السلام عليكم


إن شاء الله راح اروح الأسبوع القادم لمده خمس أيام لقطر

وقررت ليلتين بجزيره البنانا و3 أيام بفندق بالدوحه

أتمنى ترشحون لي فندق مناسب بالسعر وكمان موقعه جيد من كل الأماكن السياحيه


وافضل الأماكن الممكن زيارتها خلال أسبوع

من قرااتي تنصحوني بهالاماكن ومااضافاتكم

حديقه اسباير
كتارا
برج الرياح
منتزه البدع
اللولوه
فلاجيو - حياه بلازا - اسباير زون
الكورنيش
المتحف الإسلامي
مول وذنان
ستي سنتر
لاند مارك
سوق واقف

اخر سوااال كيف الجو بقطر هالاياام


يعطيكم العافيه

ياهلا ومرحبا فيج تنورين الدوحه وتنورين اهلها

وان شاء الله تكون السفره ممتعه لكم

بالنسبه للجو حاليا بالنهار اشوي حر ماينفع تتمشو كثير في الاماكن المفتوحه

اما بالليل ممكن تزورون ها الاماكن وتاخذون راحتكم فيها

بالنسبه للسكن
تقريبا السعر المعقول كم !!

على اساسه راح احدد لكم مكان السكن بالضبط ويكون قريب من كل شي

بالنسبه للأماكن الي ذكرتيها
راح اشيل منها اماكن ماتزورونها
وراح اضيف لكم اماكن جديده ان شاء الله بالرساله القادمه

وايضا راح ارتب لكم الاماكن القريبه من بعض على اساس يكون كلشي معاكم تمام


وماقصرت اختنا ملاك خبيره قطر

يعطيكم العافيه جميعااا ماقصرتوا

جووكم شكله مثل الرياض الليل اهم شي لطيف ع الاقل نقدر نتمشى

مبلغ الفندق حدود ١٢٠٠ بالكثير لثلاث ليالي مع الافطار واهم شي النظافه وقربه مْنَ الاماكن السياحيه
لاني ماخذه بالبنانا ليلتين

هل تنصحوني فَيّ هذا

سفاير بلازا

أو سرايا الكورنيش ؟؟

سفرررري بكره إن شاء الله احد يفيدني بالاماكن السياحيه الجديده؟؟؟؟

مرحبا اختي

الفندقين ممتازين
لكن سرايا الكورنيش موقعه افضل اشوي من الثاني

غرف سفاير اكبر
لكن بعد سرايا كبيره

يعني اشوف سرايا افضل

اختي ايش الاماكن الي تعرفينها !!

جربي تروحين سوق واقف الوكره بمدينه الوكره
فرع من سوق واقف الرئيسي

الخليج مول
ازدان مول

راح اعطيج كل الاماكن اليوم ان شاء الله
سواء الي رحتي لها او غيرها

حبيت اوضح لج اختي

ان الميناء الي فيه المركب الي بياخذكم الى جزيره البنانا قريب جدا جدا من فندق سرايا الكورنيش

الميناء امام مواقف سوقف واقف الدوحه ومن جنب المتحف الاسلامي