السلام عليكم ورحمة الله وبركاته

اول شي قبل لا ابدا تقريري.. اريد اششكر كل عضو ساعدني وجاوب
على استفساراتي في هالقسم ماكنت متوقع اني راح استفيد من كل كلمه
قلتوها لي جزاكم الله خيير .. ويالله ماراح اطول فالقرقره عشان ماتملون

وببدأ تقررير رحلتي الجميلة واللي اتمنى اني اعيد زيارتها قريبا ان شاءالله ..


اولا انا قعدت في ماليزيا من تاريخ 27-4 الى 8-5 يعني تقريبا 10 ايام
وثانيا هذي معلومات عن خط سير الرحلة .. كالاتي:-
من أبوظبي الى قطر وترانزيت ثلاث ساعات
بصراحه مرت بسرعه ماحسينا فيها ورحنا قعدنا في كوفي



ثم السفر الى الحب ماليزياا

http://d.top4top.net/m_1352dud0.mov

وهنا استقبلتنا ماليزيا بالمططر ماشاءالله




وهذا السائق المحترم عبدالرحمن خذت رقمه من ملف الارقام الموجود واشكر اخت دينا على طرحها رقمه




وهنا الفندق الاسطوري الاكثر من رائع صن واي ريزورت












وهذا الافطار طبعا انا حجزي كان في الغرفة الكلوب
وهذا مطعم خاص فقط ف جناح الكلوب




بصراحه الفطور ممتاز جدا بالنسبه لنا كـ مسلمين بس مافيه تنوع
مثل البوفيه العادي حق الفندق كان فيه خيارات اكثر

بعد ماخلصنا الفطور وريحنا شوي دقينا على عبدالرحمن عشان يودينا جنتنج
وكانت مدة الطريق تقريبا ساعه ونص ماحسينا فيها بصراحه لانه قعدنا نشوف المناظر والخضار فالطريق


ووصلنا اول شي حديقة الفراوولة والزهور وهذي بعض الصصور












طبعا في قسم الفراولة بتحصلون كشك يبيع مربى وعصير الفراوله وتذكارات
وهناك تقدرك بنفسك تاخذ سله وتقطف الفراوله بنفسك وعلى حسب الوزن راح تدفع ثمن الفرراوله


والحين قسم الزهور

هالورود اهداء للاعضاء اللي ساعدوني في سفرتي جزاهم الله خيرر
















وخلصنا من جولتنا في حديقة الفراوله والزهور

بعدها ذهبنا الى التلفريكك في جنتنج
الجو كان جدا جمييل وبارد شووي في جنتنج







سبحان الله بصراحه الشعور وانت فوووق وبين الغيوم شي ثاني








وبعدها رحنا تمشينا شوي فالمول حقهم وقعدنا في كوفي ولعبنا شوي في الالعاب الداخليه
اللي موجوده في المول واغلبها زي التحديات وتناسب الاطفال




وبعدها رجعنا الى سيلانجور ونحن في طريقنا شفنا هالحلوو وقالي اسلم عليكم











هههههه

وهنا عبدالرحمن قرر ينزل ويعطيهم شوي خبز




وبس هذا التقرير البسيط اللي قدرت اكتبه الحين وان شاءالله لي تكملة بكرا اذا سمحت الظروف

وياليت لو في اي خطاء او كانت الصور غير واضحه اللي يقدر يصلحها يسويها

واتمنى يعجبكم التقرير ترا اول مره اكتب هالله هالله فالردود


ولا تروحون بعيييد واييد

الحمد لله على سلامتكم

ماشاء الله أول ماوصلت بدأت فعاليات ما ريحت شويه من تعب السفر ؟

عجبتني جنتنق فتحوها كانل ولا بس التلفريك

بدايه جميله كأول تقرير استمر متااابعين معك ...

ما شاء الله

هالفترة المواضيع تهطل علينا:
حديقة الزهور والفواكه تستاهل الواحد يزورها؟

استمر ي كبتن

ما شاء الله الحمد لله على السلامة وننتظر بقية التقرير يا مبدع

وعليكم السلام ورحمة الله وبركاتة

تبارك الرحمن تقرير رائع كبداية , واصل فنحنُ مُتابعين معاك