بالنسبه لــ سان دييقو ..
اشوف الكل يمدحها ويمدح جوها .. قلت يمكن تكون روقاان بالنسبه لنا وخاصةً اننا نميل الى الجو الاوروبي ..

سان دييغو مدينة بحرية واللي يحبون أجواء البحر والشواطئ تنفع لهم..

بالنسبه لــ سان فرانسسكو :
كيف اقنع زوجي فيها ؟؟

من مبدئ التغيير لإكتشاف مدينة جديدة وهي مدينة جميلة جداً والطريق لها ايضاً جميل على البحر و خضرة وجبال
هل فيه وسائل نقل مثل القطار او الباصات لها من لوس انجلوس ؟
صحيح يوجد قطار وأقل مده تقريباً 7 ساعات بالقطار والباص 10-12 ساعه

وبكم تقريباً اسعار تذاكر الطيران من لوس انجلوس الىها وإيش اسم الخطوط الافضل ؟
أسعار التذاكر تتراوح من 120 دولار إلى 250 دولار للشخص وكل ما حجزتوا بدري كل ما كانت أرخص
طيران فيرجن إذا وقتها مناسب بتكون أرخص طيران هي و Southwest

وهل السكن فيها غالي ؟
صحيح السكن فيها غالي نوعاً ما مقارنةً بأمريكا لكن أقترح تشوفون موقع Airbnb

ممكن ترشحون لنا سكن فيها موقعه جمييل وسعره مناسب ( شقق او سويتات )
( سمعت ان يونيون سكوير او ساحة الاتحاد حلووه للسكن )
وايش هي الاماكن الجميله فيها ؟

صحيح يونيون سكوير تعتبر هي السنتر للمدينة ومنطقتة جميلة
زي ما قلت أنا الـ 3 سنوات الأخيرة ما استخدم الا airbnb و homeaway في امريكا وفكرتة شقق يملكها ناس ويأجرونها. توفر مواقف, غسيل ملابس, وأكل بعض الأحيان خصوصاً إذا المدة طويلة

اما بالنسبه ل تأجير السياره :

هل التأمين ضروري نظيفه ؟؟
صحيح ضروري وإجباري في كل الأحول لأن تكاليف التصليح او لا قدر الله صار عليكم حادث ما معاكم تأمين أو منتهي على طول سجن والخروج بكفاله حتى يتم تقييم السعر ودفعه
( اشوف في موقع رينتال كار مكتوب التأمين ضد الحوادث والسرقه مضاف مجاني للسعر )
هل هذا يكفي ؟؟
يكفي لكن أيضاً انصح الدخول لـ:

alamo car rental
و
national Car

لمقارنة الأسعار ونوع التأمين المضاف
وزي ما قلت لا تنون تعديل مكان الإقامة فوق إلى خارج أمريكا عشان التأمين يضاف مجاني

وإيش هي الاشياء الضرورية اللي اضيفها عند حجز السياره غير كرسي الطفل ؟
( القارمن معانا فــ مانحتاج ناخذ منهم )
هذا أهم شي القارمن وكرسي الطفل والتأمين
وتعبية البنزين أنتوا عبوا يعني لا تطلبوا تعبئة البنزين وقولوا بنرجعها معبيه فل لأن أسعارهم ثابته على ما اعتقد 3.5 دولار للجالون. بس سعر البنزين برا ارخص

ثانياً :
عادي يقبلون فيزا مسبقة الدفع عند الاستلام بالمطار ؟
او لازم الفيزا الائتمانيه العاديه ؟؟
ولازم تكون الفيزا بأسم السواق مثل مكاتب اوروبا ؟

صحيح يقبلون مسبقة الدفع ( إذا فيها شريحة يكون فيها رصيد) لكن دائماً أنصح أنه ما تكون طباعه أنصح بالمحفور (الأسم والمعلومات) والفيزا تكون بأسم نفس المستأجر. لكن الفيزا مسبقة الدفع بعض المحلات ما قبلت معي أعتقد كانت مشكلة من نفس البنك لأن أجهزتهم هناك...مادري

والرخصه السعوديه المترجمه بالانجليزي تكفي ؟
او لازم رخصه دوليه ؟؟
الرخصة السعودية الجديدة تكفي

معليش طولت عليكم بالاستفسارات ،، استحملوني ..

في الخدمة وهذا هدف المنتدى

بس نبغى منك ما تنسينا بالتقرير المصور اللي يفيد أخوانك وأخواتك

ابو ناصر المسافر