السلام عليكم و رحمة الله وبركاتة

عضو جديد و عاوز استفيد بقي من خبراتكم في السفر و بالاخص تايلاند

انا عاوز اعمل بلان لرحلة ليا انا و زوجتي لمدة اسبوع في تايلاند في شهر ديسمبر القادم دة هيكون عيد جوازنا للاول

الرحلة هتبقي اسبوع في تايلاند و اسبوع في ماليزيا

علشان كدة عملت موضوعين واحد في قسم ماليزيا و واحد في قسم تايلاند

و علشان هنا بقي قسم تايلاند خلينا نتكلم عن تايلاند بس

عاوز منكم مساعدة في عمل برنامج لمدة اسبوع يكون فية
اولا : الطبيعة جزر و شلالات و لو فية غطس يبقي حلو قوي

وثانيا : معالم سياحية الخاصة بيها البلد و تكون حلوة و الناس مجربها

عاوز جو بين الرومانسية و الاستراخاء و مش عاوز افوت اني ازور اشهر المعالم هناك


ياريت اي نصايح عن اغير عملة منين المطار او من الشوارع هناك او صرافة

احسن شركة اتصالات هناك علشان خط داتا

انا مصري مقيم في المملكة العربية السعودية

هل فية تاشيرة لو انا مسافر من السعودية لماليزيا

سمعت انو بلاش استخدام الماستر كارد او الفيزا هناك علشان السرقة و كدة و مفروض اني اعمل كارت مدوفع مسبقا ! هل حد عندوا خلفية عن كدة ؟!

اخيرا اكيد انا مش هعمل موضوع و بس انا هحاول اقري كتير في المنتدي علشان استفيد من خبراتكم

شكرا مقدما