-][ للإستفسارات وإجابات الأسئلة الشائعة ][- - الصفحة 17

خميس · 07-04-2018, 11:00 PM

السلام عليكم
محتار في توزيع الأيام. مدة الرحلة 3 أسابيع و مطار الوصول أوساكا و الرجعة طوكيو شو أفضل توزيع للأيام و كم ليلة في كل مكان. و مشكورين مقدما

Prince Kytuمعجبون بهذا.

Prince Kytu · 08-04-2018, 01:34 PM

خميس
وعليكم السلام
بحط لكم أبرز المناطق وأنت اختار منها كم وحدة تبي تسكن فيها (يعني كم فندق) وأنا أنسق لك الجدول حسب اختياراتك
مع العلم إن Kyoto و Kobe تقدر تزورهم من أوساكا وترجع بنفس اليوم لأنهم قراب ، لكن حطيتهم لك إذا كان ودك تسكن فيهم

Osaka
Hiroshima
Huis Ten Bosch
Okayama
Nagoya
Tokyo
Kyoto
Fuji
Sapporo
Fukuoka
Kobe

خميس · 09-04-2018, 02:24 PM

حياك الله مشرفنا و تسلم عالرد ما قصرت.... الصراحة خيارات كثيرة بس أقول 4 أو 5 مناطق بتكفي مع العلم السفرة بتكون في نهاية شهر 7 و بنكون عائلة مكونة من 2 كبار و 2 صغار "3 سنوات و 6 سنوات". شو اقتراحك يا مشرفنا ؟؟

Prince Kytuمعجبون بهذا.

Prince Kytu · 10-04-2018, 04:29 PM

خميس
أقترح عليك

Osaka
Nagoya
Sapporo
Tokyo

* من Nagoya إلى Sapporo طيران داخلي
* من Sapporo إلى Tokyo طيران داخلي
وموضوع الحقائب إما تشحنهم إلى طوكيو على بتاريخ وصولك هناك
وتاخذ إلي تحتاجه حق يومين في سابورو أو تاخذ الحقائب معاك

Osaka
5 ليالي
Nagoya
3 أو 4 ليالي
Sapporo
2 ليلتين
Tokyo
7 ليالي أو أكثر

بالنسبة لـ Osaka
- تقدر تخلي يومين تروح وترجع بنفس اليوم حق Kyoto ومعاهم Nara
- يوم حق Kobe وترجع بنفس اليوم
- نص يوم حق قلعة Himeji وترجع بنفس اليوم وتقدر تضيف مكان ثاني
- يوم حق Universal
- اليوم رابع حسب اختيارك في حديقة وفي أكواريوم ومنطقة السوق في نامبا وحديقة حيوانات Tennoji ومحطة Osaka نفسها عبارة عن مجمعات وسوق وبجانبها مجمع الإلكترونيات Yodobashi

بالنسبة حق Nagoya
- عرض دلافين في الأكواريوم
- مدينة ترفيهية
- حديقة وقلعة
- متحف تويوتا أو متحف القطارات
- وتقدر تزور أحد القرى

بالنسبة حق Sapporo
- صعود التلفريك بجبل Moiwa
- الدون تاون في Susukino
- مصنع الشوكولاته
- حديقة ومتحف الساعة
- مجمع Sapporo Factory

عاد طوكيو فيها وايد أشياء صعب أحدد لك ولكن تلقى أهم الأماكن كاتبهم بالتقرير الشامل اختار إلي يناسبك منها

خميس · 11-04-2018, 10:44 PM

الله يجزيك خير مشرفنا Prince Kytu ما قصرت..... حسب المخطط شو رايك هل راح أحتاج JRP أو أكتفي بالمترو و القطارات العادية.... و مشكور مقدما

Prince Kytuمعجبون بهذا.

Prince Kytu · 13-04-2018, 07:06 PM

تحتاج JR Pass يغطي من يوم خروجك من أوساكا إلى وصولك إلى طوكيو
بإعتبار المدينة الأولى أوساكا والأخيرة طوكيو
* لكن إذا بتروح سابورو من ناغويا وترجع من سابورو إلى طوكيو
اعتقد ما تحتاج بهذي الحالة لأنك راح تستخدم الطائرة مو القطار
* بالمناسبة أغلب الطيران الداخلي يكون من غير حقائب أو تقدر تضيف بمبلغ معين
وعندك طريقة ثانية وهو خدمة نقل الحقائب يفيدك فيها الفندق تقريبا الحقيبة الوحدة 2500 ين وياخذ النقل يوم او اثنين

خميس · 14-04-2018, 04:38 AM

تسلم مشرفنا البرنس عالرد ما قصرت
المخطط بيكون كالتالي: استخدام القطارات في أوساكا لمدة 5 ليالي بعدها الذهاب لناغويا بالقطار و المبيت 4 ليالي...... بعدها السفر بالطائرة لسابورو حيث إن المسافة بعيدة جدا بالقطار "11 ساعة تقريبا" و المبيت 3 ليالي و استخدام القطار......السفر بالطائرة لطوكيو و المبيت 9 ليالي و استخدام القطارات. تكلفة تذاكر الطيران مع وزن 30 كجم طلعت تقريبا 100340 ين ياباني. شو رايك مشرفنا فالمخطط الحين ؟؟ ما أتوقع راح أحتاج الباس و لا شو رايك البرنس

Prince Kytuمعجبون بهذا.

Prince Kytu · 14-04-2018, 03:50 PM

خميس
تخطيط ممتاز والله يوفقك
بالنسبة للباس ما تحتاجه حسب هذا المخطط إلا إذا عندك طلعات خارجية كثيرة من مكان اقامتك
(كيوتو وكوبي ونارا وهيميجي ما يكلفون وايد إذا بتزورهم)
- في طوكيو عندك عدد أيام كافيه تستكشف فيها المدينة ولا تنسى تخصص يوم حق Odaiba
وإذا عندك أي استفسار آخر أنا حاضر

خميس · 15-04-2018, 01:12 PM

الله يجزيك خير مشرفنا البرنس ما قصرت كفيت و وفيت

Prince Kytuمعجبون بهذا.

Sajjad S · 05-06-2018, 08:22 AM

السلام عليكم , رحلتي 9 أيام تقريبا وناوي أوزعها بين أوساكا و طوكيو ويوم ذهاب وعودة لكيوتو
لكن محتار أيهم أفضل للقطار من أوساكا لطوكيو
أشتري JR pass أو أشتري تذاكر هناك ؟
و مو قادر أفهم JR pass شنو تغطي يعني هل تشمل رحلتي من أوساكا لكيوتو أيضا ؟
و لما أوصل مطار كانساي هل يحتاج JR pass للوصول لأوساكا ؟

Prince Kytuمعجبون بهذا.