شريت شقة وتبهدلت :(

SuDy · 09-04-2016, 12:39 AM

اقتباس : المشاركة الأصلية كتبت بواسطة فتاة الدمى

وعليكم السلام ورحمة الله وبركاته
اجراءات استخراج الاقامة في تركيا متعبة شوية لكن يعدها بترتاحي عشان تقدري تخلي المويا والكهرباء باسمك في شي لازم تستخرجيه اسمه الرقم الضريبي وهو من الاوراق اللي تحتاجها لاستخراج اقامة راح اقولك الخطوات بالترتيب وبحاول اسألك عن مكتب موثوق يساعدك باستخراج كل الاوراق المطلوبة :

1- تدخلي موقع مديرية إدارة الهجرة Gأ¶أ§ ؤ°daresi Genel Mأ¼dأ¼rlأ¼ؤںأ¼ تعبي استمارة طلب الاقامة وتطبعيها وتوقعيها
2- تأخذي موعد في مديرية ادارة الهجرة اون لاين عن طريق نفس الموقع بس بعد ماتكوني جهزتي كل الاوراق المطلوب ارفاقها مع ورقة الموعد :
1- كشف حساب بنكي من اخد البنوك التركية يفيد بوجد مبلغ يعادل 6000 دولار
2- صورة من جواز السفر الصفحة الاولى والصفحة اللي فيها فيزا دخول تركيا والاصل يكون معاكي يوم الموعد جوازك تحتاجي ترجميه تركي اذا ماكان فيه لغة انجليزية
3- عقد ملكية العقار اللي هو الطابو
4- تأمين طبي من احد الشركات التركية
5- الرقم الضريبي ( استخراجه يحتاج تروحي لنفس دائرة الضرائب + صورة من جواز السفر + ويعطوكي استمارة تعبيها وتكتبي فيها العنوان ورقم جوالك التركي ويعطوكي الرقم في نفس الوقت ويفضل تكون اول خطوة تسويها )
6- 4 صور شخصية
سداد رسوم الاقامة تختلف من جنسية لأخرى ولكن بحدود 150 -300 دولار تقريبا

وربي يسر أمرك يارب

شبكة ومنتديات العرب المسافرون

لكن المحامي سجل الكهربا باسمي بدون إقامة والماي ما سجله ما أدري كيف مشت معاه..

حسافة لو أدري كان أودعت بحسابي التركي بالدولار بدل ليرة..

بعض الأوراق عندي..

الله يعيين إلي ياخذوا إقامات عندنا طلعت شغله مو سهله..

أنا سألت في مكتب قال لي يسويها بألفين دولار طبعاً ما عجبني.. ومكتبين أنتظر ردهم..

الله يجزاك خير ويبارك فيك تعبتك معاي..

****

للعلم ترى شراء العقار سهل عن طريق مكاتب تركيه (مو تركيه عربيه) أو دلالين وما ياخذون منكم إلا 3٪ من قيمة العقار (مو نفس ربعنا أضعاف والعقار قيد الإنشاء) ويكونون معاكم لما تنتهون من كل إجراءات التملك..
وفي عقارات أسعارها جداً مناسبه المهم التعامل مع مكتب ثقه.. وتشوفوا العقار بنفسكم قبل الشراء..

لكن أنا ما كنت فاهمه الوضع عدل.. والحمدلله تعلمنا ..

آخـــرفـــرصـــة و فتاة الدمى معجبون بهذا.