مرحبا
راح اخبركم تجربتي بإستخراج فيزا شنغن الفرنسيه
قبلها بيومين تم حجز موعد و دفعت مبلغ الحجز
و بيوم ١٨ مايو رحت لمكتب التأشيرات الموحد بحي الراكه - الخبر
طبعا الفرنسيه زحمه
كونتر الدنمارك و النمسا فاضي
المهم الاوراق اللي خذوها :
- حجوزات الفنادق و كانو دقيقين جدا ان طلبوا مني لكل يوم اسم الفندق
و البرنت للحجز و لازم يكون باللغه الانجليزيه
و رجعوني عشان بس اسم الفندق كان باللغه العربيه اضطريت اروح و اطبعه مره ثانيه
و طبعا عندهم بالاستماره تاريخ من و الى موعد دخولك و خروجك
ف لما عطيتهم في البدايه حجز فنادق اول خمس ايام و قالوا طيب و الايام الباقيه؟
ف لازم لكل عددد الايام تغطي حجز الفنادق
- تعريف بالراتب من العمل موجهه للسفاره الفرنسيه باللغه الانجليزيه و لازم ما يكون اقدم من اكثر ثلاث اسابيع
- صور الجواز و صوره شخصيه
- استماره بيانات و انا كنت مطلعتها من الموقع بس عطتني وحده جديده اعبيها
اان اللي عبيتها النسخه القديمه
- تأمين صحي من التعاونيه لكل فرد

اللي قبلي كنت اسمع طلباتهم غير اللي تطلب كشف حساب الوالد و اللي لازم مصدقه من الغرفه التجاريه و و و الخ
كنت اسمع الطلبات و اناظر اوراقي و خايفه يكون ناقص شي !
بس الحمدلله
ف اتوقع الطلبات ع حسب حالة الشخص
خذوا مني ١٣٠٠ ريال تقريبا لاربع اشخاص

وبعدين دخلنا التصوير و غرفة التبصيم
لازم يكون الحجاب ع منابت الشعر .


اهم شي لما يكون اول دخول لك مو من البلد اللي تطلع منه الفيزا
عادي بس لازم مدة الاقامه تكون اكثر فيه
هذا مكتوب بموقع السفاره و اللي اكدته لي الموظفه
و ع طاريهم جدا محترمييين و نفسياتهم حلوه رغم الضغط اللي هم فيه
و بس يارب تطلع قبل تاريخ ٢٧
الله يسهل للجميع
و دعواتكم ان الفيزا تطلللع لاني دافعه كل شي

ان شاء الله تطلع قبل يوم 27

بس ليه تأخرتوا في التقديم

شكراً على طرح تجربتك بالتفصيل

الله يعطيك العافية

الله يعينكم
وإن شاء الله تطلع بالوقت المحدد

ليه تأخرت
غير ان تأخر حتى الدوام عطاني موافقه اني اطلع اجازه
بصراحه ماكانت ع البال هالسفره
الف شكر لك ع الرد

الامير
امين و ربي يجزاك كل خير

إذا شغلهم زي جده

بالكثير يوم 24 وهي جاهزة إن شاء الله
ولا تعتمدون على الرسائل أو التتبع عن طريق الموقع . روحوا شباك الاستلام مباشرة

وتروحون وتجون بالسلامة

شكرا لذكر تجربتك
ان شاء الله تطلع قبل

الجهني
ربي يسلمك و يسعدك شكرا لك

فيصل
يارررب
و شكرا لك و ربي يسعدك

Processed application for the Applicant is received from the Embassy of France, Riyadh on 23/05/2016.
^ تو شيكت ع التتبع تغير الكلام و طلع لي هذا يعني ايش؟؟؟؟

تم استلام الطلب من السفارة الفرنسية بالرياض
اليوم 23 / 5

سهالات إن شاء الله