السلام عليكم أعضاء المنتدى الكرام
أنا عضوة قديمة ولكن مطلعة صامته
أرجو منكم ألمساعده في خط سير رحلتي
الوصول بيكون فرانكفورت بنأخذ سيارة وعلى طول إلى باريس
باريس يومين 27/3-29/3
ديزني 29/3-1/4
ستراسبورغ الفرنسية 1/4-3/4
ميونخ 3/4-9/4
الرجوع لأبوظبي
شورايكم بخط السير وللعلم أول مره أزور فرنسا وسبق لي زيارة ميونخ ولكن حابة أرجع لها للتسوق وزيارة المناطق حواليها
نحنا عايلة مكونة من شخصين و 4 أطفال
ومشكورين ...

يعطيها العافيه مشرفتنا ماقصرت

بس سؤال اختي لولو انتي تبغين الذهاب والعوده من المانيا ضروري ؟؟
عشان تكلفه ارجاع السياره او عادي

لو عادي ترجعين من اي مكان
من رأيي يكون خط السير

ابوظبي - باريس - دزني لاند - ستراسبورغ او رست او بادن بادن - ميونخ والعوده منها
اذا تبغين ترجعين من فرانكفورت من بعد ميونخ تروحين فرانكفورت

مرحبا اختي
العفوووو الله يسلمج حاضرين
مب مشكله ان شاء الله

لاتخافين من المسافات مب بعيده ان شاء الله
اطول مسافه من فرانكفورت الى باريس

من فرانكفورت الى باريس 5 ساعات ونص ( 570 كيلو )
اذا تناسبج المسافه تروحين من فرانكفورت دايركت باريس
وانتي بالطريق الى باريس راح تمرين صوب دزني لاند
ولج الخيار تنزلين فيها وبعدها تروحين باريس او العكس تخلينها في العوده

وفي طريق العوده تروحون ستراسبورغ والمناطق الي حولها قبل الذهاب الى ميونخ

بس ميونخ 6 ليالي وايد تقدرين تاخذين منها يومين وتروحين كابرون او زيلامسي اذا بغيتي

اختي نعطيج خيارات في المناطق بعد ماتستقرين ان شاء الله
نرسم لج المخطط والجدول كامل

ياهلا ومرحبا اختي لولو
السموحه على التأخير في الرد

صحيح الراحه والتقليل من التنقلات مطلوبه
بخصوص المناطق القريبه من ميونخ

تقدرون تروحون سالزبورغ تبعد عن ميونخ بالسياره ساعه ونص ( 140 كيلو متر )
تتجولون فيها ومن سالزبورغ لكم الخيار بأختيار وحده من المنطقتين للزياره

1- البحيرات الثلاث ( المثلث الذهبي ) لانها تتكون من ثلاث بحيرات جنب بعض
وهم : بحيره وولف قانق - وسانت جيلجن - وموندسي
مكان حلو وفيها كثير من النشاطات
تبعد عن سالزبورغ 45 دقيقه تقريبا ( 50 كيلو متر )

2- وهو الخيار الثاني الذهاب الى زيلامسي
من سالزبورغ الى زيلامسي ساعه وربع ( 80 كيلو متر )

وبعدها العوده الى ميونخ بنفس اليوم ويفضل الخروج من ميونخ بدري الصبح

المكان الثاني الي ممكن تروحون له من ميونخ هي قارمش
تبعد قارمش عن ميونخ ساعه بالسياره ( 90 كيلو متر )

وبعد تقدرون تروحون ليغو لاند و الاوت لت

يعني هذي الخيارات الي اشوفها ممكن تروحين لها من ميونخ والعوده بنفس اليوم

العفو اختي لولو

رتبي رحلتج وبحط لج المخطط ان شاء الله على الخارطه