بخصوص الأماكن الحيويه والي يكون فيها تجمعات وفعاليات وعروض فهي كثيره
وراح اذكر ابرزها حسب ماشفت

بخصوص حفلات الزفاف فاليابانين يختلفون ب احتفالاتهم
بعضهم بالكنائس والاخر بالمعابد
وانا صادفت وشفت عرس تقليدي عند زيارتي لأحد المعابد

راح اضع بين يديك قائمه ب اكثر الأماكن شعبيه ب طوكيو واوساكا
من حدائق ومعابد ومناطق الخ

وان شاء الله يجي مشرفنا Prince Kytu ويفيدك اكثر فهو الخبير


الأماكن السياحيه كثيره جدا ف حاولت احصر لك اكثر الأماكن الي لاحظت فيها زحمه وتجمعات
ونصيحتي انك تشوفها وتزورها جميعا , رتبتها لك حسب الأهميه


طوكيو


Shibuya
منطقه شيبويا اشهر منطقه ب طوكيو بأختصار القلب النابض وفيها ازحم تقاطع بالعالم
Asakusa
المنطقه التاريخيه الشهيره هي اهم مكان سياحي في طوكيو بنظري ولازم تزورها
Ueno Park
حديقه بالقرب من منطقه Asakusa وتقع بجانبها كذالك حديقه الحيوانات
Yoyogi Park
حديقه
Meiji Jingu Shrine Shibuya
اشهر الضرائح ب طوكيو ويقع بداخل حديقه Yoyogi ( شاهدت في هذا الضريح زفاف تقليدي )
Akihabara‬
ثاني اشهر منطقه في طوكيو تسمى ب مدينه الألكترونيات والأنمي
Harajuku
منطقه التسوق الشهيره
Ginza
منطقه الماركات العالميه , مثل فكره شارع اورتشاد الماركات في مكان واحد



اوساكا

‪Dotonbori‬ Namibia
اشهر منطقه في اوساكا
Tenjinbashi-suji Shopping Street
افضل شارع للسياح من حيث التسوق كلها محلات تقليديه وتذكاريه يقع بالقرب من المنطقه الي ذكرتها لك فوق
Tsurumi Ryokuchi Park
اكبر حديقه ب اوساكا وسبق واحتضنت معرض اكسبو
جميله جدا وكبيره تحتاج اكثر من ساعتين , صادف زيارتي لها وجود سيرك
Osaka Castle
قلعه اوساكا

آخر مواضيع ملللوك

- |[ دليل الأماكن السياحية للمسافرون إلى سنغافورة ]| - 2017 - رحلتي الى اليابان - May - 2016 " احببتك أم عشقتك لست أدرى !؟ " - استفسارات عامه عن اليابان ( طوكيو & اوساكا ) - صور من زيارتي ل سنغافورة [ الملقبه ب سويسرا اسيا ] .. - تجربتي وانطباعي بعد العوده من سنغافورة ( رحله لمده 6 ايام )

توقيع : ملللوك

سبحان الله وبحمده , سبحان الله العظيم

---

التعديل الأخير تم بواسطة ملللوك ; 02-06-2017 الساعة 03:55 AM

كثر الله خيركم جميع .. طيب باقي الحين السؤال الأهم ..بخصوص المدن الترفيهية ، نظام تذاكرها غريب صراحة مافهمته ؟! يعني لا هو النظام اللي اخذ الأكسترا باس لكل الألعاب .. وفي اللي أحجزها كل أبو ساعتين .. مافهمتها ... .. فلو تكرمتوا ليت تشرحوا لي بالتفصيل كيف نظام التذاكر .. مثلاً دزني لاند، من فين أشتري التذاكر ؟ وكيف نظام الفاست باس أو الإكسترا باس ؟ وهل في حجز مسبق لها ؟؟ وبكم اصلاً ... اليونفيرسال استديو برضه .. من فين اشتريها تذاكر الفاست باس ؟ لأن شفت سائحة كويتية لما جات تشتريها من عند البوابة قالوا لها مخلصة !!! كيف نظام تذكرة الإكسترا لـ ٧ ألعاب أو اربعة ؟! هل أنا احددها ؟؟ .. هل ينفع اشتريها عن طريق النت ؟؟،، ماعليش اسئلتي كثيرة

ماشاء الله لاقوة إلا بالله . شكراً كثيرا على المعلومات . طيب يعني الحين اللي فهمته إن الإكسترا باس لها الألعاب بمسمياتها و نوعها محددة ، يعني مثلاً أنا ماودي أركب قطارات الموت وهذه القروشة ودي استبدلها بشيء ثاني ، أقدر اغيرها ؟! ولا سعرها في البطاقة الوحدة بيروح علي ؟! أقدر اختار سبعة ألعاب للبطاقة الوحدة للكسترا باس ٧ ؟ .... طيب بخصوص المواصلات ، خلاصة الكلام فيها كله إن أنا احتاج ثلاث بطاقات مختلفة ، الأولى ساويكا ( تجمع لي بين انها بطاقة شحن .. بطاقة صراف وبطاقة نقل عام بين ( المترو - الباصات ) ) .. أحتاجها أكثر شيء في باصات الأماكن السياحية يتخيل لي ، البطاقة الثانية اللي هي بطاقات المترو ليوم كامل أخذها من محلات البيق كاميرا ، تنقلات لامحدودة بين محطات المترو تنتهي بإنتهاء اليوم ... و البطاقة الثالثة jr باس .. هذه للتنقلات بين المدن ... تمام كذا علي ؟؟! أو في إلتباس باللي فهمته أو ممكن أختصر الهرجة كلها بشيء معين ...... بعد سؤال كيف محطة JR Namba ... لقيت شقة حولها ب ٦ دقايق .. ممتاز ؟؟

السلام عليكم ، .. أنا مرتب أن أول وصولي ع طوكيو وبجلس فيها أسبوع من الرحلة .. هل ينفع بعد الأسبوع أطلع يوم على جبل فوجي مع المبيت في المنطقة ، ومن ثاني نهار أخذ قطار الطلقة وأمشي على أوساكا ؟؟ .. بشوف ينفع إن أرتب الجدول بحيث يكون يوم 9/7 أخرج من طوكيو على جبل فوجي .. مبيت في جبل فوجي ... 10/7 قطار الطلقة إلى أوساكا .. ..، بحيث إن أفعل jr باس من يوم ٩ جولاي ..