اقتباس:
المشاركة الأصلية كتبت بواسطة كتكات783

أهلا بك ( أبو عبد الله )
بداية رااااااااائعة جدا .. استمتعت كثيرا بسردك وطرحك ودقة تفصيلاتك
وبالعامي أقول لك ( يا حبي لك وسعت صدري بسواليفك )
أول سفرة لدبي 2006 بالسيارة بعدها ( اعتبرتها غلطة حياتي ) .. طبعا بالسيارة
إلى ماقبل دخولك إلى دبي أجواؤك في التقرير ممتعة .. فكيف بنا معك وأنت تتجول بين معالمها
بانتظارك يا بطل ..

هلا بالطش والرش .. احس حمرت خدودي
الله يحبب فيك خلقه وييسر امرك ... انا رحت زمااان يمكن عام 2000 (ايام السفاه )باشتري سيارة من هناك وكان جد الطريق سيئ ومن بعدها هونت حتى مرة من المرات رحنا انا وخويي ويوم لفينا من عند سعد مشينا شوي وديورنا ... زملنا مره من الطريقوقلبناها الشرقيه فهذيك الرحلة شايلها من الذاكرة خير شر... بس ترا والله الطريق الان حلو مره واذا ماعندك مشكلة بالخطوط الطويلة توكل على الله .. الله يحييك واتمنى من كل قلبي ان باقي الرحله تكون ممتعه لك ولاتحرمنا من ملاحظاتك
اقتباس:
المشاركة الأصلية كتبت بواسطة فيصل
لا اتسحتي اسرد ما عندك
الحمدلله ان الحارس ما صار فيه شيء
قله يا أبوي أي عطله فيها هجوم جو وبر وبحر ما نوفر الاجازات
لحالك تسوق الله يعيينك يا شيخ

هلا بمديرنا (ترا جالس ارد من المكتب ومديرنا حولي )
وش ماجاه شي تقوله صادق .. كنه واحد دخل بيته ولقى المجلس مليان فجأه وهو مفلس...وش يوكلهم ويشربهم ذولي.. بس من المنفذ الى دبي كله سيارات سعودية وزحمه ..يوم دخلنا دبي على قولة المصريين (فص ملح وذاب ) معد شفناهم كسيارات في الشوارع الا نادر حتى الواحد يشك انهم موزين عنك شي ورايحين له لحالهم..

الف شكر لحضورك ومشاركتكم الرائعه ... شوي وانزل جزء جديد اتمنى ان يصل ولو الى قليل من اعجاب (العرب المسافرون)

السلام عليكم ...
دبي .. حديقة الخليج ومتنفسه ..بل هي من متنزهات العالم الان ..يضرب بها المثل في مجالات شتى .. حتى في بعض البرامج الاجنبية او الافلام( امريكي او اوربي او هندي ) يرد ذكرها ..والذكر عادة لايكون الا للأعلام ..الذكر لايكون الا لمن تميز وتفرد...
وصلت دبي وانا اعتقد اني خبيربعض الشيء فيها ...جيتها كم مره عن طريق مطار الشارقة ومطار دبي ( اللي صار لنا حفله فيه غطينا على طاش ماطاش فيه ونص المطار عرفنا اعتقد ) وكانت الفترة بين الزيارات متقاربة .. المهم ماعلينا ... في طريق الدخول كنت اتذكر ابو خالد ( مديرنا فيصل) وهو يقول ماعليك ادعس حتى لو صورت الكاميرات وماقصرت عاد انا شوي اذكره واسرع وشوي اذكر الله واهدي صار عندي انفصام ..وصلنا دبي ودخلت اول محطة عشان اخذ بطاقة سالك وكانوا الشباب في موضوع الاسئلة يقولون عادي ركبها وتشتغل معك لان قريت في موقع سالك انها تحتاج الى عشرة ايام للتفعيل وانا سفري كله اسبوع الا كم ساعه بعد ...كانت المحطه زحمه كنه حادث عندنا من كثر الناس وادخل بقالتهم واسئل عن سالك قالوا عب النموذج ( تسجل فيه بياناتك وبيانات المركبه يعني خذ الاستماره معك ) وتعطيهم النموذج وتحط معه مائة درهم والاستمارة عشان ياخذون صورة منها ..
عطوني بطاقة سالك مغلفة ومكشخه ورحت للسيارة ..
طيب شكلي ابصور معها لاني ماعرفت وشي اسوي بها
المهم قلت شكلها لازم ذبة وجه ..وعادي يصير شكلك مفهي احيانا مايضر ..قلت بروح للعمال في الكاشير اقل للفشلة ( مشرفنا الغردقاوي شكله يبي يدعي علي من مفرداتي الغريبة احيانا والا...؟ لان كتبت اهون وغيرتها لاقل) المهم كان الكاشير زحمه مره وارجع واشوف مجموعة شباب اماراتيين والله فزعوا وماقصروا ابد وبيض الله وجيههم وقشعوا طبقه رقيقه مره ( مثل الحامي حق شاشة الجوال ) وانا كنت ناوي اشيل شي ثاني بس اشوى ماتلقفت وقالوا الزقها على الجام تحت المراية ...
وشو الجام طيب..استحيت اسئل...يالله خل الدراسه تنفعك الحين.. يعجبني كلام الاماراتيين وسواليفهم والله احس لهجتهم مميزة ...
حطيت الملصق على القزازه وخذت القارمن وعدلت الاعدادات بحيث انه معد يتجنب بوابات الرسوم
وجدا كان فله مره لان اول كنت اجي طياره واحط تجنب البوابات بس كان الطريق يطول شوي ..وبعد كم يوم جتني رسالة التفعيل وابشركم كل البوابات عرفتني
وهذي صورة من جوالي لرسايل سالك


ياجماعه فيها تطور عجيب ماشاء الله تبارك الرحمن ...وشكل كل رحله لازم تحدث القارمن لانه حاس معي شوي بسبب وجود جسور جديدة او حتى طرق حديثه ماكانت موجوده اصلا فتلاحظ احيانا انك تمشي بشارع والقارمن رايح فيها ومعطيك انك في بحر او منطقة مافيها اصلا طريق وهذي صارت جهة الجي بي ار مثلا
فيه مثلا اخر مره جينا كان شارع الصفوح فيه حفريات (موب مثل حفرياتنا طبعا) ويوم جينا والا الترام يمشي له فتره بعد ومحطاته كاشخه (ناس تشتغل من جد وتحب ديرتها ) الله يهنيهم .
المهم كنت مخزن الاحداثيات للشقه وطبعا ضعنا شوي لازم عاد اول يوم
وصلنا الشقه مع المغرب وكانت اربيان سويتس ولاحد يسكن فيها طيعوني
هي ميب شينه شينه بس ... الخ بس فيه احسن منها كثير بس انحدينا عليها بسبب التأخر في الحجز وتراي حستهم في تقييم بوكينق بعد...مع انهم فكوا البلوك عن مبلغ البطاقة بسرعه..
نزلنا اغرضنا وصلينا ...ورحنا لمركز قريب ولقينا كشك وخذنا منه بطاقة للنت ..كانت شريحة دو 4 جيجا بـ 250 درهم وفعلها العامل لنا واحنا واقفين عنده وصار بالنسبة لي احسن من مراكز الاتصالات والزحمة اللي فيها واشوى تجملت معنا الين رجعنا ( عليها 4 اجهزه ) ..
كان مركز برجمان للتسوق موب بعيد عنا ورحنا له لان العيال يحبونه ( قد شافوا فيه عرض سلاحف النينجا ) وعشقوه بعدها
وصلنا له واخذنا لفه وماكان فيه زحمه ورقينا للمطاعم وادخل وانا واثق لواحد من المطاعم واخذ المنيو ويجيني واحد يركض ...فكه الله ماطاح ...بغيت انحاش انا..وقال لي اسفين خلاص بنقفل ..قلت تونا 9.30 قال ايه خلاص ..
وكالعاده اليوم انواع الفشلات وطيحات الوجه ونطلع ونمر من عند نودلز والاهم شايطين يغسلون وقلنا لهم ورحمونا...
شفنا المنيو ومالك الا خشمك ولو هو اعوج ... كل من هنا والا دور لك توست وجبن .. وانا مانسيت هوشت الظهر في السيارة يوم امس بالجماعه 200 كيلوا احسبها 20
وجلسنا وهذي النتيجه :










وكان شغلهم لذيذ جدا ذكرني بمطعم نودلز في كاميرن ماليزيا
وحمدنا الله على فضله ورزقه وعافيته ...
اعتذر عن الاطاله وسامحونا على القصور واستروا ماواجهتوا ...
الجزء القادم عن شي جديد ( بالنسبة لي على الاقل )في دبي انتم من اخبرني عنه في ( العرب المسافرون )

يعطيك العافيه موضوع جميل


لوسمحت اخوي ايش اهميت بطاقه سالك لاني في الاضحى رحت بالسياره ولا اخذتها وماصادفنا اي مشاكل
واذا ماعليكم امر انا عندي جهاز جي بي اس محمل فيه برنامج جو كيف اغير اعداداته بحيث ما يمر في الطرق اللي عليها رسوم

تبي تحوس الغردقاوي وغيره بمفدراتك يا شيخ
القزاز يعني الجام
زين استفدت من سالك شيء
أنا ما ركبتها وأموري بالسليم
تتوقع أذا رجعت يشيكون
أقولك شغله كنا سيارتين
سيارتي مغير الحروف فيها وسيارة صاحبي مغير نوعها من لكزس ألي بي أم وقلنا للموظف قال عادي
شوفتنا لحفله المطار خهخخخخخخخخخخخخخخ

اقتباس:
المشاركة الأصلية كتبت بواسطة عشقي السفر
يعطيك العافيه موضوع جميل


لوسمحت اخوي ايش اهميت بطاقه سالك لاني في الاضحى رحت بالسياره ولا اخذتها وماصادفنا اي مشاكل
واذا ماعليكم امر انا عندي جهاز جي بي اس محمل فيه برنامج جو كيف اغير اعداداته بحيث ما يمر في الطرق اللي عليها رسوم

الله يعافيك ويحييك ... بطاقة سالك هذا موقعهم ط§ظ„طµظپط­ط© ط§ظ„ط±ط¦ظٹط³ظٹط©
وهو عبارة عن بوابات رسوم استخدام الطريق ،في بعض الدول ماليزيا مثلا البوابة عبارة عن حاجز مايفتح الين تاخذ تذكرة وتدفع اذا مسكت المخرج بس في دبي الشغله اسهل هو عبارة عن بطاقه تركبها على الزجاج وبمجرد مرورك اسفل البوابة تقراى الكرت بشكل الي ويخصم من رصيدك في البطاقة مبلغ 4 دراهم لكل مرور ...
الى الان السيارات من خارج الامارات ما يحملونهم مخالفات استعمال الطريق بدون الدفع مع ان نظام سالك مايرضى بالشي هذا
بالنسبة لي اخذت كرت بقيمة 100 درهم (50 قيمة البطاقة و 50 رصيد ) وكفتني الخمسين درهم خلال فترة جلوسي هناك وانا دايم استعمل الطرق اللي فيها بوابات ..
بالنسبة لجهاز الجي بي اس فابحث في اعداداته عن التجنبات وضع صح على رسوم الطريق
اقتباس:
المشاركة الأصلية كتبت بواسطة فيصل
تبي تحوس الغردقاوي وغيره بمفدراتك يا شيخ
القزاز يعني الجام
زين استفدت من سالك شيء
أنا ما ركبتها وأموري بالسليم
تتوقع أذا رجعت يشيكون
أقولك شغله كنا سيارتين
سيارتي مغير الحروف فيها وسيارة صاحبي مغير نوعها من لكزس ألي بي أم وقلنا للموظف قال عادي
شوفتنا لحفله المطار خهخخخخخخخخخخخخخخ

انت تبي تنشبنا الظاهر
اللي مايركب سالك زي ماقلتوا لي في الاسئلة حقتي ماعليه شي وماراح يدورونك تطمن ...
وانتبه ترا الموظف شكله حاقد عليكم ويبي يغيب شمسكم
ترا فيها حبس وغرامة 20000 اللي يغير في اللوحات ثم يخيس بطنك من الطحينيه
20 ط£ظ„ظپ ط¯ط±ظ‡ظ… ط؛ط±ط§ظ…ط© ط§ظ„طھظ„ط§ط¹ط¨ ظپظٹ ظ„ظˆط­ط§طھ ط§ظ„ظ…ط±ظƒط¨ط§طھ - ط§ظ„ط¥ظ…ط§ط±ط§طھ ط§ظ„ظٹظˆظ…

حفلة المطار صارت قبل السناب شات والا كان علوم ورياضيات بعد

شوي وراجع بـ ...... اقول لكم بعد شوي

ابو عبدالله ابداع في طرحك

ورسمت الابتسامة على خششنا => الفيسات ماتطلع عندي


انا ولله الحمد 3 مرات رحت بسيارتي


لا عمري حطيت سالك


وساهر كم مره يصيدني لكن ما يعطوني مخالفات


واخرها اعطوني مخالفة عدم وقوف صحيح عند الفندق


لكن ولله الحمد ماسددت شيء ولا دققو علي عند الخروج


الاماراتيين نفس الشيء ساهر السعودية لا يحسب عليهم لان اللوحات غير معرفة


كذلك احنا السعوديين لوحاتنا ما تتعرف على ساهر الامارات


لكن لابد من احترام وقوانين البلد


تقبل مروري وتعلييقي

ههههههههههههههههههههههههه

اجل يقول ضاعت جزمته => صح التصريفة


جزء ممتع ابو عبدالله زي حلاوتك


تقبل مروري

هههههههه يآخي والله تعبتني في الترجمه
إضطريت أقرأ بصوت عالي علشان كل حواسي السمعيه والبصريه والصوتيه تشتغل
وكله كوم وسالك ده كوم تاني
في الأول أفتكرتك رحت تشتري بطاقة موبايل أتاريها بطاقه للمرور
وحلوه اللعبه بتاعت إنعدام الجازبيه
أعتقد كان في عضو بالمنتدى القديم كتب عن مثلها بأمريكا ولكن للكبار والصغار سوى
فهل اللي بدبي ينفع للكبار ولا الأطفال فقط ؟
تسلم أبو عبد الله على التقرير الحلو
وخليك إتكلم براحتك بس زي الجزء الأول كان سلس عن الذين تلوه هههههه
متابعك يا الغالي وربي يحفظ أطفالك ويباركلك فيهم