والقطار مباشر وبدون توقف والوقت 43 دقيقة ومن محطة انجيلبيرج تمشون الى محطة التلفريك ولمدة 10 دقايق تقريبا
ومن انترلاكن يمكن الوصول للقمة من محطة انترلاكن الشرقية
Interlakenost الى محطة انجيلبيرج
مع توقف واحد في محطة لوزيرن والوقت ساعتين و49 دقيقة
------
ورحلتي لقمة تتلس الثلجية كانت من لوزيرن في شهر اغسطس 2014
وبالتحديد يوم الاربعاء 6 اغسطس وكانت بالسيارة
وصلنا لقرية انجيلبيرج تقريبا على الساعه 11 ونصف ووقفنا السيارة في المواقف القريبة من القمة
وهذي احداثياتها
N 46° 49.028 E 008° 23.886 والمواقف كانت من النوع اللي تاخذ كرت عند الدخول وتوقف السيارة وقبل المغادرة تدفع في الجهاز وسعرها كان 5 فرنك
وهذا مخطط لانجيلبيرج يوضح مكان التلفريك والمواقف بالاضافة الى شلال انجيلبيرج ومحطة القطار
وتلفريك زحليقة ريستيس
صورة للنهر القريب من محطة تلفريك تتلس
وخارطة موجودة عند المدخل
صورة لمحل يبيع الملابس الشتوية بالقرب من المدخل
وصورة بعد الصعود تشوفون فيها موقع المواقف ومحطة القطار
وتشوفون العدد الكبير من السيارات في المواقف والزحمة اللي كانت هذا اليوم
صورة لبحيرة انجيلبيرج من التلفريك
اول محطة وصلناها بس ما نزلنا من التلفريك
ثم بدلنا التلفريك في محطة تروبسي وركبنا تلفريك اكبر
صورة لبحيرة تروبسي
ووصلنا للقمة
اول ماوصلنا للقمة ونزلنا من التلفريك دخلنا في مبنى من عدة طوابق
وتشوفون هذي الصورة وموضح فيها كل طابق وشو فيه
في الدور الاول وهو نفس مكان وصول ومغادرة التلفريك
وفيه الكهوف الثلجية ومحل كوسك
وفي الدور الثاني المطاعم ويوجد نوعين من المطاعم الاول وفيه خدمة ذاتية بحيث تختار اكلك وانت ماشي الى ان توصل لصندوق الحسابات ومن ثم تختار مكان تجلس فيه وتاكل
والثاني مطعم حلو وعندهم ماكولات ايطالية وتطلب فيه من المنيو وهو اللي تغدينا فيه وكان اكلهم حلو
وفي الدور الثالث محل للشوكلاته وكوفي
والدور الرابع استيديو للتصوير وقعدة مع اطلالة بانورامية
والدور الخامس منطقة الخروج للثلوج والقمة وفيه بعد محل لبيع الساعات
وهذي بعض الصور من قمة تتلس
وشفنا لوحة ل ice flyer & glacier park
ورحنا صوبها وكان قربها الجسر المعلق
صور للجسر المعلق
وبالقرب من الجسر تلفريك يوصلكم الى من منطقة الزحليقات والتسلية
واسمها ايس فلاير واسعارها 12 فرنك للكبار والصغار 6 فرنك
وللعلم مايشملها خصم سويس باس
والتلفريك عبارة عن كرسي يصعدون فيه 6 اشخاص بحد اقصى يروح بكم الى
منطقة التسلية ice flyer & glacier park
وهذي صورة من التلفريك
وصور من منطقة ايس فلاير
وبعد الاستمتاع بالتزلج في المنطقة بدا السحاب ينزل علينا وكانت الساعه 3 تقريبا
وقالوا لنا خلاص بسكم اليوم وسكروا رجعنا الى القمة وتغدينا في المطعم اللي في الدور الثاني
وبعدها نزلنا للدور الاول لمكان التلفريك
وقبل النزول دخلنا للكهوف الثلجية
وبعدها نزلنا بالتلفريك وهذي بعض الصور
وهذي صورة قبل النزول لانجيلبيرج وتشوفون المواقف اللي كانت مليانه عند صعودنا والحين خفت الزحمة والظاهر اننا اخر المغادرين
>>>> يتبع ,,, شلال انجيلبيرج الجميل
2الاعجاب
23-12-2014, 02:56 PM
قمة تتلس الثلجية وشلال انجيلبيرج 
العرض الشجري
المواضيع المتشابهه 
