الرحلة الشبابية للاراضي التركية - الصفحة 3

فيصل · 15-05-2016, 09:53 AM

اسعد الله صباحك أخي عادل
بدايه رائعه
وخليها يا باشا تقرير بتفاصيله
أعتقد حجزك مبكرا ومصادفته للعروض علي رحلات الطيران
أسعار السكن رائعه مشكله الشمال هي الحجز بالصيف فقط
بليغ وما أدراك من هو بليغ من أفضل ما شاء الله الحسابات في الانستغرام عن الشمال التركي وتركيا رحاله متميز وصادق ورائع ونصيح
أفا يا قوقل وش فيه ما بيض الوججهه معاكم هل استخدم التنقل بدون نت
نطمح للمزيد عادل

الايمان, توبليرون, قصة حب و 1 آخرون معجبون بهذا.

الايمان · 15-05-2016, 10:15 AM

بدايه قويه يا عادل
اكيد نبي تقرير مفصل اخذ راحتك
الاماكن اللي متبتها كلها جديده بالنسبة لي
اكيد راح نستفيد من معلوماتك

توبليرون, قصة حب و MOBARKI معجبون بهذا.

Gunner10 · 15-05-2016, 02:15 PM

اقتباس : المشاركة الأصلية كتبت بواسطة فيصل

اسعد الله صباحك أخي عادل
بدايه رائعه
وخليها يا باشا تقرير بتفاصيله
أعتقد حجزك مبكرا ومصادفته للعروض علي رحلات الطيران
أسعار السكن رائعه مشكله الشمال هي الحجز بالصيف فقط
بليغ وما أدراك من هو بليغ من أفضل ما شاء الله الحسابات في الانستغرام عن الشمال التركي وتركيا رحاله متميز وصادق ورائع ونصيح
أفا يا قوقل وش فيه ما بيض الوججهه معاكم هل استخدم التنقل بدون نت
نطمح للمزيد عادل

اي نعم هو بليغ افضل حساب بالشمال التركي اشوفه معلومات ونصايح ورجل طيب ويساعد الكل

قوقل ماب ما قصر بس كان فيه بعض الاخطاء بالطريق

ان شاء الله قاعد اكتب الجزء الثاني من التقرير ترقبوا

فيصل و توبليرون معجبون بهذا.

hazim b · 15-05-2016, 06:08 PM

اقتباس : المشاركة الأصلية كتبت بواسطة Gunner10

متأكد 100 % بس ترى الاسعار اتجاه واحد فقط

افضل ما بالجزء الاول هو هذي الرقمين 40 و 60 ليرة تخليك متحمس من تشوف هذه الأسعار الرخيصة.

توبليرون و قصة حب معجبون بهذا.

كتكات783 · 16-05-2016, 02:20 AM

أهلاً حبيبنا عادل ..

الحمد لله ع السلامة .. الحين دائماً ردودك على الاستفسارات تكون بالتفصيل الدقيق

وتقريرك الشامل لكل محطات تركيا ( ماشاء الله عليك ) ماتكون بالتفاصيل .. هذه صدمة

المقدمة جميلة جداً أبدعت كثيراً بتفاصيلها ..

وأتفق مع الجميع .. أكتب الأجزاء عندما تشعر بدافعية ومزاج للكتابة ..

مثلك ينطق ذهباً ... فلا نريد الاستعجال وتفويت الجزئيات ..

بانتظارك ...

فيصل, توبليرون و قصة حب معجبون بهذا.

Gunner10 · 16-05-2016, 09:41 PM

قبل البداية في الجزء الثاني ابي اقولكم سالفة صارت باخر يوم دوام هو الخميس 21 ابريل صحيت الصبح مريض قلت باجر مسافر اشلون تحملت ورحت الدوام والحمدالله خلصت وانا راجع البيت كنت واقف عن اشارة ضوئية فجأة وقفت السيارة اشغلها ما تشتغل وقفلي واحد جزاه الله خير وسحبنا السيارة على جانب الطريق واتصلت على اخوي عشان يجيب معاه ميكانيكي وصل الميكانيكي وفحص السيارة وقالي ان المكينه خربانه وتحتاج تبديل او تصليح وراح تكلف عليك اكثر من 4000 ليرة ، صدمة باخر يوم دوام وباجر مسافر ومريض وتعبان فقلت خلاص اخلي السيارة من ارجع ويصير خير .

-

-

-

اليوم الاول التاريخ 23 ابريل 2016

-

-

-

المهم صرت اعد الدقايق على السفر الحمدالله صار وقت السفر وتوجهت للمطار يوم الجمعة الساعة 12 ليلا وبعد دقائق حضروا اصحابي ورحنا دخلنا العفش وختمنا خروج وتوجهنا لصالة الماستر كارد ويقدر اي احد يدلخها مقابل رسوم بس الي عنده بطاقة ماستر كارد المميزه يدخلها دون مقابل ، تحتوي الصالة على بوفيه مأكولات خفيفة مع مشروبات والمقاعد تحتوي على منفذ USB للشحن .

-

-

-

دخول صالة انتظار ماستر كارد (مطار الكويت)

-

-

-

-

-

-

-

-

-

وبعد ساعة تقريبا توجهنا للبوابة وصعدنا الطائرة والحمدالله كانت الطائرة فاضية تقريبا كل واحد اخذ 3 كراسي وحاولنا النوم لبعض الوقت ، وصلنا مطار صبيحة الساعة 6.30 تقريبا وبعد الدخول وستلام العفش توجهنا لكاونتر طيران بقاسوس ونزلنا العفش لرحلة طرابزون الساعة 9.50 دقيقة تاخرت الرحلة يمكن نص ساعة ثم توجهنا لشركة ترك سيل لشراء خط بس للاسف السيستم كان واقف عندهم وقالوا بعد ساعة يفتح بعدها فطرنا في مادو ثم توجهنا للبوابة وكانت الطائرة فل ما فيها مكان فاضي والكراسي كانت ضيقة وبعد ساعة ونصف تقريبا وصلنا طرابزون .

-

-

-

-

وتوجهنا لمكاتب تأجير السيارات وللاسف ما حصلت سيارة اوتماتك الا عند شركة esas وضطررنا ناخذ السيارة من عندهم مقابل 160 ليرة (النوع اوبل) مكاتب افيس وباجيت كانوا لا يملكون الا سيارة بي ام دبليو وكان سعرهم اكثر من 250 ليرة ، بعد استلام السيارة سألنا عن اقرب مكان يبيع ترك سيل قالوا قرية اوف ، انا كنت اعرف ان مجمع فورم قريب منا فسألت قالوا تاخذ يمين المطار وفعلا شفت المجمع وبعد عدة محاولات للدخول نجحنا وبعدها توجها لشركة ترك سيل واخذنا شريحة مع انترنت (8 جيجا) مع مكالمات (30 ليرة ) مقابل 150 ليرة الحمدالله الانترنت كفى لمدة سفرنا بس الشي الي مستغرب منه ان الـ 4 جي ما اتشغل بعدها صلينا وتغدينا.

-

-

-

-

ثم توجنها للساحرة للفاتنة شنو اقول ما اوفيها حقها انها اوزنجول يا سادة

-

-

-

-

-

كان باستقبالنا

-

-

-

بعد الوصول ذهبنا لعدة فنادق حتى ووقع اختيارنا على فندق اوزكان مقابل 125 ليرة للغرفة لليلة الواحدة وحجزنا ليلتان فقط ، بعد استلام الغرف الحمدالله ارتحنا وغيرنا ملابسنا وبعد ساعتين نزلنا تحت نتفقد المنطقة حتى المغرب وهنا وبعد ان اصبح الجو بارد اشتد علي المرض ورجعت ارتاح للغرفة والساعة 10 تقريبا رحنا مطعم دوقا تعشنا ومن هنا بدأت رحلتي مع المشويات والكباب.

-

-

-

الجهة المقابلة للفندق

-

-

-

يوم السبت والاحد يتواجد الكثير من الاتراك لتقضية اجازة نهاية الاسبوع في اوزنجول

-

-

-

الفندق من الخارج وتبدو سيارتنا (اول سيارة يمين)

-

-

-

الفندق من الخارج

-

-

-

الفندق من الخارج

-

-

-

الاستقبال

-

-

-

الاستقبال

ولمشاهدة صور الغرفة تقدرون من خلال الرابط في الصفحة الاولى

-

-

-

-

-

خلال استكشافنا للمنظقة قبل الغروب

-

-

-

-

-

-

-

-

-

-

-

-

-

-

-

-

-

-

-

-

-

-

-

-

-

-

-

ان شاء الله بالجزء القادم فيه صور احلى واجمل ترقبوها

واذا فيه اي ملاحظه ياريت بس تذكرونها عشان اقدر اعدلها

كل الود

q8ya metnaqla, احمد الحربي, فيصل و 9 آخرون معجبون بهذا.

سامي 224 · 16-05-2016, 10:29 PM

وراح تكلف عليك اكثر من 4000 ليرة ، صدمة باخر يوم دوام وباجر مسافر ومريض وتعبان.

.....

الحمد لله على سلامتك من المرض

عندي ملاحظتان شلون في الكويت وتتعاملون بالليره ؟!!!

ثانياً ليي ماغطيت رقم لوحه سيارتكم ؟؟؟

فيصل و توبليرون معجبون بهذا.

ماجد الفهد · 17-05-2016, 08:35 AM

.
.

الحمد لله على السلامة ،،،

عشان هيك حبيب ألبي

أنادي باعلى صوتي

http://www.arabtrvl.com/vb/t11639.html

لا ترخص عليك ،،،

توصل مطار أتاتورك ولا صبيحة وحاليا طرابزون

تحصل واحد معاه لوحة بإسمك والنت شغال

لا تسجيل ولا زحمة ولا سيستم عطلان

رقم 2 ،،،

الشركة اللي أخذت منها السيارة ، سمعتها مو ذاك الزود ،،،

عشان كذا ، مع رينتال كارز ، الواحد يحجز بدري من شركة محترمة ويريح نفسه ،،،

والسعر تقريبا متقارب ،،،

انا أتنازل عن حجز السكن ، ودايما أخليه على عيني ، لكن السيارة لا

ثالثا ،،،

بشر عن سيارتك ؟ مرة ضاق صدري ، إفتتاحية مش حلوة للموضوع ،،

كل ما حاولت أركز في موضوعك تذكرت سيارتك ورحمتك بصراحة ،،،

أخيرا

هالحبيب والطيب هذا وش يبي ؟

اقتباس : المشاركة الأصلية كتبت بواسطة سامي 224

ثانياً ليي ماغطيت رقم لوحه سيارتكم ؟؟؟

ههههه

جد سامي

وش السالفة ؟ ليه يغطي رقم اللوحة ؟

توبليرون و ليمونه حزينه معجبون بهذا.

Gunner10 · 17-05-2016, 09:09 AM

اقتباس : المشاركة الأصلية كتبت بواسطة سامي 224

الحمد لله على سلامتك من المرض

عندي ملاحظتان شلون في الكويت وتتعاملون بالليره ؟!!!

ثانياً ليي ماغطيت رقم لوحه سيارتكم ؟؟؟

الله يسلمك اخوي سامي

ما نتعامل بالليرة بس انا كتبت بالجزء الاول راح اذكر الاسعار بالليرة التركية لمعرفتها بسهولة

الـ 4000 ليرة تقريبا 370 دينار كويتي

ليش اغطي رقم السيارة فيها ضرر ؟

فيصل, الايمان, توبليرون و 1 آخرون معجبون بهذا.

Gunner10 · 17-05-2016, 09:19 AM

شركة اخوي ماجد الفهد انا كان ودي اخذ المودم بس قلت الشباب ما راح يكونون معاي طول الرحلة وراح نتوهق بالنت قلت افضل كل واحد يشتري شريحه

شركة تاجير السيارات كا فيه واحد مشهور متعامل معاها وقلت خلاص خلني اجربها لاني توهقت بس التأمين قعد معاهم لمدة 10 ايام عيشوني برعب لدرجة قلت خلاص انسرقنا الحمدالله رجعوا التأمين بس من شفت التعامل مع شركة يوروكار حسيت بفرق التعامل الاخترافي

السيارة امس استلمتها الحمدالله

اخوي ماجد الظاهر سامي يعرف شي احنا ما نعرفه عن ارقام السيارات ؟

توبليرونمعجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
مطعم البيت التركية	مسقط الخير	بوابة سلطنة عمان	9	20-07-2016 12:37 AM
رحلتنا للاراضي الفرنسية وبالتحديد الى حديقة القرود ثم الى كولمار	مقدام	بوابة فرنسا	15	10-11-2015 11:25 AM