كل الشكر ام عيسي علي التقرير
اشتغلت المقاطع

لؤلؤة الشرق واضح أنه مكان جميل وجلساته ممتعه
لولا بس البرد يمكن كنتوا أستمتعتوا أكثر بكثير بجلساته
والفيديوهات جميله والنوافير ممتعه بس برضو نرجع ونقول البرد مع ماء النافوره يزيدون الشعور بالبروده
صور الأكل ما شاء الله تفتح النفس بالهنا والشفا على قلوبكم

مشكوره على التقرير الجميل يعطيكي العافيه

ام عيسى متميزه دائماً

ماشاء الله تقرير ابداع واماكن رائعة

والحمدلله انك حصلتي مطاعم جابت الراس

تسلم يدك ويبارك بعمرك

تقرير هداوه ....كله هداوه ....
الا مع المطعم اليمني .....!!!!
بس الزين ينقال عنه زين والشين على حاله .....
المهم تعوضت بمطاعم اخرى
تقرير ممتع ...تشكري عليه ...

اقتباس:

هلا فيج أختي قطريه

وشكرا ع كلامج

استغربت وايد من كلامج عن الازدحام

بالعكس اللي لفت نظرنا ونحن في قطر انه ابدا مافيها أي ازدحام والاماكن السياحيه شبه خاليه من الناس لدرجة كنت أسأل الغاليه أحلى من العقد

أقولها شو السالفه عندكم ؟ وين الشعب ؟ ليش احس البلاد فاضيه ؟

بالعكس البلاد عمرها ما كانت فاضية
وأنا اللي استغربت من كلامج أن البلاد مافيها زحمة
أحنا نعاني أشد المعاناة من الزحمة سواء في طريق الدوام والعودة منه - طريق المدارس- طريق المستشفيات-الأسواق وعدم وجود مواقف فاضية -ازدحام الكاشيرات والطوابير عليها- ازدحام المطاعم وعدم وجود طاولات فاضية لأكثر من ساعة...الخ

فقطر للأسف امتلئت جنسيات مختلفة مما سبب الإزدحام طول الوقت ومعظم أيام السنة

بالنسبه لجيتنا في وقت دوامكم

مافهمت ليش تقولين جيه ؟

نحن مالنا علاقه بدواماتكم نحن اخترنا الوقت اللي ناسبنا والحمدالله جدا استمتعنا في وقتنا

قصدت أنكم تبون زحمة ويولة كان ما جيتوا وقت دوامات الطلاب وامتحاناتهم وأولياء الأمور مشغولين بتدريس عيالهم والطلاب محبوسين في بيوتهم يذاكرون لذلك الشوارع والأسواق والمحلات فاضية وإلا لو أيام ويك إند أو أيام عادية كان شفتي الزحمة على أصولها
هذه العلاقة اللي أقصدها
وفي النهاية أنتم أحرار طبعا تختارون الوقت اللي يناسبكم
وشرفتوا