رحلتــــــي الأولـــــى ( ماليــــزيـــا ) متعه .. إثاره .. تشويق .. مغامره - الصفحة 8

slooom0072 · 03-05-2016, 07:59 PM

اقتباس : المشاركة الأصلية كتبت بواسطة دحدح 11

.#

ما شاء الله وش نوع كاميرتك

Nikon d3500

مجديمعجبون بهذا.

slooom0072 · 03-05-2016, 03:25 PM

تفاصيـــــــــل الرحلــــــــه فقره ( ج )

بعد الإستمتاع في ألعاب الصن واي لاجون رغم الرطوبه العاليه نوعاً ما

عدنا إلى الفندق الساعه 4.00 م للإستحمام وتبديل الملابس والتجهز لمول البيراميد الرائع

وكان الاتفاق بيني وبين أم سدن أن التسوّق راح يكون آخر يومين من الرحله

وطبعاً مستحيل يعجبها شيء وما اشتريه لها

المهم طلعنا الساعه 5.30 م من الفندق وكان المول ملاصق للفندق وسهولة المشي له ودخلناه

عالم وناس وزحمه وكان اليوم هو الأحد عطلتهم

لاتدققون بالصور تراه تصوير ام سدن

المهم تجولنا بالمول .. وضخم بصراحه واشياءه روعه وطولنا نطالع في صالة التزلج

وابداع بعض القروبات في التزلج .. وبعدها توجهنا الى ماكدونالدز للإستمتاع بالطعم الرائع

اللي تكلم عنه كذا عضو في تقريره الخاص ..

وفعلاً الطعم مختلف .. والاسعار مختلفه .. عن السعودية

غدا عشاء .. لا ياعمي .. للحديث بقيّه .. فهذي آخر ليله في سلانجور لازم نختم كل شيء

خلصنا من مول البيراميد تقريباً 6.30 م طلعنا وتوجهنا على تاكسي الفندق .. وقلت له نبغى آي سيتي

تودينا وترجعنا .. من الأخير 120 رينجت .. قلت أوكيه

طبعاً برنامج ماي تاكسي خذلني في الرحله لعدم استجابته معي ..

وهذ الشيء ضايقني قليلاً لكن ولله الحمد على كل حال

طلعنا على آي سيتي وأعطيته 50 رينجت .. وقلت الباقي عند الفندق قال اوكيه رغم اني أحسست انه

نصاب .. المهم نزلنا واستمتعنا بآي سيتي .. رغم أنها لا تستحق العناء كثيراً من وجهة نظري ..

لقينا كنتاكي طبعاً مقابل بوابة الدخول لآي سيتي وطلبنا العشاء منه على بال ما يوصل

التاكسي من الفندق .. اخذنا العشا وطلعنا الا وهو عند الباب ينتظرني طبعاً لابد أن تأخذ رقم جواله ..

وهذا مافعلته .. رجعنا الفندق واعطيته باقي المبلغ المتفق عليه .. ودخلنا الفندق وتوجهنا للغرفه ..

وتعشينا وكان الأكل جداً لذيذ .. وبعدها بنصف ساعه .. نمنا ..

( اليــــــــــوم الثالـــــــث )

صحينا من النوم الساعه 7 صباح .. رتبنا الشنط ونزلنا للإفطار ..

طبعاً أجمل إفطار رأيته في ماليزيا كان في فندق الصن واي لاجون ..

ولا اقلل من قيمة بقية الفنادق لكن .. الصن واي لاجون غير بصراحه ..

أفطرنا وحمدنا الله على نعمه التي لا تحصى ..

باقي على موعد خروجي من الفندق تقريبا ساعتين ..

ولازم أصرف من الصراف لأنه ماكان معي الا 1000 ريجنت ولنكاوي احتاج فيها مصروف ..

رحت المول وصدفه اذا بأحد الأشخاص كأني رأيته يراقبني .. واستمريت في المشي .. وإذا هو يلاحقني ..

وخليته على جوّه .. واستمر .. وفجأه .. وانا ألتفت عليه .. وعرفت أنه عربي .. قلت خير

قال سلام عليكم .. قلت وعليكم السلام ورحمة الله .. هلا .. خير وش فيه تراقبني وتلاحقني ..

فيه شيء ؟!!!! قال لو سمحت انا محتاج فلوس وصار علي كذا وكذا ومحتاج الفزعه ..

والله ماراح أوقف مكتوف اليد .. بل ساساعده لوجه الله بما استطيع .. لكن تصرفه غريب ..

وإحساسي أنه نصاب .. قلت بروح اصرف وراح اجيك .. طبعاً أم سدن متوتره نوعاً ما ..

المهم .. رجعنا ما لقيناه .. وقلت خيره .. لعله شر فصرفه الله عنا

عدنا الى الفندق وكلمت خدمة الغرف علشان الشنط .. وعلى طول جاني واحد منهم

واخذ الشنط .. ونزلت اسوي تسجيل خروج وكانوا مبتسمين ..

وكلمت مواصلات الفندق .. وطلبت منه المطار وقال 130 رينجت .. وجاني شخصين حقين التكاسي

واحد يقول 100 والثاني يقول 90 .. وبصراحه ادفع الفرق من اجل راحتي والثقه بمواصلات الفندق

وكانت الساعه تشير الى 10.00 صباحاً وموعد الرحله الـ 1.00 م .. توكلنا ع الله وذهبنا إلى المطار

ونزلنا الشناط .. ودخلنا المطار .. وفجأه إذا بواحد هندي أخذ عربية الشنط وقال الحقني ..

انا تفاجأت وكان معنا عائله سعوديه ايضا واحنا وراه والرجل مجتهد .. اخذنا على المغادره

وعلمنا وش نسوي وخلص معنا كل شيء .. ولازلت متفاجئ .. من يكون ؟!!!!!

وبعد ما خلص من العائله السعوديه رجع لي وخلصني .. قلت شكرا .. وأثاريه مايبغى شكرا ..

يبغى بولوس ( فلوس ) .. ؟!! طيب كم .. قال 100 رينجت .. ليش طيب .. انا ما اتفقت معك ؟!!!

ولكن بصراحه خدمنا رغم انه لا يستحق المئه كامله .. لكن فدا .. الاهم اننا انجزنا ..

دخلنا صالة المغادرة .. وبإنتظار فتح البوابة .. تبقى نصف ساعه ..

اخذنا كوفي ودونات وانتظرنا حتى فتح البوابات .. وركبنا الطائره ..

وتوكلنا على الله إلى لنكاوي الشهيره .. ونريد رؤية ما يتحدث عنه الصديق والقريب والزميل

كلنا شوق لرؤية لنكاوي .. واقلعت الطائره بتوفيق الله

sami1983, Turki1407, بو عبدالله و 8 آخرون معجبون بهذا.

سطام · 03-05-2016, 04:29 PM

بصراحة سالفة الرطوبة خايف منها انا اكرها خصوصا رطوبة جدة ودبي بالصيف وانا مسافر بالصيف

أرسلت من HTC One M9 بإستخدام تاباتلك

slooom0072 · 03-05-2016, 07:39 PM

اقتباس : المشاركة الأصلية كتبت بواسطة سطام

بصراحة سالفة الرطوبة خايف منها انا اكرها خصوصا رطوبة جدة ودبي بالصيف وانا مسافر بالصيف

أرسلت من HTC One M9 بإستخدام تاباتلك

الله يحييك اخوي سطام

وبصراحه اذا انت ما تحب الرطوبه ورحلتك خلال موسم الصيف .. الله يعيينك ..

سطام · 03-05-2016, 07:47 PM

اقتباس : المشاركة الأصلية كتبت بواسطة slooom0072

الله يحييك اخوي سطام

وبصراحه اذا انت ما تحب الرطوبه ورحلتك خلال موسم الصيف .. الله يعيينك ..

الله يعين عاد مطر ورطوبة الله يعين والله اول مرة شرق اسيا وربك يسيرها

slooom0072 · 03-05-2016, 08:01 PM

اقتباس : المشاركة الأصلية كتبت بواسطة سطام

الله يعين عاد مطر ورطوبة الله يعين والله اول مرة شرق اسيا وربك يسيرها

بالتوفيق يارب

ولعيون زيزا .. تهون الصعاب

بو عبدالله · 03-05-2016, 04:41 PM

جزء جميل في سيلانجور

من الجيد ذكرك للسلبيات و بالأحمر حتى لا يخطئ غيرك و يتعظ

سالفة الحمالي في المطارات و الفيري

فيصل و Fahd معجبون بهذا.

slooom0072 · 03-05-2016, 07:41 PM

اقتباس : المشاركة الأصلية كتبت بواسطة بو عبدالله

جزء جميل في سيلانجور

من الجيد ذكرك للسلبيات و بالأحمر حتى لا يخطئ غيرك و يتعظ

سالفة الحمالي في المطارات و الفيري

حياك ربي بو عبدالله
أشكرك على مرورك ..

وفعلاً سالفة الحمالين في المطارات ظاهره سيئه جداً ..

Fahdمعجبون بهذا.

sami1983 · 03-05-2016, 05:01 PM

يا طيب ما ذكرت لنا هل قمت بجولة كروز بالماينز ؟ وإيش وضع التأمين بالفنادق ؟ أشوف الكل يشتكي منه وأنه لا يتم إرجاعه ؟ وكيف سددت للفنادق ؟
مشكور

مريم يوسف · 03-05-2016, 05:09 PM

حمدالله على سلامتكم وعقبال المرة الجاية.
سرد للرحلة ممتع ومفصل. استمررررررر

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ملاهى ايكو اسكيب بينانج ... متعة, تشويق, اثارة	أبوعبدالله (الاسفار )	ماليزيا	21	04-03-2018 05:52 PM
مغامره للورده الجديده	ابوعرب	بوابة اثيوبيا	6	28-04-2016 08:22 AM
رحلة شتوية لبلاد العثمانيين من 7 يناير إلى 20 يناير متعة إثارة تشويق	الـــفالـــح	تركيا	80	07-09-2015 11:39 PM