يسعد صباحك أخوي البرنس .. أزعجناك بالأسئله

ايش نسوي عاد انا خبير اليابان وانت كريم

سؤالي عن مغاسل الملابس الالكترونيه الخدمه الذاتيه ؟ .. وين تكون موجوده في منطقة شيبويا ؟ ومنطقة أوديبا قريب من فندق الغراند باسفيك ؟ ويعطيك العافيه ..

اذا رجعت ان شاءالله راح اعطيكم انطباعي عن اليابان بشكل عام ..

شكرا للجميع

جزاك الله خير يعطيك العافيه
فكرة حلووة بانك حطيت هالموضوع علشان تكون تحت ايد الجميع
شكراا لك يا امبراطور

ملللوك ولافندر
ما نستغني عن خبرتكم باليابان ونطالبكم بتقارير عنها
ربي يسعدكم

[QUOTE=Prince Kytu;251026]

[/QUOTE

شكرا لك أخوي .. ماقصرت والله ..

حبيت أسألك عن موضوع الجواز انا قريت موضوع بس بصراحه نسبت انت اللي كاتبه او أحد أخر .. انه لابد اذا انتهت اجازتك تكون معاك ورقه تحتفظ فيها بالجواز الى ان تغادر اليابان ؟ الورقه يعطونك اياها عند القدوم ... بصراحه انا ماانتبهت اللي موجود هو فقط ورقه مثل الطابع ملصقينه داخل الجواز ومكتوب وقت القدوم ووقت المغادره ؟!.هل هذا اللي تقصده ؟! شكرا لك وانا بالأنتظار ؟

يعطيك العافيه .. صحيح ورقة الجمارك اخذوها منا .. بس كنت اتوقع في ورقه ثانيه مثل ماذكرت انا لكن تلخبطت علي الأمور شكرا لك وبالتوفيق ..

السلام عليكم ورحمة الله

اخوي البرنس
انا بطاقتي من بنك بيت التمويل ؟؟! ما قدرت اسحب منها نهائى باليابان

بما انك من الكويت اي نوع من البطاقات البنكيه اللي كانت معاك وقدرت تسحب منها .. !
وماهي الات السحب اللي تعتمد عليها في طوكيو

السلام عليكم ورحمة الله وبركاته .. من حسن الصدف اني طحت في هذا المنتدى الجميل وجميع المعلومات المتعلقة باليابان .. حجزت لليابان للسفر في 8 أبريل واحس اني متوهق في الحجوزات للفنادق حالياً

أولاً راح اسافر انا مع زوجتي وولدي 4 سنوات وبنتي سنة .. راح اسافر من 8 ابريل إلى 19 أبريل

مخططي هو الوصول إلى طوكيو يوم السبت الساعة 11 مساء تقريبا, فقررت أن اجلس في طوكيو السبت والاحد .. ومن ثم الأثنين اسافر إلى اوساكا .. اظل في اوساكا من 10 ابريل إلى الجمعة 14 أبريل ومن ثم العودة في طوكيو إلى نهاية الرحلة ..

إستفساري أو استفساراتي المتعددة والمزعجة :

1- وين اسكن أول يومين في طوكيو لسهولة التنقل إلى اوساكا؟
2- افضل مناطق للسكن في اوساكا وطوكيو باقي الرحلة؟
3- هل الميترو للتنقل الداخلي (بما ان التاكسي غالي) آمن مع الأطفال والزوجة او ممكن اتعرض لبعض المشاكل؟

وهذا شاكر لكم حسن تعاونكم مقدماً .. والشكر موصول لجميع الاعضاء وعلى رأسهم الاخ Prince Kytu .. اللي حمسني اسجل في المنتدى والاستفسار بالإضافة إلى صورة الكبيتانو