السلام عليكم ..

يعطيكم العافية جميعا ماقصرتوا في موضوعي السابق

السفر بعد اسبوعين ان شاء الله وباقي عندي عدة اسئلة ياليت تساعدوني فيها

1- بالنسبة للسيارة ان شاء الله بناخذها من مطار جنيف ..

سؤالي : اغلب الاراء تنصح باستئجار السياره من القسم الفرنسي .. بس انا بسلمها في مطار زيورخ

فهل اذا خذتها من القسم الفرنسي بيعتبرون انه تسليم السياره في بلد ثاني وبيكون علي ضريبه

او استلمها افضل من القسم السويسري بما اني راح اسلمها في زيورخ ؟


2- الطيران الداخلي (بين باريس وجنيف) احجزه من هناك ولا من الحين افضل ؟


بالنسبة للجدول اليومي .. عطوني ارائكم ..


آنسي 3 ليالي :

اليوم الاول : التوجه من مطار جنيف ل آنسي .. واخذ جوله فيها > اذا فيه نصايح معينه ياليت تفيدوني

اليوم الثاني : شامونيه بس مابي قمة المونت بلان ف هل يكفيها نص يوم وبعدها التوجه ل مونترو مثلا ؟

اليوم الثالث : جنييف + ؟ تلخبطت في المسافات هل الافضل معها لوزان او ايفيان او مونترو ؟؟ ولا يبيلها يوم كامل ؟


انترلاكن : 5 ليالي

عندي مخططين لليوم الاول :

1- في الطريق بين انسي و انترلاكن التوقف في مصنع نستله .. ف بيروح اليوم تقريبا ع الطريق و المصنع و بعدها الوصول والتشك ان

او 2- : الوصول الى انترلاكن و اخذ جوله فيها و ممكن مطل هاردر كلم

اليوم الثاني :
زيارة جريندلوالد واخذ جوله فيها ثم زيارة قمة جنغفرو

اليوم الثالث :

زيارة وادي لوتربينن و شلال تروميل باخ < وهل في الوادي انشطه او شي معين لازم اشوفه .. صوره جدا جميله بس مادري اذا فيه اشياء معينه تنصحون فيها

اليوم الرابع :

بحيرة برينز + شلال جس باخ

اليوم الخامس :

بحيرة اوشن سي + البلو سي


------------------

ممكن تفيدوني بالايام اللي اقدر اضيف فيها اماكن زياده ؟ و الاماكن اللي تقترحونها ؟

بالنسبة ل الزحليقه الصيفيه ف مو من اهتماماتنا

وهل اشتري السويس هاف فير .. بتفيدني بالنسبة للاماكن اللي بروح لها ولا مب ضروريه ؟

خصوصا انه صح تعطي نص سعر قمة جنغفرو بس اتوقع الزياده نفس قيمة الهاف فير ؟

هل ناخذها وبتنفعنا ولا ؟


ارآئكم ؟؟