فيزا امريكا - من طقطق الى سلام عليكم - الصفحة 2

ابو ناصر المسافر · 14-03-2016, 07:30 AM

شرح متعوب عليه
يسلموا الأيادي ويعطيك العافيه

فعلاً متعة الشي تسويه بنفسك
والفيزا خطواتها جداً سهله بس يحتاج لها شوية صبر

فارس الجبيلمعجبون بهذا.

مسافر معاكم · 14-03-2016, 12:27 PM

هلا ومسهلا فيكم

اعتذر عن التأخير كنت استعد للمقابلة في السفارة والحمد لله انتهيت منها اليوم بنجاح .
راجع لكم بعد شوي لاكمال الشرح.

اقتباس : المشاركة الأصلية كتبت بواسطة آخـــرفـــرصـــة

ما شاء الله الشرح رائع و مرتب

رغم انه اول مشاركات لك على الانترنت

التحول للايجابية أمر مهم و سينعكس على نظرتك للاشياء

سعيدين بتواجدك بيننا و بمشاركاتك الايجابية

يا هلا و مرحبا

و بانتظار باقي الخطوات

هذا من ذوقك اخي الكريم ، التحول للإيجابية المنتدى هو السبب الرئيسي فيه بتوفير هذا المتنفس والمكان لكي يستطيع الجميع تقديم افضل ما لديهم.

وانا اسعد بتواجدي بينكم وبردودكم المحفزة

اقتباس : المشاركة الأصلية كتبت بواسطة tab_el

ماشاء الله عليك

شرح ممتاز وسهل

تسلم يدينك

تسلم ويسلم من تحب.
شاكر تواجدك ومشاركتك

اقتباس : المشاركة الأصلية كتبت بواسطة MG3

شرح ممتاز
استمر يا بطل

سنواصل بإذن الله ثم بدعمكم وتحفيزكم

اقتباس : المشاركة الأصلية كتبت بواسطة ابو ناصر المسافر

شرح متعوب عليه
يسلموا الأيادي ويعطيك العافيه

فعلاً متعة الشي تسويه بنفسك
والفيزا خطواتها جداً سهله بس يحتاج لها شوية صبر

تسلم ويسلم من تحب

اتفق معك ان تخوف الكثير من الناس من اكمال مستنداتهم بأنفسهم يفقدهم الكثير من المتعة
وقد يضعهم في مواقف محرجة ....

آخـــرفـــرصـــة و فارس الجبيل معجبون بهذا.

مسافر معاكم · 14-03-2016, 11:24 PM

حياكم الله من جديد ،،

الان بنشوف كيف تقدر تبدأ عملية اضافة افراد الاسرة الى الملف التعريفي وكيف تسدد رسوم الفيزا وتحجز موعد

اول شي ندخل على الملف التعريفي زي ما سوينا في الخطوة السابقة من خلال الرابط التالي :

https://cgifederal.secure.force.com/?language=Arabic&country=Saudi%20Arabica

سجل دخولك ومن خلال القائمة اللي باليسار اختر

جدولة الموعد / New Application

اول شيء راح يسألك عن نوع التأشيرة وفيه نوعين :

1.تأشيرة لغير المهاجرين

2.تأشيرة هجرة

طبعا نختار تاشيرة غير المهاجرين ونضغط متابعة

بيطلب منك الان تحديد المكان اللي بتسوي فيه المقابلة :

1.الرياض

2.جدة

3.الظهران

حدد المكان اللي تبيه واضغط متابعة

الحين نجي لفئة التأشيرة ونختار

All Others

الان تحدد درجة التأشيرة وحنا اتفقنا اننا مقدمين على فيزا سياحة وعلاج كونهما مع بعض

ورمزها هو B2

نضغط الحين متابعة بتجيك صفحة فيها معلوماتك تأكد منها ودخل البيانات الناقصة لو كان فيه بيانات ناقصة

واضغط متابعة

وصلنا الحين الى الخطوة رقم 6

وهي خطوه مهمة جدا منها نظيف افراد الاسرة واحد ورى الثاني

نضغط على

أضف بالاسم

ويجينا النموذج التالي :

نضيف بيانات الزوجة ونلاحظ ان اول خانة اللي هي Relationship

انا مختار فيها Spouse يعني زوجة

عبي البيانات بشكل دقيق واهم شي رقم تأكيد النموذج الخاص بالزوجة وهو اللي يبدأ بــــ AA00

اضغط حفظ الآن

بعدين نضغط

اضف بالاسم

ونضيف افراد الاسرة واحد واحد حتى ننتهي

الان يتكون صفحة العائلة مثل الصورة فوق

نضغط متابعة

بيجيك هذا السؤال اختر نعم

وبيجيك سؤال ثاني

اختر " لا "

الان نحدد مكان استلامنا للجوازات بعد ما تنتهي انا اخترت فرع الربيع بالرياض

نضغط متابعة

الان وصلنا لمرحلة الدفع

نضغط على تأكيد

الخيارات الموجودة هي :

1-الدفع اون لاين عن طريق سامبا اذا كان عندك حساب عندهم

2-الدفع عن طريق طباعة الايصال والذهاب لاحد فروع بنك سامبا للسداد

يعني مالك الا بنك سامبا للسداد.

طيب الحين هنا فيه لفة خطيرة لازم تكون دقيق !!

هبلتني لين عرفتها بعد مكالمات نع السفارة والبحث بالنت فركز معي يرحم والديك

ترى الدعوه مافيها استرداد للفلوس J

فيه شي اسمه رقم الــــــ CGI

وشو هالرقم ؟ وكيف نقدر نجيبه !!

هذا الرقم تحتاجه علشان تسدد قيمة الفيزا

اذا كنت تبي تسدد من الفرع اضغط على

Over the counter

راح يطلع لك الايصال اللي من المفروض تطبعه وتاخذه علشان تسدد في الفرع وهذا شكله :

وراح تلاحظون انه طلع لكم رقم الـــCGI يعني هالخطوة لازم نسويها سواءاً كنا نبي نسدد بالفرع او بالنت.

فاذا كنا نبي نسدد بالنت ناخذ الرقم من هنا ونرجع للصفحة اللي قبلها ونكمل التسديد من هناك.

اما اذا كنت تبي تسدد بالفرع لاحظ ان هالاستمارة لها تاريخ نهاية لازم تسدد قبله.

نرجع الحين للتسديد بالنت :

نرجع للصفحة اللي قبل

نضغط الحين على Electronic

وتجينا الصفحة التالية :

اضغط على

US Embassy for Visa Payment

ملاحظة :طبعا لازم تكون مفعل من حسابك خدمة سامبا كونكت وهذي مجرد انك تدخل على حسابك اضغط عليها وخطواتها واضحة وسهلة.

نرجع لموضوعنا

اذا ضغطت على الرابط بتجيك الصفحة

ونختار منها نوع الفيزا اللي هو اول واحد ب 608 للشخص الواحد

ونختار عدد الفيز المطلوبة في حالتي كانت 5 عدد افراد الاسرة

بعدين اضغط على

اضغط هنا للدفع

اضغط على

أكمل

بيجيك نموذج تعبي فيه بعض البيانات اهمها هو رقم الــــ CGI اللي طلعناه من شوي

اضغط موافق وبتجيك الصفحة التالية

اضغط على

أكمل

بتجيك الصفحة التالية

وهذي الصفحة مهمة لازم تطبعها وتاخذها معاك للسفارة وانت رايح للمقابلة لان فيها اثبات باستلام المبلغ وان العملية ناجحة

وفيها رقم مهم جدا اللي هو رقم الطلب!!

طيب هذا الرقم وش نستفيد منه ؟؟؟؟؟

انت الان انهيت عملية السداد بنجاح طيب وش الخطوة اللي بعدها ؟؟

نقفل الشاشة وننتظر 24 ساعة

بعدها ندخل من جديد على الملف التعريفي ونكمل شغلنا

نرجع لنفس الطلب اللي بديناه ونكمله راح تظهر لنا هذي الصفحة :

وفيها اسماء الاشخاص وامام كل شخص خانة يجب ان تدخل فيها قيمة.

رقم الايصال ؟

نحط فيها رقم الطلب اللي فوق يعني انت وكل افراد الاسرة بتستخدمون نفس رقم الطلب اللي موجود في ايصال الدفع وتحطه في خانة رقم الايصال قدام كل فرد ثم تضغط على متابعة.

طيب ليش ننتظر 24 ساعة ؟؟

لان عملية الدفع تحتاج على الاقل 24 ساعة علشان تتفعل ويقب النظام انك تدخل رقم الطلب.

مبروك ،،،،،،

خلصت الصعب وما بقى الا تحديد الموعد

بتطلع لك هالصفحة اختر الموعد اللي يناسبك

وبعدها راح يطلع لك تأكيد الموعد

اطبعه وخله معاك اذا جيت تروح السفارة

وبكذا تكون انتهيت وما بقى لك الا المقابلة .

وباذن الله بعد موعد مقابلتي راح انزل لكم وش اللي صار معي بالتفصيل.

ان شاء الله اكون وفقت في اني اشرح هالعملية المعقدة وسهلتها لكم.

انتظروني غدا علشان نشوف وش صار معي بالمقابلة J

آخـــرفـــرصـــة, Deena, الشعباوي و 4 آخرون معجبون بهذا.

عبدالرحمن1 · 01-08-2019, 10:39 PM

اخوي انا هذا الموقع رفض يفتح معي !!

https://cgifederal.secure.force.com/?language=Arabic&country=Saudi_Arabia

جربت على مدى كم يوم وكم متصفح ولا فيه فايدة !
ايش الحل جزاكم الله خير ؟

hamza90 · 02-08-2019, 04:56 AM

اقتباس : المشاركة الأصلية كتبت بواسطة عبدالرحمن1

اخوي انا هذا الموقع رفض يفتح معي !!

https://cgifederal.secure.force.com/?language=Arabic&country=Saudi_Arabia

جربت على مدى كم يوم وكم متصفح ولا فيه فايدة !
ايش الحل جزاكم الله خير ؟

احذف الكوكيز وارجع ادخل

عبدالرحمن1 · 03-08-2019, 03:20 AM

حذفت الكوكيز ولا فاد !!

noof2019 · 17-08-2019, 05:11 PM

ماشاء الله تقرير ممتاز لكن عندي سؤال مهم

هل يمكن أتقدم للفيزا قبل السفر بثمانية أشهر

آخـــرفـــرصـــة · 15-03-2016, 01:22 PM

تفاصيل دقيقة و رائعة

أسلوب جميل في الشرح

كثير راح يستفيد منه

بانتظار أسئلة المقابلة و ما جرى فيها

سبحان الله · 15-03-2016, 06:10 PM

انا يا اخي مقدم معك في نفس اليوم
اللي هو يوم الاثنين يعني امس
واليوم شيكت على الطلب issued يعني صدرت
مبروك علينا

مسافر معاكم · 15-03-2016, 11:03 PM

اقتباس : المشاركة الأصلية كتبت بواسطة آخـــرفـــرصـــة

تفاصيل دقيقة و رائعة

أسلوب جميل في الشرح

كثير راح يستفيد منه

بانتظار أسئلة المقابلة و ما جرى فيها

الجميل تواجدك ودعمك وتحفيزك ،،، شاكر ومقدر لك

وان شاء الله المشاركة القادمة بتكون عن المقابلة وما حدث فيها.

اقتباس : المشاركة الأصلية كتبت بواسطة سبحان الله

انا يا اخي مقدم معك في نفس اليوم
اللي هو يوم الاثنين يعني امس
واليوم شيكت على الطلب issued يعني صدرت
مبروك علينا

الف مبروك والله يكتب لك رحله موفقه وجميله

والحمد لله انا بعد شيكت ولقيت انه تم قبول الطلب.
بس صدفه جميله تواجدنا في نفس المكان بدون موعد وبدون لا نعرف بعض.

آخـــرفـــرصـــة و فارس الجبيل معجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
سلام عليكم .....	أبو نورة 6	بوابة الفلبين	13	26-10-2015 08:39 AM
سلام عليكم ورحم الله والديكم (بالي)	ابويزن08	بوابة اندونيسيا	4	18-07-2015 08:04 PM
فيزا شنقن من امريكا ،،	najla90	فيزا	3	23-06-2015 07:13 AM
سلام الله عليكم	أبوعهود	أخبار واعلانات الأعضاء	16	31-05-2015 04:49 PM