الف مبروك لك عريسنا وبالرفاه والبنين
وبالتوفيق الرحله باذن الله

اقتراحي

2 ليله سيلانجور فندق براميد صنواي

تتفق مع سواق الى ايبوه 3 ساعات بالسياره

2 ليله ايبوه بست ويستيرن بريمير ذا هافن إبوه
http://www.booking.com/hotel/my/the-...=total;ucfs=1&



منتجع ذا بانجاران هوت سبرنغز

http://www.booking.com/hotel/my/the-...=total;ucfs=1&

سبب ترشيحي لها :
1- زيارتك لللانكاوي وسنغافوره راح تغنيك عن بينانج الحياه والصخب في سنغافره والبحر في لانكاوي واحس قليل علىيها 2 يوم
2- جنتينج ماتتحمل تسكن فيها خصوصا ان الملاهي الخارجيه مابعد تفتح يكفيها تخصص لها يوم من ايام كوالمبور وتزورها وترجع بنفس اليوم
3- ابيوه جوها جميل وهادي احس تحتاج يومين هاديه مع العروسه خصوصن المناطق الثانيه فيها حركه وصخب وفعاليات في ايبوه يكفيك تسكن في منتجع

بالطيراره من مطار السلطان أزلان شاه في ايبوه الرى سنغافوره الخطوط اللي تطير من المطار الماليزيه وفير فلاي

4 ايام سنغافورا لاتنسى الفيزا ماعندي خلفيه عن السكن فيها

بالطياره الى لانكاوي
4 ايام حسب ميزانيتك برشح لك فندق فيلا هوليدي اقتصادي وعلى البحر او فندق ايديا اقتصادي لكن يعيبه ان ماله شاطي ولا اطلاله افضل تسكن عل البحر واذا رفعت ميزانيتك اسكن في فندق برجايا
بالطياره الى كوالمبور
5 ايام كولالمبور فنادقها كثيره واسعارها زينه منها امبينا وترايديز وحياة جراند وشولان وغيرهم



الميزانيه
المصروف اليومي :
17 يوم *500 ريال = 8500 ريال تزيد او تنقص حسب الفعاليات اللي بتشارك فيها بتكفيك ان شاء الله
الطيران الدولي للشخصين :ا
الخطوط السعوديه دايركت من جده الاسعار نار توصل للشخصين 9030 لان هي دايركت لكن
عندك خطوط في بيمان وترانزيت طوييل في بنجلادش بسعر 5350 ريال للشخصين وقت الرحله مع الترنزيت 26 ساعه
وفي على الخطوط الاتحاد وترنزيت ابوظبي7000 ريال ووقت الرحله مع الترنزيت 12 ساعه
البحث كان من تاريخ 9-7 الى 26-7
على موفع سكاي سكنر
انت متاخر جدا بالحجز لكن كل ماتستعجل افضل لان الاسعار ترتفع بشكل يومي دائما ننصح الحجز قبل السفر اقل شي 4شهور او 3 شهور خصوصا بالاجازه الصيفيه ممكن اذا غيرت التواريخ وبحثت بتواريخ مرنه تلقى عرض او فرصه بسعر ارخص لكن استعجل

الطيران الداخلي لشخصين :
كوالمبور الى ابيوه سياره خاصه مع سائق في حدود 300 رينجيت سعر تقريبي
ايبوه الى سنغافوره 330 رينجت تقريبا على خطوط فير فلاي وعلى الخطوط الماليزيه 550 رينجيت مع الضرايب
سنغافوره الى لانكاوي 140 رينجيت طيران اير اسيا
لانكاوي الى كوالمبور 290 رينجيت طيران اير اسيا

تقريبا الطيران الداخلي مع المواصلات بين المدن = 1600 رينجيت


بكذا تقريبا المصروف والتذاكر الدوليه والداخليه = 8500 +7000+1600= 17100 ريال

البقي للفنادق
25000- 17100= 7900 ريال اختار الفنادق حسب هذي الميزانيه واذا رفعتاها شوي حتى تقدر تختار فنادق افضل وتدلع العروس شوي




بالتوفيق