الله يسعدك أخوي فهد

من سريلانكا الى المالديف ماهي الخطوط التى تنقل

اخي العزيز
الذهاب الى المالديف خيار رائع ولن تندم عليه بإذن الله
انا سبق جربت الخطوط السيرلانكيه رائعة جدا وبسعر 800 ريال ذهاب وعوده
وهناك الخطوط الامارتيه ولكن عيبها على ما اعتقد تصل قرب المساءا وفي الليل يتعذر الانتقال للفندق اذا كان عن طريق الطيران المائي او البوت حسب معلوماتي
وانبه للمالديف عند حجز الفندق طريقة وسعر الانتقال للفندق احيانا تكون اغلى من سعر الفندق

ولحجز الطيران عندك موقع سكاي سكنر

بالتوفيق

متابعينك يا بطل ...


اتمنى لك رحلة سعيدة

بالتوفيق ورحلة سعيدة
لكن كل ماقربت الجزيرة عن الجزيرة الأم (مالي)
كل ماكان سعر النقل لها اقل
يوصل لـ 300 دولار للشخص !!!
فخلي بالك لهذي النقطة ..

ما شاء الله الشباب ما قصروا

ومثل ما قال اخوي فهد اذا حاب تضم بلد آخر لسريلانكا فالمالديف أفضل خيار لان الهند يبيلها سفره كاملة بروحها

وأيضا تقدر تخلي السفرة كاملة لسريلانكا إذا شفت المصاريف زادت عليك بعد إضافة المالديف

انت شوف الأفضل لك واحجز وما راح نقصر معاك بالتخطيط والترتيب بإذن الله

تقبل تحياتي

الله يسعدكم جميعاً

ياليت ترشحون لي منتجعات وفنادق في سريلانكا والمالديف

واياك ان شاء الله

بالنسبة لفنادق المالديف للأسف ما عندي فيها خبرة والشباب بالبوابة الخاصه بالمالديف ما راح يقصرون معاك بإذن الله

لكن لسريلانكا غالي والطلب رخيص

الجدول :
ليلتين بنتوته فندق ايدن أو سينتارا سيساندس
ليلتين نوراليا شاليهات الجوفيرنورز أو فندق قراند أو اراليا غرين
3 ليالي كاندي (ليلتين بأمايا هيلز أو ايرل ريجينسي وليله بفندق هوناس فولز )
ليلتين كولومبو فندق ذا كنقزبوري او سينامون ليك سايد أو اذا تبي شيء ارخص اخذ أوزو كولومبو
كذا الجدول يكون 9 ليالي و 10 أيام

وحاضرين لأي استفسار ثاني