استئجار سياره

ruba · 29-03-2016, 04:55 PM

السلام عليكم

الله يعطيكم العافيه اود الأستفسار عن موضوع استئجار سياره في باريس
هل مكاتب استئجار السيارات متوفره وسط باريس ام فقط في المطار ؟
هل المواقف متوفره في الاماكن العامه ؟

رحلتنا بتكون ان شاء الله اسبوع في باريس و3 ايام في دزني لاند

شكرا لكم

fanda · 29-03-2016, 05:02 PM

وعليكم السلام

مكاتب تأجير السيارات متوفرة في وسط باريس
المواقف صعبه شوي ومكلفة غير انه زحمه الشوارع
الأفضل الاعتماد على المترو او التاكسي للتنقلات

الجوكر, وجهات أوروبية, tab_el و 1 آخرون معجبون بهذا.

وجهات أوروبية · 30-03-2016, 02:18 AM

مرحبا اختي

ياهلا وفيج ومرحبا بمنتدى الجميع

ورقم عضويتج مميز وان شاء الله دوم تكوني مميزه

بخصوص السياره نفس ماقالت مشرفتنا مكاتب التأجير مب شرط بالمطار موجوده مكاتبهم منتشره في وسط باريس

لكن مافي داعي تكون معاكم سياره بباريس
المترو يكفي واريح

ينقل لقسم تأجير السيارات

tab_el, الجوكر و ابو عبدالله معجبون بهذا.

ruba · 30-03-2016, 04:51 PM

الله يعطيكم العافيه ومشكورين
قرأت كثير ان فرنسا ماتحتاج سياره والاعتماد على المترو
لكن للأسف انا مااحب اتعامل مع المترو خاصه معاي اطفال صغار وحقائب وعربية اطفال
فلذلك نفكر في استئجار سياره

هل المكاتب تحتاج حجز مسبق بمده للسياره ام ممكن عند الوصول لفرنسا وعند الحاجه للسياره نذهب للمكتب ونستأجر في نفس اللحظه ؟

وجهات أوروبية · 30-03-2016, 05:37 PM

الله يعافيك يارب

اي نعم تقدرين تستأجرين من اي مكان مب شرط المطار
حتى ونتي داخله موقعهم وقت الحجز تختارين مكان استلام السياره وتسلميها

نعم تقدرين لما تروحين هناك وتحتاجينها تستجرينها من هناك بنفس اللحظه بس انتي وحظج تحصلين السياره المناسبه لكم ام لا
الافضل قبلها تشوفين كل شركات الايار وتشوفين السياره المناسبه عند من فيهم

الجوكر و ابو عبدالله معجبون بهذا.

tab_el · 30-03-2016, 06:46 PM

ماقصروا الغالين

وين حاجزين السكن ؟ عشان نشوف لكم اقرب مكتب ايجار سيارات

الجوكرمعجبون بهذا.

ruba · 30-03-2016, 09:36 PM

فندقنا ميركيور باريس سنتر برج إيفل,

استفسار عن التكاسي هي هي متوفره في كل مكان ؟ وهل هي آمنه ؟ وهل هي شركات ام شركه موحده ؟ وتقريبا كيف طريقتهم في التسعيره ؟

وجهات أوروبية · 31-03-2016, 12:55 AM

بالنسبه لتاكسي باريس
من ناحيتي انا اشوفها صعبه وشبكتهم ضعيفه
تحصلين عدد قليل بالشارع
والباقي في المواقف العامه للتكاسي
يعني بصراحه اشوفها صعبه
لكنها امنه

بالنسبه للتسعيره هي بالعداد

اما مكاتب التأجير الي جنب ايفل

1- سكست sixt

العنوان
42Avenue de Saxe
75007 Paris
اقرب محطه مترو لها Ségur العاب

2- يوروب كار Europcar
العنوان
Terminal Air France, Esplanade des Invalides
2 Rue Robert Esnault-Pelterie
75007 Paris
اسم مبنى الرير من الخارج مكتوب Air France

موقع الشركه بمحطه الرير اسمها Invalides العاب

3- ايفيس Avis
وشركه بدجت budget
الشركتين بنفس المحل
العنوان
5Rue Bixio
75007 Paris
موقعه في نهايه حديقه برج ايفل خلف القصر

4 - هيرتز Hertz
العنوان
45Avenue du Maine
75014 Paris

اقرب محطه مترو لها هي Edgar Quinet العاب

بالنسبه للموقع الاخير الي هو هيرتز
قريب من هالمكان في فرع ثاني حق يوروب كار و سكست و ايفيس
لان هالمنطقه فيها محطه قطارات مونبارس Gare Montparnasse

tab_elمعجبون بهذا.

ruba · 16-04-2016, 12:49 PM

شكرا جزيلا

الله يعطيكم العافيه

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
استئجار سيارة !	turki2333	بوابة الامارات	5	23-05-2016 04:22 PM
استفسار عن استئجار سياره في اسطنبول	n 7zn	تركيا	4	22-05-2015 11:58 PM
استفسار عن استئجار سياره في اسطنبول	n 7zn	تأجير السيارات	1	19-05-2015 09:32 AM
هل تنصحون استئجار سياره خاصه مع سائق او بدون في بورصه	متفائله	تركيا	8	10-05-2015 11:04 AM
استئجار سياره من بدجت بدون فيزا او ماستر كارد	أبو حسان	بوابة سويسرا	2	23-03-2015 11:32 AM