المساعدة في ترتيب جدول لشهر سبتمبر

Dalool321 · 16-06-2016, 02:32 AM

السلام عليكم
رمضان مبارك عليكم

بإذن الله عندنا خطة سفر لتركيا شهر سبتمبر بدايته ( اول زيارة لنا لتركيا )
مابعد حجزنا الطيران لأنه عندي استفسار على ترتيب المدن ومنها بحجز بإذن الله
وأتمنى منكم تساعدوني

في البداية احنا عائلة متكونة من بالغين وطفلين ( 10 سنوات و 8 سنوات )

انا قرأت كثيييير عن تركيا وعرفت احنا أيش يناسبنا أماكن
المناطق التاريخية والمساجد القديمة أبدا ما نرغب بزيارتها
نفضل المنتزهات والملاهي والأنشطة الترفيهية

هذا كله ذكرته علشان تعرفون ليه اخترت بالذات الأماكن اللي باذكرها

طيب الان باقول ايش اللي بنزوره واحترنا كثيييير بالترتيب

الشمال التركي ( طرابزون ، ريزا منتجع بابليون ، اوزنجول )
اسطنبول ( فلوريا الحديقة والاكواريوم )
( جولة بالعبارة ) ( مول مارينا فيا بورت بالجزء الآسيوي ، حديقة الحيوانات القريبة من المول )
ازمت ( حديقة بلاد العجائب ، حديقة فورا ، اوت لت ازمت )
بحيرة سبانجا

***************

طيب أنا فكرت بحاجة بسيطة وأنتم عدلوا لي حسب خبرتكم وبمعرفتكم

الطيران من الرياض الى مطار اتاتورك السكن في فندق كروان بلازا القريب من المطار يوم واحد
وزيارة الفلوريا
اليوم الثاني : الطيران لطرابزون / استئجار سيارة الانتقال لاوزنجول البقاء يومين
ثم الانتقال لمنتجع بابليون في ريزا يوم واحد
ثم الرجوع لطرابزون السكن في في منطقة اكشبات يومين
ثم السفر لإسطنبول عبر مطار صبيحة

السكن بفندق قريب حيث زيارة مول فيابورت وحديقة الحيوانات يوم واحد
و جولة العبارة يوم ( ممكن جولة العبارة نغير وقتها وترتيبها مو عارفه ! )

استئجار سيارة من مطار صبيحة
الذهاب لازمت والسكن فيها ( زيارة بلاد العجائب وحديقة فورا والأوت لت ) يومين
الذهاب لبحيرة سبانجا يوم واحد اخر

فقط ثم الرجوع للديار

عندي ثلاث ايام فاضية ماادري وين أضيفها
ارغب بزيارة ( عروض الدلافين ، فيالاند )
كيف أضيفها وين وهل اسكن بالجزء الأوربي اخر الأيام وأزور هذي الأماكن ؟؟؟؟ او احذف هذي الأماكن
والطيران في العودة للديار يكون من صبيحة او اتاتورك ؟
ابي الأقرب لأماكن زياراتي الاخيرة

وهل ترتيب الجدول والزيارات ممكن او لا ؟؟؟ وإذا فيه ايييييي اقتراح ليت تكتبونه

طبعا زي ماقلت أماكن تراثية ومساجد اثريه لانرغب فيها أبدا

واهم نقطططه
بعيد الأضحى بإذن الله وين افضل مكان أكون فيه ابي احسس انه فيه عيد بس ما ابي زحمه مره هل الأفضل بوقت العيد أكون بالشمال التركي او اسطنبول
مع العلم انه يوم رقم عشره يبكون هوا يوم العيد

المطاعم والكوفيهات جميعها حفظت أماكنها في الماب فكل مكان اروح له يبكون فيه اكثر من مقترح قريب اخذتها من المنتدى

انتظركم

Gunner10 · 16-06-2016, 09:54 AM

مرحبا اخوي

اول شي ابتعد عن العيد في اوزنجول لانه يكون زحمة اتراك وعرب

ثاني شي بما انك تبي تزور فيا لاند اسكن بالجزء الاوروبي

وضيف مع عرض الدلافين حديقة الميني تورك جنب بعض

وبما ان اخر الايام راح تزور هذي الاماكن ارجع من مطار اتاتورك افضل

بالنسبة لافضل مكان ما فيه زحمة وبعدين عن الاثار والمساجد التاريخية اسكن بمنطقة شيشلي

افضل ما سويت ان ريحت يوم بكروان بلازا وثاني يوم اطير على طرابزون

اعتقد انت قريبت الكثير وضبطت جدولك بنفسك

واي سؤال ثاني حاضرين

Dalool321 · 16-06-2016, 07:47 PM

شكرررا لك

عاشق الجنان. · 18-06-2016, 05:42 PM

.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
الرجاء المساعدة في ترتيب جدول سفر من أصحاب الخبره	أبو عمر1405	بوابة سويسرا	2	19-06-2016 06:54 AM
مساعدة في ترتيب جدول سفر لشهر العسل	yaga202	بوابة اندونيسيا	14	21-02-2016 08:12 AM
سفرتنا في سبتمبر .. ارجو المساعدة	Jish	بوابة المانيا	3	24-08-2015 09:27 AM
ترتيب وتنسيق جدول لشهر العسل	hsooonh	ماليزيا	17	12-03-2015 09:45 AM