"ماليزيا" هل تنفع بدون مرافقين / تجربه 14 يوم ~ ابريل - الصفحة 3

الجوكر · 12-05-2016, 01:14 PM

ماشاء الله

بدايه مميزه وتقرير روعه

سجل متابع لك ..

اعجبني جدا اختيارك لهوليدي فيلا

قصة حبمعجبون بهذا.

بو عبدالله · 12-05-2016, 01:24 PM

اوووب طلعت ولد البلاد

إنزين جان خليتني اخاويك ترى ماليزيا العشق

ام زياد · 12-05-2016, 02:14 PM

بدايه جميله ومبشره بتقرير ممتاز

الصوره شدت انتباهي..اليست لفندق malibest resort ???غرفه على البحر مباشره.من اجمل الغرف التي رايتها وكان حجزي في احدها لكن في النهايه اخترنا غرفه اخرى اكبر
مواصله المتابعه باستمتاع

فيصل و قصة حب معجبون بهذا.

فيصل · 12-05-2016, 02:29 PM

وعليكم السلام ورحمه الله وبركاته
اي رحله بدون عوائل أخف وأريح وأسهل للتنقل
البرنامج للتاكسي توفير في ظل الاستغلال اللي حاصل من السواقين للعرب
وقت الوصول حلو ولو بعد الظهر افضل
النت ما شاء الله علي هالتصفح ويكفي
اطلاله الفندق حلوه
اي سيتي صراحه كم تقرير شفت ان فيه اختلاف
أعجبني مطعم ستيك شكله خطير

حلم الترحالمعجبون بهذا.

دحدح 11 · 12-05-2016, 06:38 PM

ما شاء الله تقرير خفيف ومنظم

السفر لوحدك ...كيف تأقلمت مع نفسك
ايش الايجابيات والسلبيات وانت لحالك ف غربه للمتعة .؟

قصة حبمعجبون بهذا.

Rio Maestro · 13-05-2016, 12:17 AM

بما انك لحالك شوف الموضوع هذا :

http://www.arabtrvl.com/vb/t17774.html

The only one · 15-05-2016, 10:50 AM

اقتباس : المشاركة الأصلية كتبت بواسطة أبو سعد

ما شاء الله تقرير وتصوير جدا رائع
استمر يا مبدع

أرسلت بواسطة iPhone بإستخدام Tapatalk

شاكر لكـ تواجدك..،

اقتباس : المشاركة الأصلية كتبت بواسطة Rio Maestro

مطعم نيويورك ستيك شاك السنواي له ذكريات عندي .. اتمنى لك رحلة ممتعة

المطعم جدا جميل وحبيتـ اكلهم الصراحه

اقتباس : المشاركة الأصلية كتبت بواسطة مسافر وبس

تقرير جميل متابعين معك

احب ان اتشارك ذكريات السفر مع مرافق ... كيف تصف شعور السفر بشكل منفرد ؟

يعطيك العافيه ...

معاك حق بس متعه السفر كونك وحيد ان بدال لايكون عندك مرافق وحيد طول مدة الرحله انك ممكن تحظى في كل يوم مرافق جديد وتتشارك معه متعة السفر وتكون قابل انك تتعرف على اناس بعادات وثقافات مختلفه

اقتباس : المشاركة الأصلية كتبت بواسطة الجوكر

ماشاء الله

بدايه مميزه وتقرير روعه

سجل متابع لك ..

اعجبني جدا اختيارك لهوليدي فيلا

شاكر لك تواجدك بالفعل الفندق كان جدا جميل وانصح فيه بشده للي حاب يجلس يومين في سيلانجور ومنها راح يكوفر كثير

The only one · 15-05-2016, 11:18 AM

اقتباس : المشاركة الأصلية كتبت بواسطة بو عبدالله

اوووب طلعت ولد البلاد

إنزين جان خليتني اخاويك ترى ماليزيا العشق

هههه اتشرف فيكـ

اقتباس : المشاركة الأصلية كتبت بواسطة ام زياد ناجي

بدايه جميله ومبشره بتقرير ممتاز

الصوره شدت انتباهي..اليست لفندق malibest resort ???غرفه على البحر مباشره.من اجمل الغرف التي رايتها وكان حجزي في احدها لكن في النهايه اخترنا غرفه اخرى اكبر
مواصله المتابعه باستمتاع

شرفتيني اختي ام زياد
بالفعل وبفضل من الله وبعد ماكنتـ متردد في اختيار الفندق في لنكاوي اطلعتـ على موضوعك ومن شفت اول صورة حطيتيها للفندق على طول دخلت موقع الفندق وحجزت فيه ولاكن للاسف واجهت بعض المشاكل اللي واجهتيها مع الاستقبل ولاكن توفقت في الاخير بهذي الغرفه المطله ع البحر وان شاء الله في ردي القادم بفصل في هذا الشي

اقتباس : المشاركة الأصلية كتبت بواسطة فيصل

وعليكم السلام ورحمه الله وبركاته
اي رحله بدون عوائل أخف وأريح وأسهل للتنقل
البرنامج للتاكسي توفير في ظل الاستغلال اللي حاصل من السواقين للعرب
وقت الوصول حلو ولو بعد الظهر افضل
النت ما شاء الله علي هالتصفح ويكفي
اطلاله الفندق حلوه
اي سيتي صراحه كم تقرير شفت ان فيه اختلاف
أعجبني مطعم ستيك شكله خطير

شرفني جدا تواجدك..،
بالفعل وهي كذلك وتحس بحريه فيها..، بخصوص وقت الوصول بالفعل افضل وقت يكون بعد الظهر
اي ستي بالفعل الاراء تختلف حولها

اقتباس : المشاركة الأصلية كتبت بواسطة دحدح 11

ما شاء الله تقرير خفيف ومنظم

السفر لوحدك ...كيف تأقلمت مع نفسك
ايش الايجابيات والسلبيات وانت لحالك ف غربه للمتعة .؟

بالخصوص السفر لوحدي ماكانت المره الاولى لي هذي ثالث سفره بشكل منفرد والحمدلله كلها كانت ممتعه وناجحه السلبيه الوحيده هي ممكن في بعض الاوقات تحتاج شخص تشارك معه بعض الاشياء لاكن لا اخفيك ان في هذي السفره تعرفت على 8 اشخاص من جنسيات مختلفه ف ماحسيت اني كنت لوحدي ابدا

اقتباس : المشاركة الأصلية كتبت بواسطة Rio Maestro

بما انك لحالك شوف الموضوع هذا :

http://www.arabtrvl.com/vb/t17774.html

تسلم اخوي لو شفتـ موضوعوك وانا هناك كنت مابتردد اني اجربه لاكن انا رجعت من فتره

قصة حبمعجبون بهذا.

The only one · 15-05-2016, 01:25 PM

لنكاوي

الصراحه اجد صعوبه في كتابة اي شي عن هذي الجزيره من الصعب انك تقدر توفيها من الكلام باختصار هي لنكاوي

كانت رحلتي عن طريق طيران آسيا طبعا طيرانهم اقتصادي لاتتوقع الكثير في طياراتهم اهم شي تقول الحمدلله اني وصلت سالم لاغير

الرحله كانتـ بتاريخ 12/4/2016 والرجوع تاريخ 16/4/2016
وقت الرحله الساعه 12 الظهر الوصول الساعه 1
السعر 330 ذهاب وعوده
يعتبر السعر مرتفع بس لاني اخترت اضافة المقعد واللي هو كان اول مقعد في الطايره كبير ومريح مقارنه بالمقاعد الخلفيه الصغيره مع وجبة ساندويتش تندوري كان طعامه حلو

المرافقون : الشباب اللي تعرفتـ عليهم في العاب الصن واي لاجون في واحد منهم قرر يجي معي لنكاوي ف حصلت لي مرافق وهذا احلى مافي السفر منفردا

الحمدلله وصلت لانكاوي الساعه 1 تقريبا
المطار صغير اجرائتهم سلسه جدا مافي تعقيد الجو كان حار مع رطوبه والارض شبه جافه وسمعت من هناك ان اخر ثلاث شهور مطرت بشكل قليل جدا جدا

قبل لا اوصل لنكاوي كنت حاط في بالي استأجر سياره واجرب القياده جهة اليمين قريب المخرج حق المطار في كذا مكتب بس خليكم منتبهين من الاشخاص الواقفين واللي ياجرون روح ع المكاتب افضل وخلوه يعطيكم كشف بالسيارات واسعارهم يكون معتمد استأجرت هذي المزيونه ب 60 رينجت باليوم والحمدلله انها فادتني كثير في تنقلاتي افضل من التكاسي و اوفر

نصيحة للاخوان اللي حابين يروحون لنكاوي بالنسبه لي لنكاوي هي هذا الشاطئ بانتايْ تْشينانغ والشارع اللي خلفه الحياه تستمر فيها للفجر والمطاعم والحركه ماتهدء ابدا وانشطه بحريه وكل شي فيه افضل شي انك تسكن

بعدها توجهتـ لفندق malibest resort * *

نرجع للفندق اللي اخترته بعد ماشفتـ موضوع الاخت ام زياد وفادني كثير في اختيار الفندق وتقريبا صارلي موقف في الحجز نفس اللي صار لها

هذا رابط الفندق للي يبي يحجز فيه
أضغط هنا

الفندق عباره عن 4 فئات

في غرف تكون ع الشارع العام اللي هو مبنى الفندق لا انصح فيها ابدا لان الفندق بدون خدمات تقريبا وسعرها ب 160

وفي اكواخ موجوده ع الشاطئ لاكن ليست مواجهه للشاطئ سعر الليله 170

وفي اكواخ مواجهه للشاطئ من الصعب انك تحصل حجز فيها حاولت قبل السفر احجز ب شهر ونص وكانت فل سعر الليله 200

وفي اكواخ تكون مرتفعه في الاشجار وهي افضل شي بس صعب تحصل حجز سعر الليله 260

المهم اضطريت اني احجز في الكوخ اللي ع الشاطئ لاكن ليس مواجه للشاطئ لمدة ثلاث ايام وتم خصم مبلغ اول ليله وبعد الحجز باسبوع قلت خلني اراسلهم واقولهم اني ابي كوخ بس ع الشاطئ لان في الموقع يعطيني ان مافي حجز متوفر وسبحان الله من حسن حظي ردوا علي وقالوا ان في كوخ موجود ع الشاطئ راح يكون متوفر بس بتدفع الفرق اول ماتوصل قلت موافق على طول رجعوا قالوا يعني ناكد ترقية الحجز قلت لهم اكيد
لاكن هني الصدمه الاولى بعد ماوصلت طبعا مكتب الاستقبال صغير جدا وخارج الفندق تقييمه بالنسبه لي صفر وفي بنتين في الاستقبال قلت لهم عندي حجز شافوا عندهم قالوا حجزك كوخ بس مش على الشاطئ قلت صح لاكن انا ارسلت لكم وقلت لكم ابي ارقي الحجز وفي حد رد علي ان عندكم كوخ على الشاطئ لاكن بسريرين منفردين وقلت لها تم ماعندي مشكله بعدها قالوا لي لا ماصار هذا الكلام واصلا مافي اكواخ ع الشاطئ فاضيه هههههه هني الصدمه تميت ناشب لهم والمشكله ان الايميل عندي فل وحاولت اطلع الايميل اللي هم ارسلوه وماحصلته قالت لي خلاص شو رايك تروح تشوف الغرفه اللي انت اصلا حاجزها وانا هني ماسك اعصابي قلت يالله بروح اشوف رحت شفت كانت حلوه بس مش ع البحر
رجعت لهم قلت لا ماعجبتني وانا مش متحرك من هني الا لين ماتعطوني الكوخ اللي ع البحر قالت بس هذا حجزك انا هني بنجلط قلت لها خلاص تمام انا بطلع الايميل اللي انتم ارسلتوه وابيك تطلعون الشخص اللي ارسلي اياه والحمدلله اني حصلت الايميل ووريتهم قلت يالله انا ابي هالشخص يجيني الحين طلعت مالهم المديره او المشرفه مدري عنها المهم الحمدلله انهم دخلوا عندها وشوي اللا يجون ويعطوني المفتاح ويقولون يالله توكل هههههه

طبعا بعد مادخلت الغرفه وشفتـ هذا المنظر زال كل التعب والعصبيه اللي كنت كاتمها

تخيل يوميا تقوم على هذا المنظر

المهم اني حطيتـ اغراضي ورتبتـ نفسي وكنت حاط جدول في هذا اليوم اني اروح جبل Gunung Raya

المنظر في الصعود كان جدا جميل والاجواء بارده بس نصيحه للي يبي يشوف لكناوي بشكل كامل لايصعد لين القمه لانك ماراح تشوف شي من هناك في منطقه معينه تقدر تشوف فيها هذا المنظر لان في البدايه انا صعدت لين القمه لاكن ماشفت شي وتحطمت وبعدها وانا نازل شفت مجموعة سياح واقفين على جنب ويصورون ووقفت والحمدلله شفت كل شي

المهم هني صور اكثر وتعليقات اكثر من موقع tripadvisor

أضغط هنا

وفي المغرب رحتـ العاصمه كواه وشفت ميدان النسر

ليست من تصويري ..،

وبعدها مول قريب منه Langkawi Fair Shopping Mall

ان شاء الله الرد القادم بيكون عن ثاني يوم في لانكاوي ورحلة الجزر الثلاث واشياء اخرى

A.Alsubhi, بو عبدالله, himzmz و 1 آخرون معجبون بهذا.

Lover121 · 15-05-2016, 08:13 PM

تقرير رائع وصور مميزة

تسلم أياديك

قصة حبمعجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
بدون انترنت - لانظمة ( IOS و Android ) تطبيق خرائط نوكيا "HERE"	هوايا شمالي	بوابة تركيا	71	07-10-2018 10:39 AM
عربات "التكتك" الهندية تجوب شوارع "العروس"	أبوعبدالله (الاسفار )	بوابة السعودية	20	06-04-2017 10:22 AM
كيف تستخدم خرائط جوجل "google maps" بدون إنترنت على هاتفك الذكي !	احمد الحربي	البوابة السياحية	34	07-02-2017 12:13 AM
بدون انترنت - لانظمة ( IOS و Android ) تطبيق خرائط نوكيا "HERE"	هوايا شمالي	تأجير السيارات	14	08-04-2015 10:04 PM
إزالة شعار "سبان" واستبدالها بشعار "مدى" في بطاقات الصراف السعودية	عليـ الحربيـ	عام	11	21-03-2015 01:04 PM