يسعد صباحكم ،،،

راح أكتب مخطط رحلتي الى أمريكا وأن شاء الله تتسهل الأمور وممكن تعطوني رأيكم ؟ أو نصيحه ؟ أو ملاحظه ؟

أول مره أسافر الى أمريكا وأحنا 4 آشخاص كبار ،،

السفر لمدة شهر من 1 جولاي الى30 جولاي

المدن :

1- نيويورك ( منها نطلع يوم الي شلالات نياغرا مع قروب سياحي )

2- واشنطن العاصمه

3- كاليفورنيا (ممكن تذكرون افضل المدن فيها وطبعا لاننسي دنزني لاند لم احدد بعد المدن

في بعض المدن ممكن نحجز سياره بسائق ؟ هل ينفع ؟

اللي يعرف شقق فندقيه في المدن السابقه ومجربه يذكرها لي يعطيكم العافيه وشكرالكم

هلابك ..
أنا بخصوص رايي
أعملي مثل ما عملت سابقاً ..
خلي الذهاب لمدينة والعوده من مدينه ثانية ..
مثلاً يكون الوصول لنيويورك
والعوده من لوس أنجلوس أو واشنطن أو أي مدينة ثانية براحتك ..
أفضل من الذهاب والعوده لنفس المدينة ..

وبخصوص مدن كاليفورنيا معروفة وهي
لوس أنجلوس وسان فرانسيسكو وسان دييقو
وفيه لاس فيقاس بولاية نيفادا ..

وأنا إن شاءلله رحلتي لاميركا بعد شهر
ونفس تخطيطكم بأستثناء واشنطن ..

عشان أختصر لك الموضوع
شوفي التقارير وتستفيدين أكثر ..

وأتمنى تعجبكم أميركا
أنا حبيتها وأعجبتني أكثر من القاره العجوز أوروبا صدق أنها عجوز ،،

شلالات نياقرا اذا بتروح بالباص مبيت يومين عشان تعوض تعب المشوار
اما اذا حاب ترجع في نفس اليوم عندك رحلات على طيران الدلتا تقريبا 130 دولار

أهلين ..
3 مرات أستخرجتي الفيزا الامريكية !
بغض النظر عن السفاره ، لكن تعب عليكم تستخرجونها ولا تسافرون

حتى لو ما أعجبتك أميركا ..
لكن أكيد شعبهم الفرندلي العسل بيعجبونك وبتحبينهم
عشان معاملتهم واضحة جداً جداً عن الشعب الاوروبي بحسب تجربتي أنا وكثير غيري ..
وما يحتاج أذكر لك الشعوب الاوروبية معروفين ..

عندي ملاحظة على الخطوط اللي أخترتيها ..
من شهر تقريباً رجعت من ماليزيا على الاماراتية ..
صراحة ما أعجبتني كثير ومقاعدها ضيقة شوي
وكان معي زميل أول مره يسافر وفعلاً ما حب طيرانهم ..
وأنا إن شاءلله رحلتي لاميركا اللي بعد شهر ناوي أحجز على السعودية
لانها دايركت ولان طياراتها جديده وحلوه وخدماتها روعة وواي فاي الخ ..

بخصوص المناطق ، قلت لك أن مخططي مثلكم لذلك بقولك وين بسكن ..
واشنطن ما أفهم فيها كثير
وأظن أفضل منطقة جورج تاون لكني غير متأكد
لكن سبق وسكنت بفندق The Mayflower وحبيت المنطقة
وهالفندق يبعد عن البيت الابيض تقريباً 11 دقيقة مشي يعني 800 متر ..
وإن شاءلله الاعضاء الكرام يفيدونك عن واشنطن أو أبحثي عنها ..

سان فرانسيسكو لسى ما قررت أزورها أو لا
لكن لو بزورها بسكن في اليونيون سكوير أحجزي فيها ..

أما أنجلس أحترت وين أسكن
لكن قررت إن شاءلله يكون سكني في البيفرلي هيلز بشمال لوس أنجلس ..
منطقة غالية شوي وإذا ما ناسبتك فيه كثير مناطق غيرها ..
وفيه موضوع هنا عن السكن بأنجلوس شوفيه وقرري وين تسكنين ..

وسان دييقو بسكن إن شاءلله بمنطقة لاهويا ..

طبعاً كل هالمناطق اللي بسكنها بكل المدن
من أفضل وأشهر المناطق ..

وبخصوص السياره صراحة أشوفها متعة وراحة ما بعدها ..
وأنا بستأجر سياره إن شاءلله وأنصحكم بالسياره ..
غير كذا قريت أن المواصلات العامة بلوس أنجلس سيئة ..

وبخصوص الطيران الداخلي ..
فيه شركة فيرجن حلوة وحبيت طياراتهم ..
وعندك القت بلو مثل ما تفضلت مشرفتنا
وفيه غيرهم كثير ..
بس أنا أحاول قد ما أقدر أحجز على شركة دلتا
عشانها منضمة للسكاي تيم وبالتالي أكسب أميال أضافية على الخطوط السعودية ..
ولولا هالسبب والا كان عادي بحجز على أي خطوط خصوصاً أني أحب التغيير والتنويع
فإذا تهمك الاميال الجوية مثلي ، أنصحك بالدلتا وبس

عندي تعليق على نياقرا حراااام تروحين وترجعين في نفس اليوم !
صدقيني بتحبينها وتتمنين تقعدين اكثر ! انا قعدت ليلتين وثالث يوم كنت مسافره و زعلانه مع اني لفيتها كامله

عموما هي المنطقه صح صغيره وتلفينها كامله بسهوله بس رايقه وجميله

احنا رحنا ع ال US AIRWAYS .. اول يوم رحنا الانفورمشن سنتر او الفيزيتور سنتر وحجزنا من عندهم تور (ممكن تحجزينه من الفندق ويمر عليكم هناك) صراحه كان احلى تور و قعدنا تقريبا اكثر من 4 ساعات

انا فالبداية كنت مترددة انه ملل 4 ساعات بس الوقت مر بسرررعه لانه اخذنا على تقريبا كل الاماكن المهمه في نياجرا

وينزل معانا يشرح لنا و بعدين يخلينا براحتنا حتى مسكين كان يودينا اماكن معينه يقول صوروا هنا احلى

هو صح التور مممتع وعلمنا اماكن ماكنا راح نعرفها بدونه بس لانه ملتزمه مع القروب ف فيه اماكن تمنيت اني طولت فيها اكثر ..

ف ثاني يوم طبعا عرفت المنطقه من بعد التور ف رجعت للاماكن اللي تمنيت اطول فيها ف رحنا مره ثانيه للشلالات

+ ركبنا هلكوبتر شفنا الشلالات من فوق وتمشينا في المدينه ورحنا الاوت لت

الاوت لت عندهم فيه بربري ومايكل كورس و كوتش وهالسوالف مو انه هاي براندز مثل نيويورك

المهم انا اشوف عالاقل اقعدي فيها ليلتين دام رايحه بطياره و يعتبر تغيير جو عن باقي المدن لانه طبيعه والجو ابرد من باقي الاماكن اللي بتزورينها


بالنسبة ل واشنطن .. حسيتها ممله شوي .. احس حدها يومين

اما نيويورك ف ماينمل منها .. ماعندي فكرة عن الشقق بس دايما نسكن في الماريوت اللي في التايمز سكوير

ليش ماحطيتي فلوريدا في اللسته ؟ اورلاندو حلوه و عالم ديزني فيها احلى و اكبر من اللي في ديزني لاند كاليفورنيا


بالتوفيق ان شاءالله وربي يسهل رحلتكم

^
صحيح كلامك
وأنا نسيت طاري نياقارا ..
أنا مثلك بجلس هناك كذا يوم إن شاءلله
وبزور الشلالات من الجانب الكندي أحلى مع تورنتو ..

واشنطن زرتها يوم ومثلك حسيتها عادية ،،