السلام عليكم يا شباب
انا ف الاول كنت هقدم علي الفيزا الإيطالية ، وجهزت الأوراق و اخدت موعد و روحت المركز الموحد بس الموظف رجعني عشان كشف الحساب مطبوع بالعربي و كمان ما كان في خروج و عودة ( انا مقيم مصري ) ، مشيت و روحت البنك و طلعت كشف الحساب بالإنجليزي و طلعت خروج و عودة و رجعت لنفس الموظف ، رجعني تاني عشان ماكنت مترجم الإقامة ، ف مشيت و قلت مش راجع لهم تاني ، الموظف غلس و معاملة مش كويسة
بالمناسبة انا عندي ٤ شنجن و فيزا أمريكية سارية ٥ سنوات و كمان فيزا انجليزية ٦ أشهر ، ف قلت ان شاء الله أموري بتمشي
رجعت الشغل و جبت تعريف راتب تاني موجهه للسفارة الهولندية ( زرتها ف ٢٠٠٩) بعد ما الأخ اخر فرصة قال ان زيها زي غيرها ، اخدت موعد ف نفس اليوم و روحت ما لقيت غيري و الموظفة ماشالله معاملة غاية ف الذوق ، خلصت ف دقيقتين كل شي بالتبصيم ، هي بس طلبت صورة للجوار القديم كامل عشان موجود به كل التأشيرات القديمة ، سلمت الأوراق كلها ( الابلكيشن - التأمين الطبي - حجز الفندق - التزاكر (غير مدفوعة)- كشف الحساب ينزل عليه الراتب - صورة شخصية - خروج و عودة مترجمة - صورة الإقامة مترجمة - صورة بطاقة ائتمان - صورة الجواز اول ورقتين - صورة الجواز القديم - صور التأشيرات القديمة ) . قالت اسبوعين و تعالي استلم الجواز
ماجاني اي رسالة علي الموبايل بعد التقديم ، دخلت علي الموقع اشوف حابة الطلب لقيت انه جاري العمل عليه .
ان شاء برجعلكم لو في اي جديد