سلام عليكم،،
احترت في فندق في ميونخ وكل مرة احجز في فندق مختلف وانا ابحث عن فندق قريب مابين ساحة المارين ومحطة القطار خاصة اني بستلم السيارة من المحطة انشاءالله فحبيت يكون قريب وان الفندق يناسبنا
وحاليا حجزت في فندق (ماير مدينة ميونخ) لكنه 3 نجوم ولايحتوي على مكيف لكن موقع ممتاز وتقييمه جيدجدا في بوكينج فحبيت اعرف رايكم وخاصة اذا احد جربه وكيف وضعه في الصيف لانه بدون مكيف
او انك ترشحولي فندق اخر قريب وبسعر مناسب

هل وقتها يكون معك سياره ام راح تستلم السياره اثناء خروجك ؟

معك عائله ام شباب ؟

اهلًا اخوي انا انا بعد بإذن الله رايحه المانيا عالصيف بعد بحث طويل وقناعه حجزت ففندق بايرز فميونخ قريب من محطه القطارات وقريب من المارين بلاتز اهم شي فالفندق انه مكيف وفيه ثلاجه الله يسهل امورك وأمورنا بإذن الله وان شاء الله سفره سعيده

الجوكر
عائلة وبستلم السيارة اثناء خروجي
وحاليا الغيت الحجز وحجزت في فندق كونراد وتم خصم المبلغ واكتشفت ان الغرفة بدون مكيف والفندق ردوا بان الغرفة كبيرت واللي اخترته بدون مكيف وانهم بيوفرون مراوح

لآلئ الحور
لغيت الحجز وحجزت في فندق كونراد وبعد الحجز اكتشفت ان الجناح اللي اخترته بدون المكيف والفندق ردوا انه بدون مكيف وتم خصم المبلغ ؟؟

ميونخ حاره في الصيف ما تنفع بدون تكييف

شوف اذا في إمكانية إلغاء الحجز وتحجز في فندق ثاني

آخر مواضيع fanda

- استفسار عن منتجعات بوكيت - تجربة استخراج فيزا شنغن من السفارة الالمانية - البحرين - غدانا مجابييييس - هنا البحرين 2017 - مساعده في خط الرحله

توقيع : fanda

غارقة في نعمك يا الله ... فلك الحمد حتى ترضى أم ريم

fanda لاتقولين ): بتواصل مع الفندق الحين واكتشفت أيضا ان في الفندق في زلامسي بدون مكيف ؟؟ ماتوقعت ان يكون هناك فنادق بدون تكييف ، هل بيكون نفس الشي في زلامسي

مرحبا اخوي المقنع

ميونخ بالصيف ممكن يكون الجو حار والافضل تكون غرفه مكيفه

في البدايه حاول انك تكلمهم تكنسل حجزك اذا كان بدون الغاء
وبعدها تعطينا خبر نشوف لك فندق اخر

في حال انهم ماوافقو تلغي الحجز
الحل الثاني يكون السكن بنفس الفندق

لكن

اتوقع انت اخترت الغرفه من نوع ( غرفه من الدرجه الاولى )

حاول معاهم واستبدلها بغرفه من نوع ( غرفه تجاريه )
الغرفه التجاريه اصغر لكن معاها تكييف


بالنسبه لزيلامسي
ممكن نعرف اسم الفندق الي حجزت فيه

غالبا زيلامسي مب مشكله اذا كانت بدون تكييف
لان بالغالب الجو حلو ولطيف
يعني بالصيف غالبا الحراره مابين 18 الى 22
وبعد يعتمد على موقع الفندق
اذا كان على البحيره او بمنطقه مفتوحه او لا

بالتوفيق

اللهم يحفظهم لك ..

وجهت نظري ورأي الشخصي ابتعد عن السكن حول محطات القطار لو بلاش

ميونخ احجز في بولمان يارجل جدا روعه بتكيف وقريب منه مترو
Booking.com: ظپظ†ط§ط¯ظ‚ ط¨ظˆظ„ظ…ط§ظ† ظ…ظٹظˆظ†ظٹط® - ظ…ظٹظˆظ†ظٹط®, ط£ظ„ظ…ط§ظ†ظٹط§







في زيلامسي ارشح لك وبقوه بس اهم شيء يكون معك سياره



فندق جاوزن ستاسيون فيفرباور
Booking.com: ط¨ظٹظˆطھ ط¶ظٹط§ظپط© ط¬ط§ظˆط²ظ† ط³طھط§ط³ظٹظˆظ† ظپظٹظپط±ط¨ط§ظˆط± - ط²ظٹظ„ ط£ظ… ط³ظٹ, ط§ظ„ظ†ظ…ط³ط§

او اسكن في كابرون شقه اهم شيء توفر البطاقة