خبراء تايلند الفزعة ياشباب لا هنتو

الدنالي · 08-03-2016, 10:23 PM

السلام عليكم ورحمة الله وبركاته

تحية لجميع الاعضاء

اخواني انا جديد بالمنتدى , واتمنى منكم افادتي عن تايلند
تم التخطيط لتايلند وتحديدا فوكيت او بوكيت كما تسمى , وتكون مقتصره عليها فقط لقصر المدة وعدم اضاعت الايام بالتنقل من مدينه لاخرى, الرحلة ستكون بتاريخ :3 نوفمبر 2016
الى تاريخ : 13 نوفمبر , وتعتبر اول زيارة لتايلند
والرحلة مكونه مني شخصيا ( وحداني )
اخواني ابي رد منكم على بعض الاستفسارات
1- السكن , افضل سكن يكون قريب من من كل شي وامان ونظيفة
2- الفاعليات
3- اماكن من الممكن زيارتها
4- امكان للشيشة
5- المبلغ المقترح للرحلة , وتقريبا كم التكلفة بدون التذكرة
6- اماكن السهر والوناسة
7- المطاعم الجيدة
8- اماكن عدم زيارتها
واي ملاحظات او نصائح
تحياتي للجميع

ليمونه حزينه · 09-03-2016, 02:06 AM

اقتباس : المشاركة الأصلية كتبت بواسطة الدنالي

السلام عليكم ورحمة الله وبركاته

تحية لجميع الاعضاء

وعليكم السلام والرحمه
ويامرحبابك في منتدى العرب المسافرون وبوابة تايلند

اخواني انا جديد بالمنتدى , واتمنى منكم افادتي عن تايلند
تم التخطيط لتايلند وتحديدا فوكيت او بوكيت كما تسمى , وتكون مقتصره عليها فقط لقصر المدة وعدم اضاعت الايام بالتنقل من مدينه لاخرى, الرحلة ستكون بتاريخ :3 نوفمبر 2016
الى تاريخ : 13 نوفمبر , وتعتبر اول زيارة لتايلند
والرحلة مكونه مني شخصيا ( وحداني )

بما انك اخترت تايلند والحبيبه بوكت لاتقول وحداني
ستكون بين اهلك وربعك وناسك واتحداك اذا ماتمشي وتسلم ع ناس بتصادفهم

المده ليله ممتازه ل بوكت

اختيارك للترقيت جيد قلة من الخليجين وكثرة الاجانب

اخواني ابي رد منكم على بعض الاستفسارات

1- السكن , افضل سكن يكون قريب من من كل شي وامان ونظيفة

ارشح لك فندق باتونق بيج هوتيل

http://www.booking.com/hotel/th/pato...m1=A,A;m_occ=2

والفندق الثاني بان لا ماي بوكت

http://www.booking.com/hotel/th/baan...2_2_0;;m_occ=2

كثير الكلام عليه ومكان للشباب يقصدونه لسعره ولموقعه الممتاز بصراحه ونضافة الغرف واطلالته الجميله وانصحك من تحجز وتروح تاخذ الادوار العليا والمبنى الي يطل ع المسبح انا احب الي يكون يمين الرسبشن

وعندك خيار ثاني فندق جديد ومقابل مطاعم العرب وبجنب اشهر مجمع خطوات منه لكن لايطل ع الشاطيء

Sleep with me
الفندق روعه وافطاره رهيب ولذيذ بصراحه ولكن مسبحه في المبنى الثاني الي فيه غرف وجاكوزي بالبلكونه والمبنى الاول بس غرف من دون جاكوزي
والفندق عموما روعه وسعره اذا مبكرا تم الحجز حلو

فنادق الي رشحتهم لك سكنت فيهم واحبهم

http://www.booking.com/hotel/th/slee...0_2_1;;m_occ=2

2- الفاعليات

الفاعليات كثيره وانت بين بوكت لايمكن يمر يوم مافيه نشاط وحركه وفعاليات
طبعا عن طريق حجز رحلات ومن بعدها تبتدي الفعاليات

3- اماكن من الممكن زيارتها

الاماكن كثيره لا توقف عنها ع قولتهم لايوقف
عندك رحلات بحريه عديده ودور السينما والسوق والمجمعات الي تكون بعيده عن الباتونق بس يبيلك وقت ع ماتوصل وماله داعي التسوق في بوكت لانه غاليه لكن اذا تبي بلايز تي شيرتات اخذ منهم نصيحه الحفر والنص كم

عندك وحلات للغابات والسفاري والبانشيات والدبابات والزوو

4- امكان للشيشة

اماكن الشيشه وايد بكل مطعم عربي بتلقى فيه شيشه لاتحاتي لعبتهم هناك واجواءهم ماشاءلله الناس سهاري هناك ومن بعد المغرب بتشوف المطاعم مزدحمه والكل قاعد فيها لانه يكونون رادين من الرحله ومنهد حيلهم والحوع ذابحهم

5- المبلغ المقترح للرحلة , وتقريبا كم التكلفة بدون التذكرة

شوف اذا حجزت مبكر تحصل التذكره بسعر زوين وبعد الطيران الداخلي احجز مبكر طيران اسيا او التايلندي او بانكوك بس الارخص اسيا
الرحلات البحريه والاخرى تقريبا اغلب الكشكات متشابهه اسعارهم وانا راح ادليك ع وحده من سنين اتعامل معاها وبتعطيك اسعار سبيشل
المطاعم العربيه في بوكت اغلى من مطاعم بتايا وبانكوك
يعني ع حسب وجبتك واختيارك لكن في مطاعم السي فود لذيذه

6- اماكن السهر والوناسة

اماكن السهو والوناسه مادري لاتعليق في المطاعم تقعد وتجابل شيشتك العجوز الحمقاء انا اسميها او تحجز سينما او تلعب بلياردو وبولينغ في مجمع جنسلينغ الي موجود في بوكت طبعا وقريب من المطاعم العربيه ومقابل شارع بنغلا المشهور

7- المطاعم الجيدة

عندك مطعم الكويتي الجديد
ومطعم القاهره
ومطعم الشرق

8- اماكن عدم زيارتها

اماكن عدم زيارتها مادري ما اشوف بوكت فيها شي ماينفع ماتزوره كل شي فيها يغري ويحرض انك تشوف وتروح له

واي ملاحظات او نصائح

تحياتي للجميع

اتمنى لك رحله موفقه وسعيده اخوي
واتمنى تبتعد كل البعد عن بنات الليل والمافيا لما يعود عليك بعدها بمردود سيء من نصب ومشاكل وسرقات منهم بالدايه يكونون حبايب وبعدها وحووووش

الابتعاد عن الشاطيء مساءا سواء سباحه او الجلوس وحدك لوجود بعض المافيات هناك تتجول وتتصيد

اذا كنت تبي تأجر سيكل الموتر باي كن حريص انك مجيك ومتأكد من سلامة السيكل ومايكون مكسر او او وتتفق ع السعر من البدايه

احرص ع الفلوس انها بالسيفتي بوكس وكل ماتملك غالي تخليه بالسيفتي

الرحلات البحريه لاتاخذ فلوس وايد لانه مايكون في سيفتي
عند الشراء او حجز الرحلات وحتى ركوب التاكسي والتوك توك كاسرهم بالسعر
لكن تقريبا التوك توك موحد سعرهم
واخذلك يوم جوله بالتوك توك في بوكت الباتونغ وباقي الشواطيء

بالنسبه للصرافات البنك موجود بكل مكان وتقدر تسحب من كل مكان وكل مكينه وتقدر بعد تحول الكويتي او اي عمله خليجيه الى البات لارتفاع العمله الخليجيه ع الدولار واليورو يعني انا كنت ماخذه الدينار الكويتي واحول بات والسعر مرتفع يعني انا الربحانه

وسلامتك

الدنالي · 09-03-2016, 05:54 PM

الف الف شكر اختي
كفيتي ووفيتي
تحياتي لشخصك

ليمونه حزينه · 09-03-2016, 08:18 PM

ولو ماسويت شي
اخوي بالنسبه لمكتب حجوزات الرحلات انا انصحك في كشك بوم الي مقابل مطعم الشرق ويمين فندق سليب وذ مي عجوز اليدفي الكشك اخذ منها كل الرحلات اسعارها روعه وقولها ليمونه

واذا وريتها الصوره بتعطيك سعر خاص جدا

ماجد الزهراني · 02-09-2019, 03:41 AM

ا

ماجد الزهراني · 02-09-2019, 03:41 AM

1

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ارجوا الفزعة ياخبرا استراليا في التأشيرة للاطفال المضافين في جواز الوالدين	عساف	فيزا دول اخرى	10	11-02-2016 08:43 AM
ايش رايكم ياشباب	صابر السهلي	ماليزيا	5	01-02-2016 12:25 PM
الفزعة يا أهل الخبرة	bo_Layan-qtr	تركيا	7	10-08-2015 06:12 PM
الفزعة ياخبراء النمسا	خالد القرني	بوابة النمسا	3	17-05-2015 01:15 PM
الفزعة في سكن العرسان	خالد القرني	بوابة النمسا	1	12-04-2015 11:15 PM