تجربتي في تأجير السيارة في سويسرا أو (اوروبا بشكل عام) - الصفحة 2

ياسر · 07-07-2016, 11:17 AM

اقتباس : المشاركة الأصلية كتبت بواسطة Mechanical

معلومات جميلة جداً

أنا مره إستأجرت من sixt و أعطوني يوم مجاني لأن مدة الإيجار كانت أكثر من أسبوع.

حاولت معهم والله سعرهم رخيص لكن للاسف رفضوني رغم اني حاط قيمة السياره كامله في ( فيزا تسوق الراجحي )

اتمنى يقبلون الفيزا والله اسعارهم بطله.

النور · 25-07-2016, 04:49 PM

kalhashash · 12-07-2019, 07:49 PM

اشكرك اخوي عبدالله على طرح تجربتك

altamyuz · 08-10-2019, 01:25 AM

السلام عليكم
انا اجرت سياره من sixt
و يوم رجعولي الوديعة خصموا منها ظ¢ظ ظ ظ ريال ،
تواصلت بالايميل من اكثر من اسبوع ولكن للحين مافي رد ؟ كيف ممكن اوصل لهم وهل عندكم ايميل او شي لهم!

PIRLO.Z · 08-10-2019, 12:21 PM

اقتباس : المشاركة الأصلية كتبت بواسطة altamyuz

السلام عليكم
انا اجرت سياره من sixt
و يوم رجعولي الوديعة خصموا منها ظ¢ظ ظ ظ ريال ،
تواصلت بالايميل من اكثر من اسبوع ولكن للحين مافي رد ؟ كيف ممكن اوصل لهم وهل عندكم ايميل او شي لهم!

نفس اللي صار معي

حجزت السياره من سيكست اون لاين وطلع التوتال 4000 لمدة اسبوعين
وبعدما رجعت السياره خصمو 4000 الاف ثانيه تامينات وضرايب

توبه احجز عندهم مره ثانيه

PIRLO.Z · 08-10-2019, 12:45 PM

هذي الفاتوره شوفو كم ال prepaid
وفي النهايه كم طلع التوتال
مع العلم انهم حسبو علي سعر البنزين على اني رجعتها فاضيه
ويوم راسلتهم رجعو لي قيمة البنزين

الصور المصغرة للصور المرفقة

PIRLO.Z · 08-10-2019, 12:57 PM

نصيحتي تحجز سياره بدون اسعار مخفيه مثل اللي في كار رنتل
يعطيك مايشمله سعر الايجار وما لا يشمله

طارق الكندي · 08-10-2019, 01:37 PM

اقتباس : المشاركة الأصلية كتبت بواسطة Abdullah khaled

السلام عليكم ورحمة الله وبركاته ،،

اسعد الله (مساكم / صباحكم ) أخواني وأخواتي الكرام ..

اليوم بأذن الله راح أتكلم عن تجربتي بتأجير السيارة في سويسرا ( مطار جنيف ) أو أوروبا بشكل عام لان نفس الخطوات تماماً ،

***( خطواتنا قبل السفرة )

* 1

- بعد الأتكال على الله أخترنا الوجهة المراد السفر لها (سويسرا).

* 2
- بحثنا في النت عن شركة لتأجير السيارات عالمياً
( Europcar , Avis , Hertz , sixt )

* 3
- وتم اختيار شركة Avis واختيار مدة التأجير وكانت المدة 7 ايام.

* 4
- لم نظمن الحجز من النت فتوجهنا إلى مكتب الشركة في الكويت ( وطبعاً مكتب التأجير موجود في أغلب دول الخليج)

*5
- تم أختيار حجم المركبه لثلاثة اشخاص مع ثلاثة حقائب والموظف لم يعطينا نوع السياره لان أغلب شركة التأجير تعطيك عدد الركاب و عدد الحقائب وهم يختارون نوع السيارة .

*6
- تم دفع مبلغ السياره لمدة 7 ايام وطلع تقريباً السعر = 125 دينار كويتي.

*7
- بعد الإنتهاء من دفع المبلغ اعطانا الموظف ورقة تأكيد الحجز ( ولازم تحتفظ فيها علشان تسلمها لمكتب تأجير السياره الموجود في المطار عند وصولك إلى أوروبا)

*8
- لابد قبل الذهاب إلى اوروبا
1: ليسن دولي
2: ليسنك المحلي
3: بطاقة فيزا أو مستركارد ( علشان يسحبون منك مبلغ بسيط ويرجعونه بعد ماتخلص من السياره)

*** ( خطواتنا بعد الوصول إلى مطار جنيف )

*1
- بعد الوصول إلى مطار جنيف ولله الحمد ،، خلصنا من أمور الجمارك توجهنا إلى مكتب Avis الموجود في مطار جنيف واذا ماعرفتو شلون تروحون لمكتب التأجير تحصلون علامة داخل المطار على شكل (سيارة وفوقها علامة مفتاح ) وهذي العلامة توصلكم إلى مكاتب التأجير في المطار.

*2
- وصلنا حق الموظفه وعطيناها الورقة اللي استلمناها من مكتبهم في الكويت وطبعاً كل أمورنا مشت بسلاسه ولله الحمد وحبيت أنبهكم على شغلات مهمه ( اذا تبون حماية شاملة للسياره لازم تضيفون مبلغ )
- واعطتنا هذه الورقة وكما تشاهدون رقم 1 سعر المبلغ المراد سحبه من بطاقة الفيزا ورقم 2 مكان توقيعك

*3
- اذا تبي ترتاح لما تأجر السياره قول حق الموظف عند اعطأه الورقه كلمة وحده وهو راح يفهم ماتريد وحتى لو ماتعرف انجليزي اكتبها بالعربي وهذي الكلمة ( سوبر انشورنس ) ومعنى الكلمة حماية شاملة للسياره علشان ترتاح من الحوادث لاقدر الله.

*4
- خلصنا من امور الدفع وطبعاً اخذو مبلغ من بطاقة الفيزا وهو تقريباً نفس سعر حجز السياره 125 دينار (وبعد الانتهاء من ارجاع السياره يرجعون المبلغ لك )

*5

- اعطتنا الموظفه مفتاح السياره ورقم المصفط ومكان المواقف وطبعاً كل شي تسجله لك بورقه علشان لاتضيع وكان رقم المصفط 386 ومكان المواقف p51 ،، وخلصنا من المكتب وتوجهنا الى الباص وثم الى مكان المواقف p51 ووصلنا الى رقم المصفط وحصلنا السياره وكانت جيب مرسيدس 2016 .

( نصائح قبل الحجز )

- يفضل اختيار السياره ديزل (لان اوفر من ناحية الصرف)
- اختيار سياره اكبر حجماً لكي تتسع للحقائب.

وفي الختام ان شاء الله اني وفيت بالشرح وأي سؤال ان حاضر وبالخدمة

من ضمن النصائح اختيار سيارة اكبر حجما ..بس انت قلت في التقرير انك تعطيهم عدد الركاب والحقائب وهم يختارون السيارة ؟

جناب السفير · 26-10-2019, 12:06 PM

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
استفسار بخصوص تأجير السيارة من ميونخ	محب السفر	بوابة المانيا	1	28-04-2016 09:13 PM
استفسار عن سويسرا بشكل عام أرجو المساعده لمن لديه الخبره !	Abdullah AL-Qarni	بوابة سويسرا	5	19-03-2016 05:02 PM
سويسرا تمنع النقاب .. اوروبا الى اين؟؟	عليـ الحربيـ	البوابة السياحية	31	15-12-2015 08:10 PM
قيادة السيارة في اوروبا والتخوف يرجى المساعدة	witoo	بوابة المانيا	14	04-07-2015 02:23 AM