كعادتك يامهند في تقديم التقارير الحلوه
سلمت أناملك على التقرير الحلووو ��������
برادفورد يسمونها أهل بريطانيا باكستان من كثر الجالية الباكستانيه فيها من جذي اهي معروفه بأكثر نسبة مسلمين فيها ..
لما زرتها ما حسيت أني في بريطانيا بصراحه ..
كافيه نيرو صاحباته مصريات كانوا عايشين في ايطاليا وبعدها انتقلوا بريطانيا واهما يدرسون في بريطانيا كان ودهم يفتحون الكافيه حاولوا ياخذون تمويل من احد البنوك بس مدير البنك رفض لان مافي ضمان انهم يردون هالمبلغ مع انه حاولوا يقنعونه انهم راح يمشون في مشروعهم بس تم الرفض لما رجع مدير البنك بيته يسولف على زوجته القصه ويقولها تخيلي يدرسون ويبون تمويل وماكو اي ضمان وقالها انهم في الجامعه اللي انتي تدرسين فيها قالت شنو اساميهم ذكرهم لها چان تقوله مولهم وعلى ضمانتي هالبنتين يشتغلون صح وراح يكسبون صح طبعا ما صدق ريلها بس اصرت عليه ثاني يوم اتصل عليهم وقالهم الموضوع كله وزوجته كلمتهم ومن بعدها افتحوا الكافيه كان بس واحد نسيت والله اي مدينه وبعد النجاح اللي حققوه توسعوا في كل بريطانيا ومعروفين بقهوتهم �������� بس هذا اللي اعرفه عاد ما يندرا لما الحين اهم أصحابه ولا تغيروا الله اعلم ..

أسفه عالاطاله بس حبيت أضيف هالمعلومات ����
والله يعطيك العافيه