اللهم امين ويسعدج يارب
ويجزاج بمثله ان شاء الله

حلوو زين الحمدلله خلصتي الفنادق

بس حتى فنادق ادنبره خجزتيها او لا !!
لان للحين ماخلصنا مناقشه فيهم ههههه


قطار من مانشستر الى البحيرات

اي والله ان شاء الله يكون بنفس وقتج او قريب منه تكون الرحله دايركت
وحتى لو مش دايركت ممكن تروحين مدينه اوكسن هولم وتاخذين القطار من هناك افضل من التغيير من قطار لقطار مع عفشكم

بس ماقدر اشوف الرحلات الحين بالضبط
لان الموقع يعطيني تقريبا اقدر اشوف الرحلات لين تاريخ 18/6
لان الرحله باقي لها وقت طويل

بس غالبا احتمال كبير راح تحصلين اقرب رحله دايركت بتكون الساعه 9:46 الصبح

قطار البحيرات الى ادنبره

تقريبا كل الرحلات تبديل قطار في مدينه اوكسن هولم
والمسافه مابين 2:26 الى 2:52

قطار ادنبره الى لندن

انا كنت مفكر بتروحين بطياره بينهم
لكن اذا تبغين قطار
الرحله بتكون دايركت
كل نص ساعه في رحله طالعه الى لندن
محطه وصولكم في لندن كنغ كروس هالمحطه جنب محطه بانكراس ومتحف الشمع

بالنسبه للذهاب من ادنبره الى جلاسكو


ايووووه اكيد تقدرين تروحين تتمشين وتتسوقين وترجعين بنفس اليوم
الرحلات بالقطار دايركت مابين 1:03 الى 1:16
المحطه الي يطلع منها القطار في ادنبره بوسط المدينه
وهي محطه القطارات الرئيسيه
ومكانها تحت الجسر الشمالي الي يربط شارع البرنسس وشارع المايل ( ادنبره القديمه والجديده )

ومحطه الوصول في جلاسكو
معظم الرحلات توصل في محطه كوين ستريت Glasgow Queen Street
وبعض الرحلات توصل في محطه Glasgow Central

وانا اقولج لاتاخذين الرحله حسب المحطه
لا خذي الرحله حسب الوقت الي يناسبكم
لان المحطتين بنفس المكان تقريبا

محه كوين ستريت خلف مجمع بوجنان BUCHANAN GALLERIES
يعني تقريبا في نهايه شارع التسوق والممشى

اما محطه السنترال فهي في بدايه شارع التسوق والممشى
يعني احجزي الوصول لأي محطه فيهم عادي

بالنسبه لجدول ادنبره وجلاسكو

انا قلت لج قبل ادنبره وجلاسكو في المخبى تطمني هههههه
لاتحطينهم ببالي انا برتب لج كلشي عنهم وبقولج وين تروحين ووين تجين وشنو تسوين


ملاحظه :

المواصلات في ادنبره : باصات ماعندهم مترو

المواصلات في جلاسكو : انا اشوف ماراحتحتاجون مواصلات جلاسكو
لان بالسنتر كلشي جنبكم يدوب تخلصونه نهار كامل

الا اذا بتروحون حدايق واشوف انها ماتسوى

المواصلات في جلاسكو عندهم مترو اسمه subway
لايروح بالج مطعم صب واي هههههههه
هو كذا المترو اسمه بس مش شبكة كبيره توصلج لبعض الاماكن
بس ماتوقع راح تحتاجين المواصلات هناك

وهذا الي عندي حاليا