يسعد لي مساكم يارب


هالتقرير حصري لكم بعدستي المتواضعة
فانا لا اكتب الا بالعرب المسافرون
بيتي الثاني



الفكره من اختي بالتجمع لطلعه ريوق
الجو عجيب وبارد ايامها
والفرصه مناسبة وعطله كلنا بالبيت

واختارت المباركية يا ولد الحجية

وتوكلنا على الله
وقالوا نبي نجرب مطعم غير دلق سهيل
ملينا

قلت تممم
الجوووو ناري وللحين نسمات بارده تهبل

[emoji940][emoji952][emoji939]


وقع الاختيار على مطعم لوزان انا مجربة مشوياته والكباب لذيذه ولي تقرير عنها

وبما اني اول وحده وصلت
احب الالتزام بالوقت
والانتظار يقتلني [emoji24]

قلت افتر بالسوق شوي على ما يوصلون الوالده وخواتي














عاد عيدك ياكويت الله يدوم افراحنا













ووصلوا الحبايب واخيررا
ما احب التأخير لاتعيدونها مره ثانية ياويلكم [emoji91]




ولكم هاللقطات من المكان والريوق [emoji257]





المطعم اللي اخترناه طاولاته باللون البرتقالي









ملك السفره عندي الجبن الابيض







امي طلبت جبده مزاج حريم اول

عليها بالعافيه وتقول لذيذه وريحتها حلوه




وبقيه الطلبات للجميع
مد ايدك واترس بطنك

عرايس جبن عجيييبه




حمسه معلاق لولد اخوي بس النزغه اكل نتفه وشبع
بس يقولون حلوه



وطلبنا مشلتت قال ماعندي بس اقدر اييب لكم من دلق سهيل

مشلتت نقانق لذيذ



وطبعا انا الحلووو لي بالسكر الناعم

مشلتت ساده مع سكر ناعم وغووووص انا وعيالي




وخواتي نيوتيلا
يسحن القلب ما اقدر عليه
عوافي عليهم




ومشلتت مكسرات طلبيه واد اختي سفري للبيت



وصور غوري الشاي والحليب للاسف انمسحت [emoji85]

الاكل حلو لكن انا ماعجبتني الخدمه
ولاط ريقة ترتيب الاكل والتقديم

[emoji891][emoji891][emoji891][emoji891][emoji891][emoji891][emoji891][emoji891][emoji891][emoji891][emoji891][emoji891][emoji891]


مافي تنسيق
كل شوي يوصل طبق ويعطيني بايدي عشان احطه ع الطاوله
وطبعا انا مايمشي عندي هالكلام هو المسئول وانزف عدل لكن بذوق

قلت احلف ماتبي اقوم اييب معاك من المطبخ باقي الطلب ؟؟؟؟؟؟؟؟؟؟؟؟
طبعا تأسف

دلق سهيل احسن منهم بوايد

طلبنا ملاحة وفلفل اسود للبيض اخذهم من طاوله يمنا

وصلنا للحساب
كل شوي يطلع بحساب وحده فينا غلط
اثاري هالموظف يحسب ع المزاج ويقرب العدد
مثلا لو الطبق دينار ونص يقول دينارين [emoji849][emoji848][emoji848][emoji848]

وعليكم الحساب

حمرت العين عاد بس شنو هالحركات !!!!!!!!!!!!!
بوقني بكيفي وبمزاجي مو تستعبط علي

طبعا استعبط على الاخر ورجع لنا الفرقيه بحساب كل وحده فينا طلع مبلغ زين

احلى شي وصج ضكنا عليه وايد

كل ما ييب طلب عشان انا اللي ازف وادقق
يقولي تفضلي يا كبييييييييره
بالصعيدي
هههههاي
يعني انا العمده
وللحين خواتي ينادوني يا كبييييره

[emoji1319][emoji1319][emoji1319][emoji85][emoji85][emoji1319][emoji1319][emoji1319]


الحمد لله كانت قعده حلوة مع الماما والخوات
ربي يدومها عليها ولايفرقنا وتدوم اعياد كويتنا الحبيبه

قراري الاخير
لن اكرر تجربه هذا المطعم مره اخري

ونرجع لدلق سهيل ابرررررك

تحياتي ،،،،
واتمنى التقرير يعجبكم ولاتنسوني من دعواتكم ،،،،




[emoji177]قصة حب[emoji177]

آخر مواضيع قصة حب

- شاركوني باختيار فنادق جديدة - ملكة السفرات العائلية في رحلتها الرابعة الى ماليزيا 2016 - برنامج تاباتوك - فندق هوليدي ان بينانغ - عاجل جدا باص الى بينانغ

توقيع : قصة حب

كل إنسآن سيـكون يومـآ مجرد .. ذكـرى ! أمنيتــي أن أكون .. { ذكـرى بيضآء } في قلوبكـ لا تغير طبعك لترضيهم ، لاتبدل صوتك لتعجبهم ، لا تخالف مبدأك لتوافقهم ، لا تتصنع لتنال رضاهم أنت لك بصمة ، عش بما يرضي ربك ، ثم يرضيك ويرضى طموحك

---

التعديل الأخير تم بواسطة قصة حب ; 24-04-2016 الساعة 10:26 AM

اليوم انا فاضية وماطلعت وسهرانه ع التقارير

حسافه ياريت برنامج تاباتوك فيه اضافه الاسم ع الصور



[emoji177]قصة حب[emoji177]

آخر مواضيع قصة حب

- شاركوني باختيار فنادق جديدة - ملكة السفرات العائلية في رحلتها الرابعة الى ماليزيا 2016 - برنامج تاباتوك - فندق هوليدي ان بينانغ - عاجل جدا باص الى بينانغ

توقيع : قصة حب

كل إنسآن سيـكون يومـآ مجرد .. ذكـرى ! أمنيتــي أن أكون .. { ذكـرى بيضآء } في قلوبكـ لا تغير طبعك لترضيهم ، لاتبدل صوتك لتعجبهم ، لا تخالف مبدأك لتوافقهم ، لا تتصنع لتنال رضاهم أنت لك بصمة ، عش بما يرضي ربك ، ثم يرضيك ويرضى طموحك

عوااافي يا كبييييرة
لازم تدققين والله ننباق واحنا ماندري
كافي اسعارهم
عجبني الجبن الابيض والمشلتت ابو الشكر والكشمش
مالج هذا تبع بوحسين غراامه
عليها بالعافيه الوالده اهل اول ياكلون عدل مو مثلنا
احنا الحين لوناكل شويه صرنا قد الباب

الحمسة عجبتني بس لو بالعشا احسن
بس بدون معلاق ميخالف

عليكم بالعافيه
وابرك اذا ما عجبج خليج على اللي تعرفينه احسن
يلا طلعي باقي التقارير
علشان لما تسافرين تتفرغين على تقرير السفرة
يعطيج العافيه

عوافي ياقصه
ضحكتيني على طريقة التقديم هههههههه
الجرسونات هناك مو مأهلين ولا مدربين يحطون الاكل وبس
شكل الاكل يشوق خصوصا الفطير المشلتت

ماشاء الله
عجبني بالتقرير الدقة بشرح مميزات وعيوب المطعم
وبهذه الحالة التي وصفتيها ما أظن أروح له

التعليقات الشخصية والحوار كان مضحك ورائع معاً
الله يحمعكم دووووووم على خير ومحبة

كل الشكر

بالعافيه عليكم

ما فيه زي جمعه الوالده والأخوات

يعني نشطب علي هالمطعم كإفطار



هالصوره كانت موضه السبيعنيات

جزاك الله خير