السلام عليكم ورحمه الله وبركاته ...

جزيل الشكر للقائمين على هذا المنتدى العظيم الذي افاد جميع العرب في التنقل والترحال بين الدول ..
حيث خدمني كثيرا في رحلاتي السابقه الى شرق اسيا وتركيا ..

فلكم جزيل الشكر وكل الشكر على جهودكم الرائعه والدؤوبة في خدمة كل من يأتيكم طالبا للنصح والمشورة ..


بعد الشكر والثناء ..

نرجع للكلام العامي .. اريح 😄😄

حبيت تساعدوني في التخطيط لرحلتي الى اوروبا


حجزت تذاكرنا على الطيران الهولندي KlM
انا وزوجي واولادي الاثنين
9و 10 سنوات
وكان سعر التذاكر 850 دينا بحريني
تاريخ الرحلة ( 27 يوليو الى 10 اغسطس )

بنوصل تاريخ 28 يوليو
ورحله العودة الى البحرين بتكون من الصبح يعني بيضيع علينا اخر يوم للأسف

رحلتنا راح تكون ميونخ⬅️ دوحه بدون تغيير الطياره⬅️ ترانزين امستردام ساعه وشوي ⬅️ميونخ ⬅️امستردام ⬅️دوحه ⬅️البحرين

مو عارفه بالضبط شلون اخطط .. نبي نروح النمسا وسويسرا .. والريف الالماني ..

وابي تفيدوني في اماكن ترفيه للاولاد في المناطق الثلاث


تنقلاتنا ان شالله بتكون يالسياره

وابي خطه رحله للمناطق الثلاث مع ان زوجي رافض ان نقعد في المانيا .. يقول ما مدحوها له ويخطط ان نقعد فيها ليله وحده بس علشان موعد الطياره اللي راح يكون في الصباح الباكر يوم 10 اغسطس

ادري ضاعت سئلتي وسط الهذره 😁😁😁


المطلوب
مخطط للرحله في الفتره المذكوره وللمناطق المذكوره

افضل الاماكن للاقامه ويكون سعرها مناسب

هل التنقل بالسياره راح يكون سلسل وسهل ؟؟

شلون اطلب سيارة ويكون فيها نڤقيشن ؟؟

جزيل الشكر لكم


وتحملوني هالفترة .. لأن انتو مرجعي الوحيد للسفرات ومحل ثقه ما تنهز .. ودمتم سالمين