السلام عليكم
اول مره اسافر برى السعوديه واخترت ماليزيا ياليت تساعدوني ودي

احجز طيران رخيص اعطوني اسماء شركات طيران وفنادق رخيصه ونظيفه ماتهمني 5 او 4 نجوم لان ميزانيتي محدوده اهم شي نظيف

الرياض
كوالا بعدها لنكاوي بعدها بينانغ بعدها الكاميرون بعدها كوالا وش رايكم كذا

واعطوني جدول للتمشيه فيهم شخصين كبار وطفلين 8 شهور وسنتين ونص

وقت السفر 28 رمضان او 30

7/3 او 7/5 يوليو لمدة اسبوع

الله يعينكم على الاطفال راح يحدون من تنقلاتكم وكمان متعبين في هالعمر
ودي اساعدك بس للاسف مالي خبره في ماليزي
عندك كازمي وشموخ و ابو عمر وتقرير دينا ماشاء الله كل المعلومات وبالتفصيل وراح يفيدك كثير
بس انصحك لاتكثرين تنقلات عشان اطفالك وكمان حددي عدد الايام والتاريخ عشان الاعضاء يساعدونك في التخطيط

الطيران الافضل السعوديه عشان رحلاتهم مباشره
وعندك الاتحاد والقطرية والاماراتيه
الكاثي بايسفك وفيه كم طيران يودي ماليزيا بس هذا الافضل وكلها فيها ترانزيت

آخر مواضيع فارس من خيال

- من أجمل ما رأت عيني (جزيرة جيجو - كوريا ) - استطنـــــ(في خاطري شوق وحكايات واسرار)ـــبول - على اطلال (هونج كونج)2017 - هَِنأّ يِّفِّيِّض أّلَأحٌَّسأَّّس وِتّشٍبِعٌ أّلَحٌوِأَّّس(أوِروِبِــًـِـُـأّ) - بين الكلام والصمت جمال (نيوزيلــــ New_Zealandـــــدا)

توقيع : فارس من خيال

يوماً ما سَـأرحل دُون »وَداع« أَتمنى أن يَذْكرني أحدكم بدَعــوهْ Save

وعليكم السلام اختي

حياك الله

بالنسبه للخطوط فبما ان عندك رضيع فنصيحه خذي مباشره من الرياض الى ماليزيا اريح لكم وهي في الخطوط السعوديه قد تكون غاليه بنسبه لغيرها لكن نصيحه اذا قارنتي التعب بالترنزيت والمبلغ اللي تدفعينه يستاهل المبلغ مقابل الراحه
او الماليزيه وهي مباشره وقد تلقينها ارخص من السعوديه

لكن انتي متاخره كثير بالحجز والاسعار مرتفعه مع قرب الاجازه سواء طيران او فنادق

ثانيا بالنسبه للمناطق اللي ذكرتيها كثيره للمده اللي بتجلسينها يعني اللي،فهمته ان الرحله مدتها اسبوع فقط خصوصا ان معاك اطفال ماليزيا تحتاج 15 يوم حتى تزورين الاماكن اللي،ذكرتيها
لذلك عندي لك ثلاث اقتراحات اولهم

ان تخلين زيارة ماليزيا لسفره ثانيه وتزورين هذي المره دبي اقرب لكن مناسبه لك اكثر وتستمتعين فيها واسبوع يكفيها


او الاقتراح الثاني

ان تقتصر زيارتك على
2سيلانجور (وهي قريبه من كوالالمبور 40 دقيقه،بالسياره لكنها اقرب للمطار وفيها المدينه المائيه وعادتا تكون اول مدينه يسكنها السياح )
2يوم الكاميرون بالسياره ثلاث ساعات
3ايام كوالمبور

او تخطيط ثاني توصلون مطار كوالمبور ومباشره طيران داخلي الى لانكاوي
3 ايام لانكاوي
وبالطياره لكوالالمبور
4 ايام في كوالالمبور
وحتى هنا راح يكون متعب جدا على الاطفال رحله مواصله خصوصا اذا في ترنزيت

الاقتراح الاخير انكم تزيدون عدد ايام الرحله من اسبوع الى 10 ايام اقل شي حتى يكفيكم الوقت
ويصير جدولكم
2 يوم سيلانجور
4 ايام (لانكاوي او بينانج)وانصح ان تكون لانكاوي
4 ايام كوالمبور
هذا انسب حل اذا مصرين على ماليزيا

اذا قررتي راح نقترح لك الفنادق والجدول اللي،يناسبك

بالتوفيق




أرسلت من GT-I9300 بإستخدام تاباتلك

السلام عليكم ورحمة الله وبركاته
اتمنى لكم رحلة سعيدة
كما وضحت الاخت عشقي السفر المدة قصيرة جدا ولا تستطيعي زيارة كل الاماكن الذي ذكرتيها في اسبوع

بخصوص الطيران كما اشارة الاخت لرحة من عناء الترانزيت يفضل السعودية او الماليزية
واذا تريدو الارخص هناك السريلانكية او العمانية .. لكن لاتتاخرو بالحجز لان الطيران سعره يرتفع مع قرب الاجازة

توزيع الايام 2 سيلانجور 2 كاميرون 3 كوالالمبور
او يوم سيلانجور 3 لنكاوي 3 كوالالمبور

الفنادق الاقتصادية
سيلانجور ( الخيول الذهبية - الهيلتون - فوربونت باي شيراتون - كانكورد )
لنكاوي ( اديا - دياناج - باي فيو )
الكاميرون ( ستروبري بارك - كابثرون - ديلا فرينس )
كوالالمبور ( رويال بينانج - استانا - سويس قاردن - فوراما )

واي استفسار اخر نحن حاضرين
موفقين

آخر مواضيع شركة شواطئ للسياحة ماليزيا

- شارع العرب في مدينة كوالالمبور الماليزية - الان افضل وارقى واجمل فنادق كوالالمبور في ماليزيا بين يديك - فندق الصنواي لاجون ريزروت في ولاية سيلانجور بماليزيا

توقيع : شركة شواطئ للسياحة ماليزيا

نحن في خدمتكم تواصلوا معنا مدار 24 ساعة دليل السياحة في ماليزيا https://shawatetravel.com

بالنسبه للجو بشكل عام وطول العام رطوبه مع حراره متوسطه في ماليزيا ممكن يزين الجو اذل نزل مطر والكاميرون لان هي مرتفعات تكون ابرد اذا ممكن تمددون الرحله ل11 يوم خليك على الجدول الاخير


بالنسبه لتركيا جوها مره جميل في الصيف ابرد من ماليزيا بشكل عام السفر لمدة اسبوع يفضل يكون بالخليج لان ماتسوى تذاكر وفيزا (تركيا مطلوب،فيزه الشخص ب60 دولار )

واذا اخترتي تركيا،ومدتك اسبوع فعندي اقتراحين
تخلين الرحله كلها في الشمال التركي يعني،تحجزين طيران من الرياض الى طربزون مباشره عن طريق رحلات العجاجي وتقضين الاسبوع في
2 طربزون
4 ايام اوزنجول
ويوم طربزون
اذا تبين الطبيعه والجو الحلو والافضل تستاجرون سياره بالشمال التركي

او ممكن
2 اسطنبول
2 بورصه
3 ايام اسطنبول

للعلم اسطنبول حاره في الصيف وهنا الجدول راح تستخدم التكسي وانتبهي من النصب هناك خصوصا مع التكسي والمواصلات العامه متعبه لكم مع الاطفال


واذا اخترتي تركيا وزدتي المده الى 11 يوم عندك هذي الجداول

2اسطنبول
طيران داخلي
2طربزون سياره اجار في الشمال التركي
3 اوزنجول
1طربزون
طيران داخلي
3 اسطنبول


او تخلين المده كلها بالشمال التركي،
2طربزون
5اوزنجول
2ايدر
3طربزون

قرري بسرعه لان الاسعار ترتفع


أرسلت من GT-I9300 بإستخدام تاباتلك

ماشاءالله خبيرة دبي عشقي السفر ما قصرت
كفت ووفت
ربي يبارك فيها
وربي يسهل لك سفرتك
في عندك خبراء ومشرفين مميزين ممكن تشوفين تقاريرهم مثل تقارير قصة حب المميزة والمفصلة
وكذلك دينا لها تقرير قديم وابوعبدة
كلها تقارير تسهل لك امور السفر من كثر تفاصيلها

فعلا مثل ما قالوا الإخوان والأخوات فوق إذا مدة السفر أسبوع حرام ماليزيا وبقوة وأفضل حل هو الشمال التركي أحد الزملاء رجع قبل أسبوعين من طربزون وقالي 5 أيام إلى 7 أيام حلوة وجميلة جدا وكمان رخيصة

وعليكم السلام ورحمة الله وبركاته

حياك الله اختي الفاضله ماراح اطول عليك بما اني زرت ماليزيا وزرت تركيا ونفس وضعك اخر سفره كان معي طفلتين


عندك ثلاث عقبات :-

مدة رحلتك اسبوع فصراحه غير كافيه لماليزيا وخاصة الاماكن الي انتي اخترتيها ولا تنسي بيضيع يوم في الذهاب و يوم في الاياب


ثاني نقطه الاطفال في ماليزيا راح يكونو جدا متعبين وما راح تستمتعين بالرحله لان اغلب تنقلاتك بالتكسي و الباقي مشي خاصة انو في بعض المناطق لا تصلح لعربات الاطفال


ثالث نقطه العفش راح يكون مره كثير فالله يعينكم تشيلو الاطفال ولا العفش في كل مره تروحو من مكان الى مكان


النصائح :-

طالما المده كلها اسبوع فإذا كان فيه احد من خواتك او الوالده الله يعطيها العافيه تقدر تتكفل في موضوع الاطفال يكون افضل

النصيحه الثانيه تركيا او ماليزيا كلها جميله وتقريبا نفس المده لانك ماليزيا 9 ساعات مباشره بينما تركيا تقريبا اربع ساعات وراح يكون فيه ترانزيت عشان تروحي الشمال التركي والرحله لشمال اعتقد انها في حدود الساعه و الربع او النص


النصيحه الثالثه اذا ما تقدري تخلينا الاطفال شوفي اسطنبول فقط بدون الشمال التركي و يمكن من يخالف رئيي بس انا لو مكانك هذا الي راح اسويه


ونتمنى لك التوفيق