فندق المرفأ ( المنطقة الغربية )

هاوية الاسفار · 12-03-2016, 10:11 PM

السلام عليكم و رحمة الله و بركاته

كانت لي تجربه في فندق المرفأ بالمنطقة الغربيه و هي منطقة قريبه من الحدود بعد منطقة السلع للقادمين من المنفذ

طلعنا من دبي على الساعه 3 و نص تقريبا و كان يوم الاربعاء وصلنا للمنطقة الساعه 6 المغرب و قبلها وقفنا للصلاه في احد المحطات

المشوار للمنطقة ياخذ من ساعتين الى ثلاث ساعات حسب الشوارع و السرعة

و هذا الفندق الوحيد في المنطقه

و كان في استقبالنا هالانواع الحلوة من طيور البط و الوز

و هاي بحيره مسوينها في النص للطيور و فيها بيتهم

ما كنا حاجزين في الفندق و دخل زوجي يتاكد من الغرف و قلت له احجز ديلوكس

هاي قعده قبل مدخل الغرف

و هذا مكان بوفيه الفطور

و الحين نشوف الغرفه

و هاي اطلالة الغرفة

آخـــرفـــرصـــة, فارس من خيال, الايمان و 10 آخرون معجبون بهذا.

هاوية الاسفار · 12-03-2016, 10:49 PM

و الحين نشوف باقي اكسسوارات الغرفة

الدفتر و القلم

غرشتين ماي مجانا

الكبت

الخزنة

غلاية الماي موفرينها

الثلاجه

فاضيه

و الحين نشوف الحمام

ريحنا شوي و صلينا و بعدها طلعنا كان عندنا عزاء في المنطقة

رجعنا على الساعه 10 و نص تقريبا و دخلت موقع بوكينج لاني كنت شاكه في حجم الغرفة

و غير انه ما فيها كرسي طويل نفس اللي في الصور

طلعت للريسيبشن و سألت الموظفة شو نوع غرفتنا قالت standard قياسية

طلعت ويا العيال اصور المسبح

و هذا المخرج

الاتجاه للحمامات

مقهى

جلسة خارجية

و هني المسبح بس ظلام ما فيه حد

و هذيل الغرف اللي تحت و نظامهم اجنحة كانوا ساكنين فيهم الاهل

و فوقهم على طول غرفتنا

منطقة العاب الاطفال كبيرة و حلوة

آخـــرفـــرصـــة, فارس من خيال, الايمان و 8 آخرون معجبون بهذا.

هاوية الاسفار · 13-03-2016, 12:15 AM

الممر بين الغرف

و هذا الباب اللي يدخلنا على غرفنا

رجعت و قلت لزوجي انت ما حجزت ديلوكس قال ما ادري و هاي اول مره اعتمد عليه

دايما انا اللي اختار و احجز المهم الحجره كانت كافيه و فرشنا للعيال على الارض و ناموا

و الصغير يابوله سرير لكن حسيت انه من زمن السبعينات حتى قبل ما انولد

و خلص يومنا

قمنا الصبح و هاي الاطلالة العجيبة من غرفتنا

توجهنا للفطور و المكان فاضي ما فيه غيرنا

الفواكه و المربى

الكورن فليكس

عدس مع خبز

مشروم بالخضار

الفول

زيت زيتون و طحينه و كمون

هذا ما عرفته بس يمكن اكل صيني

وافلز و الصلصات

بطاط

الاجبان و اللحوم و الخضار

زيتون و مخلل و روب و عدة الفول بس بارده و قلت لهم المفروض تكون برع الثلاجه

صحني

و الفول

اومليت

خلصنا و العيال يبغون يتسبحون طلعنا برع و الجو كان بارد و هوا ما ينفع للسباحه

و ما عندنا وقت لازم ارجع اسلم على الناس قبل لا نمشي

و هذا الجسر اللي يوصلنا للفندق لانه على البحر

حجزنا كان 580 درهم مع الفطور و عقب ما فطرنا اشوف المسؤول محرج على العامل

في البوفيه و بعدين العامل قال لزوجي العيال مب محسوبين في الفطور قاله زوجي المفروض

تخبرونا يوم نحجز مب الحين و اصلا عيالي ما كلوا غير كورن فليكس و طلعنا و ما ندري شو اللي صار بعدين

الحمدلله الاقامة كانت مريحه و حلوة مع انه الفندق 3 نجوم و ينفع للي يسافرون عن طريق البر

يريحون فيه يوم و يكملون دربهم و المنطقة ما درنا فيها عشان نشوف محتوياتها

طلعنا و توجهنا الى ابوظبي زوجي كان عنده شغله يخلصها

و قال بغديكم في فريج صويلح طبعا استانست و قلت اخيرا بجربه

اتصل في ربيعه و سأله عن المطعم قال اكله مب هاك الزود و غالي عل الفاضي

في مطعم اسمه المرزاب احلى منه و يوم سرنا كان المطعم كله شباب ما قدرت حتى امشي

و طلعنا منه و اتجهنا لفندق غافه فيه مطعم سعودي قلنا بنجربه

جلسة العوايل

شفت المنيو و قلت هذا مطعم يمني قال زوجي يمني و سعودي الاكلات متشابهه

طلبت زربيان دجاج

سلطة جرجير

مثلوثة باللحم

و بعدنا حلينا بكنافة بالقشطة

الحمدلله الاكل كان لذيذ لكن المطعم يبغيله شوي تعديلات و يكون احلى

و هاي كانت تجربه جديده و ان شاء الله اشوفكم في تقارير جديده

دمتم بود

آخـــرفـــرصـــة, فارس من خيال, الايمان و 9 آخرون معجبون بهذا.

احمدمطر · 14-03-2016, 10:41 AM

هاوية الاسفار و توبليرون معجبون بهذا.

هاوية الاسفار · 14-03-2016, 11:32 AM

اقتباس : المشاركة الأصلية كتبت بواسطة احمدمطر

شكرًا على المرور و على الإطراء

توبليرونمعجبون بهذا.

آخـــرفـــرصـــة · 15-03-2016, 11:35 PM

المنطقة جميلة اللي فيها فندق المرفأ

مع انه فندق 3 نجوم الا أنه مرتب بصراحة

ايوه هذا الاكل اللي يفتح النفس مثلوثة و رز بالزربيان

و الكنافة بالقشطة احلى ختام

الله يسعدك

هاوية الاسفار, توبليرون و نانا ابو عابد معجبون بهذا.

هاوية الاسفار · 15-03-2016, 11:58 PM

اقتباس : المشاركة الأصلية كتبت بواسطة آخـــرفـــرصـــة

المنطقة جميلة اللي فيها فندق المرفأ

مع انه فندق 3 نجوم الا أنه مرتب بصراحة

ايوه هذا الاكل اللي يفتح النفس مثلوثة و رز بالزربيان

و الكنافة بالقشطة احلى ختام

الله يسعدك

زوجي اول ما شاف حوض السباحه سألني يبتيلي شورت سباحه
قلت لا نسيت
بس الحمدلله ما لقينا وقت للمسبح
الفندق حلو للي يبغي يريح فيه من السفر
و الزربيان اسمع فيه بس اول مره اجربه و طعمه لذيذ
تسلم
و شكرًا عَل المرور

توبليرون و نانا ابو عابد معجبون بهذا.

فارس من خيال · 16-03-2016, 02:26 AM

تقرير رائع يام علي والمنطقه اللي فيها الفندق حلوه
زين رحتو وماعطيتو الفندق حساب الفطور حق الاولاد بما انهم سكنو معكم في نفس الغرفه الفطور شامل الكل
المطعم السعودي وما ادارك مالسعودي هههههههههه
ترا كل مطاعمنا اللي تسوي المثلوثه والزربيان اللي يعملون فيها من الجنسيه اليمنيه واكلهم لذيذ

شكرا ع التقرير الخفيف

هاوية الاسفار, الايمان, توبليرون و 1 آخرون معجبون بهذا.

هاوية الاسفار · 16-03-2016, 05:55 AM

اقتباس : المشاركة الأصلية كتبت بواسطة فارس من خيال

تقرير رائع يام علي والمنطقه اللي فيها الفندق حلوه
زين رحتو وماعطيتو الفندق حساب الفطور حق الاولاد بما انهم سكنو معكم في نفس الغرفه الفطور شامل الكل
المطعم السعودي وما ادارك مالسعودي هههههههههه
ترا كل مطاعمنا اللي تسوي المثلوثه والزربيان اللي يعملون فيها من الجنسيه اليمنيه واكلهم لذيذ

شكرا ع التقرير الخفيف

مروركم الأروع
المنطقة حلوه وايد و صغيره و على البحر
و لا مره دفعنا لليهال بروحهم حتى مره كنّا حاجزين
بدون فطور و دفعنا حق البوفيه بس سمحولنا وَيَا اليهال بدون ما ندفع
و أصلا عيالي ما ياكلون غير كورن فليكس حتى لو نطلب اي شيء
عندنا مطعم سعودي في شارع جميرا و باين عليه فخم ان شاء الله بجربه و بحط لكم التقرير
تسلم
و شكرًا عَل المرور

فارس من خيال, توبليرون و نانا ابو عابد معجبون بهذا.

الايمان · 16-03-2016, 12:36 PM

المنظر المطل على البحر روووعه
وشكل المكان وايد هادي لكن حسيت الاثاث كانه قديم
عليكم بالعافية شكل الاكل يشوق
استمتعنا بتقريرج ياام علي

هاوية الاسفار, توبليرون و نانا ابو عابد معجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
رئيس هيئة الطيران المدني يزور مطار جازان ويلتقي أمير المنطقة	MOBARKI	بوابة السعودية	16	12-01-2017 11:49 PM
بوردينق طيران العربية !!	ashoooqth	عالم الطيران	9	15-07-2015 11:51 AM
سفارات المانيا في الدول العربية والسفارات العربية في برلين	Azzam	فيزا	7	09-01-2015 12:35 AM