رحلة المنجروف أفضل الأسعار من المطار وأنت خارج من الصالة بعد استلام الشنط تلقى مكاتب كثيرة عندهم حجز المنجروف وتحدد اليوم معهم مع السيارة ياخذونك ويردونك أنا أخذتها 350 رنجت وعددنا 8 أفراد

الدبابات أخذنا ثلاث دبابات في البداية كان السعر تقريباً 1000 رنجت حسب البروشور اللي حاطينة وفي النهاية أخذناها ب 500 رنجت

بمعنى لازم المفاصلة ولا تهتم خصوصاً لأهل الدبابات وقائمة الأسعار اللي حاطينها بالكتيب إللي معهم

وأنصحك ترتب أمورك إنك تطلع للمنجروف وفي العودة التاكسي اطلب منه ينزلك عند الدبابات ويكون كذا أفضلك تكسب الوقت وكذلك ما تدفع للتاكسي مرة ثانية على شان ترجع للدبابات وهذي النصيحة استفدت أنا شخصياً منها من المنتدى وسويتها لكن لازم ترتب وقتك زين

بالنسبة للصن واي لاقون إذا كنت ساكن في فندق الصن واي لاقون روزوريت تشتريها الصباح من موظف الكونسيرج في الفندق موجودين في بهو الفندق وهذي خدمة لنزلاء الفندق وفي الشبابيك الخاصة بالملاهي عند الدخول ولكن احرص بالحضور المبكر تلافي للزحمة على التذاكر وكذلك للدخول مبكر للأستمتاع بالألعاب قبل الزحام وإذا تبي توفر ممكن تشتريها عن طريق موقع اسياترفل على النت قبل السفر ولكن لم يسبق لي تجربة الشراء من الموقع وممكن الأخوان يفيدونك في النقطة هذي

موفق إن شاء الله