفايف من مول امامه ونمنا علطول من التعب وللاسف طلعت الكاميرا ضايعة في الباص الاولاد اخدوها وماانتبهت وحطوها تحت المقاعد شيكنا قبل لانطلع بس ماانتبهنا والسواق طبعا حرك لكوالالمبور
رحلة متعبة مع الاطفال باص وحوسة في المطار بس الحمدلله كله خير وراحت ليلة في منتجعي الجميل وستن
مصاريف اليوم المتعب 75 رنقنت للتكاسي للمطار +450 رنقنت للباص +300 رنقنت للفندق في قدح

يتبع جزء لنكاوي:صحينا بدري ولكن مافضلت افطر بسبب دوار البحر دايما اتعب ومامعايا حبوب لدوار البحر وماكنت حاطة في بالي عبارة ابدا سبحان الله استبعدت السفر بالباص والعبارة من بالي ولكن مكتوب لنا والحمدلله
اخدنا تاكسي الى محطة الفيري في قدح بقيمة 50 ريال تقريبا وانتظرنا لموعد الرحلة واشترينا خفايف للفطور من محل فيها بس للاسف مو متذكرة سعر تذاكر الفيري
طبعا قدح منطقة عادية مايميزها الا كثرة مساجدها ماشاء الله تشرح الصدر والخاطر
طبعا لقينا احد الاخوة اللي معانا معاه رقم السواق تواصلنا معاه وقال الكاميرا موجودة واخدناها من المطار عند رجعتنا الى كوالالمبور
انطلق الفيري على بركة الله صراحة ماعجبني ابدا كان في بالي شي افضل ويعيبه التبريدبااااارد استعديت بجاكيتات للاولاد واستغرقت الرحلة ساعة ونص طبعا السواق اختار قدح لانها اقرب نقطة بالفيري للنكاوي ساعةونص بينما بينانج ساعتين وصح
وبدات معالم لنكاوي ودق القلب للقاء لطالما انتظرته
وصلنا بالسلامة وللاسف معانا شنط كبيرة نوعا ما وحملها من الفيري متعب وساعدونا الاخوان جزاهم الله خير
اخدنا تاكسي الى منتجع وستن ب15 رنجنت قريب من محطةالفيري وصلنا وكان منتجع جميل جدااستقبلونا بالعصير والمناشف بس للاسف اللي في الرسبشن عملت شوي اكشنات انو تاخرتو ومافي غرف اللي طلبتوها وادفعو عشان نسوي ترقيه بس قلناها لاشكرا نبغا غرفتنا واعطتنا الغرفة نفسها بس مع فناء وسعرها اعلى بشي بسيط بس ما دفعنا شي اصلا كفاية القلب مجروح من الليلةاللي راحت على الفاضي ارتحنا شوي ثم اخدنا تاكسي ب10 رنجنت الى نصب النسر تمشينا شوي وعلى مجمع الفيري تغدينا في مطعم الفيشاوي بمبلغ 150 ريال بس اكلهم مو مرا الحمدلله على النعمة ورجعنا للفندق ب10 رنجنت واحلى نومة
مصاريف اليوم الاول 50 للتاكسي في قدح +تذاكر الفيري للاسف ناسية كم+تاكسي لوستن ب15 +تاكسي للذهاب لنصب النسر والرجوع للفندق المجموع 30 رنقنت + 150 غدافي الفيشاوي
طبعا التقرير بدون صور زي الاكل بدون ملح😅 بس مشو حالكم
انتهيت من اول جزء ولي عودة قريبة اكمل الجزء الثاني والاخير من الرحلة

معوضة خير في الكاميرا واللابتوب وشكرا لك على المعلومات الرائعة

أعجبتني كلمة جملة ( التقرير بدون صور مثل الأكل بدون ملح )

ما تقصرين والجايات أكثر
خيره والحمدلله علي كل حال
مشكله كثير يغفل عنها مع زحمه تجهيز السفر وهي التشييك علي الايميل للتأكد من الطيران أو الفنادق
صحيح متعب الباص لكن ما تدرين وش الخيره فيه وليله بدالها ألف ليله

جزء جميل جدا كله اكشن من مطار كوالا الين الوصول الى لنكاوي..
جميل انه رغم كل الأحداث وصلتم وأنتم في قمه الشوق الى لنكاوي..
اتذكر ان الضباب كان موجود اثناء تواجدي في كوالا لكن لم يكن بهذا السوء..
كيف كانت اجواء لنكاوي من ناحيه الضباب الدخاني..

يا الله قلبي وجعني وانا اتخيل رحلتكم بالباص إلى قدح ومنها بالعبارة تاني يوم ... لعله خير وان شاء الله الأيام اللي بعدها كانت أفضل ..

اما ضياع الكاميرا قلبي ... كمان مرة .. وكمان مرتين لما قالتلكم ضاعت الغرف.. في هيك حالة كان لازم اتصلتوا بالفندق من اليوم السابق وخبرتوهم بالتأكيد عشان ما تروح الغرف وتدفعوا زيادة .. لكن مرت على خير ان شاء الله

لازم تحطي تحذير ان التقرير في خطر على القلب والشرايين هههه جد تعبت نفسيتي

يا رب تكون باقي الرحلة أفضل متابعة معك