يسعد صباحاتكم
ومبارك عليكم الشهر مقدما


صارلي سنوات ما رحت العمره
وظلت بقلبي وكل ما ننوي يتعارض مع اجازاتنا
كنت مواعدة عيالي من زمان فيها بالعطله

لكن هالمره غير ربي سهلها لنا وتمت بحمد الله


الرحلة بدايه هذه السنه
حجزت بالتلفون وجهزت البيزات وانطر التذاكر بالبيت
والا المكتب يتصل
انا اسف [emoji849]
مدام تذاكركم طارت
نعم ؟؟؟؟؟

ايه زميلي مش عارف واداهم لناس
قلت اشلون وانت اكدت الحجز؟
قال مش عارف

قلت اسمح لي هالحركات مو علي
والله لا يسامحك اربكت اموري الحين
وزفيته زفه يستاهلها بردت قلبي بس [emoji379]

والحمد لله شفت عرض بالجرايد القديمه وحصلت بمكتب ثاني وارخص بعد

عااااشت قصة [emoji106][emoji322][emoji322][emoji322][emoji322]


دفعت المبلغ خلال ساعه والتذاكر بيدي والحمد لله

ثلاث ايام -ليلتين
ولو ان المده حيل قصيره لكن العوض ولا القطيعة
زيارة بيت الله لو ساعه بس ترد الروح وتغسل الصدر

السعر حيل مشجع مئه وخمسه وثلاثون دينار كويتي

الرحلة نص الاسبوع
يعني مافي زحمه ان شاء الله (حسب توقعاتنا)

توكلنا ع الله الى المطار الرحله العصر الساعه الرابعة

للاسف ماحصلت حجز لرحله للطايف لان المطار خفيف وغير مزحوم

وصلنا مطارنا





والاجراءات سهله
على طيران ناس



والطياره بدون وجبات
كل شي بثمنه



شفنا المنيو
واخترنا ساندويشات جبن
وللاسف الصدمه مافي الا

واحنا ترا كراسينا جدام
يعني التوزيع توه بأوله

اخذنا المتوفر تقزوره عن اليوع بس
والاهم الوالده الغاليه










سبحانه الغيوم لوحة فنية






فديت اخوي وامي نور هالرحلة



تقريبا الطيارة كلها معتمرين
علينا وعليهم بالعافية












واخيرا وصلنا مطار جده
وشفنا الباصات بانتظارنا




الحمد لله




الجو بررراد يرد الروووح عجيب




والباصات تفصل الكويتين والخليجيين الى المطار الكبير
والوافدين الى صاله اخرى
اول مره تصادف معانا جذيه

وطولنا شوي ننتظر باص خاص
فيه كراسي متحركه للحريم الكبار
وكنا عوايل

وتوكلنا ع الله

خلصنا اجراءات الدخول ووقفنا ع سير الشنط
طالت المده
ياناس وين شنطنا
دورنا مدير الصاله
وسواله اتصالات
قال الظاهر مو حاطين ليبل ع شنطكم انها عمره وراحت الصاله الثانيه

ياويلللي صدمه
والوالده تعبت والحمد لله ابره السكر مع اختي بشنطه ايدها

وقال عندكم خيارين
اما تنتظرون يرجعونها ويمكن تاخذ ساعة من الزمن
او تروحون الصاله الثانيه تدورون بنفسكم

صراحة قمه باللامسئوليه
خطأ من الطيران بالبدايه ما حط الليبل

وكلمنا المسئول عن سير الشنط قال لاتصدقون ساعه مستحيل والقرار لكم

ومتنا من التعب والانتظار
احنا وعايليتن نفس الموقف
والتكييف بارد بالمطار

اخترنا ننتظر عشان ما تتعب الوالده وخصوصا ان المسافه بين الصالتين ثلث ساعه بالباص

والساعه صارت ساعات
واخيرا اخر ناس وصلت شنطهم احنا[emoji24][emoji24][emoji24]

ربي لك الحمد بس هلكنا

الحين موال التكسي
كل واحد يقول سعر
ولاحظنا الهواش بينهم
اخيرا توفقنا بشاب سوداني عطانا نص السعر اللي كان بينصب فيه علينا الاخ الثاني بسبعمائه ريال
تخيلواااا

وانحشنا ع السريع [emoji257]ويستاهل ثلاثميه وخمسين ريال

واحلى نومة بالتكسي
والى مكة المشرفة

شرينا عصاير وموز نسد اليوع
ههههاي هذا اللي حصلناه



خوووش عصيز لذيذ

آخر مواضيع قصة حب

- شاركوني باختيار فنادق جديدة - ملكة السفرات العائلية في رحلتها الرابعة الى ماليزيا 2016 - برنامج تاباتوك - فندق هوليدي ان بينانغ - عاجل جدا باص الى بينانغ

توقيع : قصة حب

كل إنسآن سيـكون يومـآ مجرد .. ذكـرى ! أمنيتــي أن أكون .. { ذكـرى بيضآء } في قلوبكـ لا تغير طبعك لترضيهم ، لاتبدل صوتك لتعجبهم ، لا تخالف مبدأك لتوافقهم ، لا تتصنع لتنال رضاهم أنت لك بصمة ، عش بما يرضي ربك ، ثم يرضيك ويرضى طموحك

---

التعديل الأخير تم بواسطة قصة حب ; 31-05-2016 الساعة 12:33 PM