جدول لاهم المناطق السياحيه في مدن تركيا

ام وتين1 · 13-06-2016, 11:00 PM

السلام عليكم ورحمة الله
كل عام وانتم بخير
يشرفني الانضمام لهذا المنتدى المفيد وللاعضاء الرائعين

انا سفرتي مع زوجي وبناتي اعمارهم سنتين ونص و8 سنوات لتركيا نهاية شهر اغسطس وبداية سبتمبر مدتها 14 يوم
وعملنا جدول كالتالي
الوصول لمطار اسطنبول ثم التوجه لمطار طرابزون
2 يوم في طرابزون
4 ايام في اوزنجول
2 يوم طرابزون مره ثانيه
2 يوم بورصه
4 ايام اسطنبول

ابغى جدول لزيارة اهم الاماكن السياحيه في كل مدينه

مع العلم استاجرنا سيارة ويقودها زوجي ولانعرف وين المناطق اللي نزورها

وابغى اسأل عن الجو في الشمال التركي نهاية اغسطس بارد جدا والا عادي

ولكم خالص الشكر
واتمنى من الجميع ان يساعدووني
فنحن اول مره نسافر خارج المملكه واذا عندكم نصايح لنا افيدونا بها
وجزاكم الله خير

Gunner10 · 14-06-2016, 11:34 AM

اختي الجو راح يكون روعة ان شاء الله بشهر 8 بالشمال التركي ام اسطنبول فسوف يكون الجو حار جدا

زهرة نيسان · 14-06-2016, 02:29 PM

وعليكم السلام
بالنسبة لبرنامجكم اشوف بورصا مو ضروري زيارتها
خصوصا انها راح تكون في نهاية الرحلة
لان الشمال اجمل بكثير من بورصا بورصا في الشتاء تستحق الزيارة

وبالنسبة لاماكن اسطنبول هذا موضوع فيه اهم الاماكن والمطاعم

http://www.arabtrvl.com/vb/t295.html

وبالنسبة للشمال لي عودة

ماجد القطري · 14-06-2016, 02:36 PM

اقتباس : المشاركة الأصلية كتبت بواسطة ام وتين1

السلام عليكم ورحمة الله
كل عام وانتم بخير
يشرفني الانضمام لهذا المنتدى المفيد وللاعضاء الرائعين

وعليكم السلام ورحمة الله و بركاته

الله يحفظكم

جميل جدا

وجهة نظر يومين كثيره على بورصة في الصيف وجاين من الشمال تكونون متشبعين من الطبيعة وانتوا براحتكم
يكفيها يوم مبيت و اليوم يضاف الى الشمال

في الشمال
انصح بزيارة سلطان مراد ايدر ريزا طبعا اوزنجول ومرتفعاتها القريبة
اكشبات صوميلا حيدر نبي مع الاخذ بالاعتبار الطلوع الصباح و العودة العصر قبل تكون الضباب خاصة حيدر نبي و سلطان مراد

هذه اهم خطوه عملتوها ولا تفكرون في مناطق الشمال جدا سهله

اول خروجكم من المطار تتبعون اشارات ولوحة ريزا Rize
وهي اول العلامات الواضحة

بيكون البحر يساركم و الجبال يمينكم لو اردتم اوزنجول لوحاتها واضحة ولكن تطلع بعد فتره uzungol
وكل القرى بهذا الشكل تظهر لكم فوق الجبل يمين وسلطان مراد نفس خط وطلوع اوزنجول

المدينة الكبيره طربزون واكشبات صوميلا حيدر نبي عكس السير
بمعنى
خروجكم من المطار تتبعون Trabzon
يمينكم البحر يساركم الجبل

جميل يميل للبروده بارد في المرتفعات يعني العيال يحتاجون جاكيتات خاصة في المرتفعات
وربما الكبار ايضا

اجازة سعيدة ان شاء الله

ام وتين1 · 25-06-2016, 04:46 AM

الله يعطيكم العااافيه
ماقصرتوووا جزاكم الله خير

طيب بالنسبه للفلوس

احنا دفعنا حق الفنادق كلها وايجار السياره
والطيران الداخلي

بقي مصروفنا اكل من غداء وعشاء
وايجار المترو او التكاسي في اسطنبول وبورصا عشان مامعنا سياره

كم المبلغ اللي يكفينا انا وزوجي وبناتي الصغار

8 الاف ريال او اكثر او اقل

وبسال عن بطاقة الفيزا ضرورية والا اخذ الفلوس كاش معانا

وسمعت كثير بالسرقه وصراحه خايفين كثير من هذا الموضوع

بايش تنصحونا وكيف نتعامل مع الاتراك بشكل عام في الاماكن العامه

واذا فيه نصايح لنا بشكل عام كمسافرين لاول مره خارج المملكه

وجزاكم الله خير

Gunner10 · 25-06-2016, 02:12 PM

اختي لا تخافين من اي شي الوضع امان فقط ابتعدوا عن كل من يتكلم عربي باي مكان واي شخص يعرض عليكم اي شي طبعا مع الانتباه

بالنسبة للمصروف تقدرون تاخذون معاك مبلغ وتخلونه بالفندق وكل يوم تاخذون جزء صغير

واذا ما تبون تاخذون اي مصروف تقدرون تسحبون من اي بنك بتركيا

بالنسبة للمصروف ما نقدر نحدد كم يكفيكم من 8 الاف كافيه وممكن اقل وممكن اكثر

ام وتين1 · 08-07-2016, 04:53 AM

الله يعطيكم العافية ماقصرتوا

الفراهيدي · 09-07-2016, 11:35 PM

انا اشوف الفيزا ضروريه تحاسب فيها بمجمعات او اي اماكن

لن تضركم بشي

الواحد يكون حريص وما يظهر الترف عليه سواء بتركيا او غيرها

الأتراك شعب طيب من خلال تعاملي معاهم لا داعي للقلق كل واحد بحاله

ماجد الفهد · 10-07-2016, 09:45 AM

.
.
.

ما قصروا الله يعطيهم العافية ،،،،

وبخصوص الصرف ،،،

http://www.arabtrvl.com/vb/t1607.html

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
طلب جدول 15 يوم لشمال تركيا	ابووتين	تركيا	12	25-02-2016 03:53 PM
حدول ل4 ايام في تركيا ؟؟	محبة الاسفار	تركيا	4	17-02-2016 06:45 AM
ليله في ميامي افضل جدول لاهل الخبره	أبو طلال*	بوابة امريكا	7	10-12-2015 10:01 PM
ارجو المساعدة في جدول متكامل لاهم الاماكن السياحية.	احمد2025	ماليزيا	3	04-07-2015 10:19 AM