السلام عليكم صبحكم ومساكم الله بالخير جميعاً
بدون مقدمات
شيرو علي زواجي بنص شهر مارس القادم ومحتار وين اروح شهر العسل
بالضبط بتاريخ 15/5/1436 يوافق بالميلادي 6/3/2015
ومحتار وين اروح لشهر العسل الميزانيه ال 30000الف ريال
ومعي 20 يوم اجازة زواج وانا ماقد سافرت الا لدول الخليج والدول العربيه فقط
وودي بدول اوربا لكن مدري وين اروح وكيف ارتب جدولي وايامي وكيف احجز ومن وين ابدا ووش اسوي !
[Bوماخاب من استشار والله يجزاكم خير مقدماً[/B]

و عليكم السلام

صباح النور

1000 مبروك مقدماً و الله يتمم لكم على خير

أشوف مارس مناسب لاوروبا يكون نهاية البرد يعني اجواء منعشة حدود 20 درجة

اقترح ذهاب و عودة جنيف و تحجز من الآن تذاكر الطيران و الفنادق
تستلم السيارة عند الوصول و تروح على انسي
3 ايام في انسي الفرنسية تزور خلالها جنيف و شامونية
2 يوم لوزان تزور خلالها مونترو
5 ايام انترليكن
3 ايام لوزيرن
2 يوم جنيف

المجموع 15 يوم

سكن + سيارة + مصروفات = 300 يورو باليوم
بمعنى تبحث عن سكن بحدود 100 يورو و سيارة بحدود 100 يورو
300 في 15 = 4500 يورو تقريباً 19000 ريال
يتبقى 11000 ريال تذاكر + طوارئ
التذاكر للشخص بحدود 4000 ريال اذا حجزت بدري

و الخبراء مايقصرون

وعليكم السلام ورحمة الله وبركاته أخي اشتري وناستي
وما قصر معك في الجواب أبو غسان
ولكني داخل أهنئ وأبارك
فبارك الله لكما وبارك عليكما وجمع بينكما في خير

اقترح الوصول باريس و العودة من جنيف


4 ايام باريس و تزور ديزني لاند
بالقطار الى جنيف
تاخذ سيارة فيها
ويبتدي الخط
4 ايام جنيف منها تروح انسي و شامونيه
6ايام انترلاكن
3 ايام لوقانو ومنها تروح ميلانو
ليلتين مونترو




يعني
4 باريس
4 جنيف
6 انترلاكن
3 لوقانو
2 مونترو

ماقصروا الاخوان .. الخيارات كثيرة
تقدر تخليها فيينا وتاخذ سيارة وتروح سالزبورغ وزيلامسي والريف النمساوي


اهم حاجة طلع الفيزا من الآن وابدا خلص حجوزاتك عشان تحصل أسعار كويسة


أي استفسار حنا بخدمتك .. وألف مبروووك مقدماً ..

مبروك يا عريس

انا اقترح عليك جنوب اوربا
اسبانيا __ايطاليا
الجو ادفئ قليلا من شمال اوربا ووسطها
واذا تحب تغير الوجهة فماليزيا خيار رائع جدا للعرسان
خذلك لفة في البوابة الماليزية وشوف التقارير هناك

بالتوفيق

بداية الف مبروك والله يتمم لك علي خير
بس حاول تتخذ قرارك وحجوزاتك بسعرة لان باقي لك اقل من شهرين
والله يوفقك

وعليكم السلام ورحمه الله وبركاته
الله يتمم لك علي خير
تبي اوربا
طبعا لو قلنا تركيا اسبوعين زينه
لكن اوربا ايطاليا او تقضيها باسبانيا افضل لأن اسبانيا أقل بروده في اوربا بالشهر هذا
ان نويت باريس ابشر باللي يفصفص لك كل شيء
ان نويت سويسرا ما يقصرون معاك
قرر واستخير ثم علي بوابه الاستفسارات لأي دوله وأبشر
تأكد نك لازم تتخذ قرارك بسرعه

جزاكم الله الف خير جميعاً اللي رد واللي بارك الصراحه انا ودي بالنمسا بس شيكت عل جوهم طلع برررد وعل حسب ماسمعت ان جميع انشطتهم تكون مغلقه بوقت البرد عندهم يعني ماراح استفيد وفرنسا مهب شينه بس مدري وش الوضع عقب الاحداث الاخيره سمعت ان الفيزه او التاشيره ال فرنسا موقفه !! اسبانيا وايطاليا واليونان هي اللي تكون بوقت زواجي دفا وجوهم معتدل عل حسب ماسمعت بس محتار ومتردد لاني مالقيت جواب شافي يفيدني عن هل الدول

الف مبروك والله يجمع بينكم على خير

انا من رايي استخير واختار البلد لانك اذا خليت باب الخيارات مفتوح راح تدوخ

انت شوف شنو جوك وودك بشنو وعلى هالاساس يتم اختيار البلد

واحذر كل الحذر انك تختار بلد علشان شخص آخر نصحك فيه

أكيد أهوا لما ينصحك مو غلطان لكن أذواق الناس تختلف

واستخير وقرر

ومبروك مره ثانيه