اتا اقصد الطيران اللي،ينقلك بين المدن داخل ماليزيا ويكون اما عن طريق الخطوط الماليزيه او اير اسيا او فير فلاي لان التنقل بين المدن راح يكون طيران

توقعت انه تم الحجز الطيران ابدولي،خلاص

أرسلت من GT-I9300 بإستخدام تاباتلك

شكرا ماقصرتو مره استفدت منكم الحمدلله حجزت الفنادق
3 ايام سلانجور فندق صن واي
3 ايام لنكاوي
3 ايام بيانغ فندق شنغريلا
2 كوالا
2 جنتج بس بتأكد الالعاب مفتوحه ولا صيانه وفيها اماكن تنزه غيرها ولا اخليها يوم


عندي استفسار عن المطاعم حلوه وتكون اسعارها معقوله في كل منطقه

وبالنسبه للتمشيه اخذ سواق من الفندق ولا بتكون اسعاره مرتفعه

اختيارات ممتازه

بس جنتنج لا تصلح للسكن و الالعاب ما زالت مغلقه الافضل وضع اليومين مع كوالا.

المطاعم في سيلانجور: مطعم الطربوش، مرحبا.

لنكاوي: القصر، الفيشاوي، السلطان، صقر الهندي.

بينانج: الطربوش، الخيام.

كوالا: الطربوش، ناب، القمر في البافليون، طاجين، الباشا.

طبعاً بالاضافة الى مطاعم الوجبات السريعه في كل مدينه.

بالنسبه للتكاسي ممكن اخذ اي رقم من موضوع السائقين بالمنتدى او اخذ اي تاكسي من الشارع و الاتفاق معه بالساعه.

بالنسبه لجنتينج هي قريبه من كوالمبور واذا بتروحينها تروحين لها من كوالالمبور وترجعين بنفس اليوم مايحتاج تباتين فيها ووبالطريق تمرين على مزرعة القروله وتركبين التلفريك لجنتنج وتجلسين فيها واخر النهار ترجعين كوالمبور والمشوار مايزيد عن ساعه ونص رايحه ومثلها راجعه

اما اللي تكلمتي عنها وتبعد عن بينانج 3 ساعات اسمها الكاميرون وليس جنتنج

وبالنسبه للجداول خذيلك لفه في في مواضيع البوابه واختاري اللي،يناسب ميولك وانا سبق حطيت رابط لموضوعي،فيه جدول جاهز ومرتب ممكن تتطلعين عليه وتاخذين الاماكن اللي،تناسب ذوقك

بالتوفيق

أرسلت من GT-I9300 بإستخدام تاباتلك

شكرا اخواني اطلعت على مواضيع المنتدى وعلى الاماكن وتم حجز طيران الداخلي

عندي استفسار بخصوص الفنادق الي حجزتها كيف اعرف بأي دور الغرف خصوصا الغرف المطله على البحر تكون بالدور الثالث او الثاني هل اتصل عليهم وأأكد ذالك وايضا الافطار
في رمضان

سلانجور وش فيها اماكن ترفيهه او مطاعم مالقيت مواضيع عنها كلها كوالا

بيكون 3 ايام في فندق صن واي ماادري ين نروح اول يوم ز اليوم الثاني بيكون في مدينة الالعاب المائيه تبع الفندق اذا ممكن تذكرون لي اماكن فيها

لنكاوي بيكون 5 ايام فيها في لنكاوي لاغون ويومين ميريتوس ومن ضمن البرنامج

المنجروف التلفريك والقريه الشرقيه والشلالات ووش افضل شلال عندهم يستحق الزياره وحديقة الطيور

والفواكه رحلة الجزيره الحامل والغوص عبارة عن ايش ماشفت تغطيه لها


بينانغ 3 ايام في شنغريلا لاحظت ان مافي تغطيات عنها في المواضيع

فقط شاطئ الباتوفرنجي اتوقع اسمه كذا

واخر 3 ايام في كوالا

والفضل لله ثم لكم باختيار الاماكن والترتيب للرحله

وبالنسبه للسائقين مالقيت ارقام اذا ممكن ترسلون لي

وشاكره لكم جهودكم

صباح الخير

بالنسبة للادوار اكتبي في الملاحظات للحجز الرغبة بدور علوي وطبعا كل مسمى غرفة له دور معين والتدخين وغيره كل هذه الامور لها علاقة بالطوابق وللتأكد اكثر راسليهم

الافطار راح يكون في لغير المسلمين صباحا وافطار رمضان للمسلمين في المغرب ومكتوب في بوكينج سياسة الافطار

بالنسبة لارقام السائقين موجود في ملف مرفق تجديه في اسفل الموضوع

سلانجور المطاعم العالمية موجودة في مول البراميد ويوجد مطعم طربوش ومطعم منهاتن فيش ماركت

سلانجور ممكن زيارة ملاهي الصن وي لاجون .. الماينز .. بوتراجايا .. اي سيتي

حديقة طيور كزالا واكواريوم كوالا افضل من لنكاوي بمراحل

شلال تيمرون اسهل الشلالات ثم دوريان

بينانغ عندك قطار الهضبة ويوجد موضوع مثبت فيه كل الفعاليات ومواقعها الرسمية

رحلة ممتعة
هاي مزمز

آخر مواضيع himzmz

- 37 ليلة بين احضان الساحرة زيزا من 7 يوليو الى 14 اغسطس 2016 - صدمة العالم المفقود - هضبة BROGA لمحبي الطبيعة والجمال وهواة التصوير BROGA HILL - بشرى سارة لمحبي فندق براميد تاور الان افتتاح البرج الغربي Pyramid West - الان افتتاح قسم الالعاب المائية الجديد في الصن وي لاجون NICKELODEON LOST LAGOON

توقيع : himzmz

سبحان الله وبحمدهسبحان الله العظيم رحلتي 5 نجوم الى زيزا يونيو و يوليو 2013 سحر الطبيعة والعشق والرومانسية منتجع أندامان لنكاوي