رحلتي اللندنيه ( 2013 ) - الصفحة 2

هاوية الاسفار · 02-02-2015, 11:51 PM

يا حلات التقارير المسترجعة مهما قريناها ما نمل منها

واصلي و متابعين

فارس الجبيل · 03-02-2015, 12:55 AM

تسلم يدك يام عيسى على هالتقرير اللي قريته انا من زمان لكن ماتمل منه لندن اصلاً ماينمل من سوالفها ولا من تقاريرها آآآه يالندن

بالنسبة لمريم ملاحظين عليها قلة عدم الاهتمام في بعض الزبائن في الآونة الأخيرة وشققها محدودة الي اعرفه حول الاجول روود وقديمة شوي غير كم شقة حديثة وغالية اسعارها
الحمد لله اللي الله عوضكم بشقة احسن لعلها خيره واشوفها شحليلها مرتبة وحليوة مادري عن سعرها في الصيف كم يصلخونا فيها لو بغيناها
نصيحة اخ المرة الجاية اسكني جهة النايسبريدج الجهة الأخرى للهايدبارك اشرح واريح شوي واخف زحمة من الاكسفورد وهيلتها

اشوف اني كثرت واستطرت بالرد من زين سوالف لندن بغيت انزل تقرير رحلتي لها العام بردي هذا

الله يسعدك يام عيسى ويعطيك العافيه وتسافرين واجد علشان نستمتع بتقاريرك الحلوة

هداوه · 03-02-2015, 11:28 PM

اقتباس:
المشاركة الأصلية كتبت بواسطة Azzam

بارك الله فيك يا ام عيسى تقرير مهم جدا لكل سائح
شكرا لكي من القلب

العفو أخويه
وشكرا ع تفاعلك ويايي

اقتباس:
المشاركة الأصلية كتبت بواسطة هاوية الاسفار
يا حلات التقارير المسترجعة مهما قريناها ما نمل منها
واصلي و متابعين

تفاعلكم ويايي هو اللي ممخليني أمل من اعادة التقارير الحلوه وياكم
واللي لي ذكريات جميله معاكم في وقتها
والصراحه هو يستحق الاعاده لأنه فيه وايد معلومات بس عدلت فيه شوي

اقتباس:
المشاركة الأصلية كتبت بواسطة فارس الجبيل
تسلم يدك يام عيسى على هالتقرير اللي قريته انا من زمان لكن ماتمل منه لندن اصلاً ماينمل من سوالفها ولا من تقاريرها آآآه يالندن
بالنسبة لمريم ملاحظين عليها قلة عدم الاهتمام في بعض الزبائن في الآونة الأخيرة وشققها محدودة الي اعرفه حول الاجول روود وقديمة شوي غير كم شقة حديثة وغالية اسعارها
الحمد لله اللي الله عوضكم بشقة احسن لعلها خيره واشوفها شحليلها مرتبة وحليوة مادري عن سعرها في الصيف كم يصلخونا فيها لو بغيناها
نصيحة اخ المرة الجاية اسكني جهة النايسبريدج الجهة الأخرى للهايدبارك اشرح واريح شوي واخف زحمة من الاكسفورد وهيلتها
اشوف اني كثرت واستطرت بالرد من زين سوالف لندن بغيت انزل تقرير رحلتي لها العام بردي هذا
الله يسعدك يام عيسى ويعطيك العافيه وتسافرين واجد علشان نستمتع بتقاريرك الحلوة

وأنا بعد ما أمل من شوفتكم في تقاريري ومن تعلقاتكم
الصراحه شقتنا حليوه بس كانت وايد وصخه ومغبره أحسللكم اسكنوا في شقق فندقيه
خذ راحتك أنا مستمتعه بتفاعلكم ويايي
ويسعدك ربي ويعافيك

هداوه · 04-02-2015, 12:19 AM

مساء الاحساس والطيبه

مساء الحب

خلوني اليوم أخبركم عن...

جولاتنا في اليوم الثالث

اليوم طلعاتنا كلها متاحف ، وزرنا في هذا اليوم 3 متاحف

* متحف الطبيعه

Natural History Museum

http://www.nhm.ac.uk/

* متحف العلوم

Science Museum

http://www.sciencemuseum.org.uk/

* متحف صدق او لاتصدق

Believe It or Not

قبل لاأخبركم تفاصيل هذا اليوم أحب انبه انه

زيارة المتاحف لازم تكون في أيام منفصله

عشان كل متحف يباله ساعات عشان تفهمون وتعرفون وايد معلومات

مب شراتنا ركضنا ركيض فيهم كأنه بس سرنا عشان نقول سرنا

وياريت شفنا عدل شرات الناس

اصلا فيه أشياء ماشفناها ولاطفنا عدالها

تفاصيل هذا اليوم

قمنا بدري وتريقنا ريوق بيتي وشيكنا ع الجو

درجة الحراره كانت 2

البسوا يابنات كله اللي في الكبت

عقب ماتجهزنا ، سرنا لين محطتنا ماربل آرش

ومنها خذينا الخط الأحمر

لين محطةNOTTING HILL GATE

وعقب بدلنا القطار

وتقدرون تاخذون الخط الاخضر أو الأصفر

لين محطةSOUTH KENSINGTON

يوم وصلنا المحطه تبعنا اللوحات اللي داخل ممر طويل واللي تدلنا ع المتاحف

وشفنا انه فيه 3 متاحف

اخترنا المتحف الأولي

متحف الطبيعه

وخذينا جوله سريعه في وماتذكر شو اللي شفته من كبره

ومن ناحيه ثانيه بسرعه طلعنا منه

أبن السلطنةمعجبون بهذا.

هداوه · 04-02-2015, 12:26 AM

متحف العلوم

وعقب رجعنا لنفس الممر

وكملنا مشي لين متحف العلوم

وهذا أكثر تمينا فيه بس ماعطيناه حقه

كل شي ع السريع

هو كبير ومن عدة أدوار ويباله بارض ويباله وقت

تفرجوا ع صور أكثر من صفحة جوجل للصور

متحف العلوم

في رآيي الشخصي

ماكان مناسب لنا نزور هالمتحفين لأنه المده اللي بنيلسها قصيره

والشي الثاني عندنا وايد برامج واهمها تسوق وهذا يباله وقت

ومثل ماخبرتكم زيارة المتاحف لازم تعطونها حقها من وقتكم عشان تتثقفون وتكسبون وايد معلومات

ومتاحف لندن كبيره وايد ويبالها وقت

وأهم شي وهو اللي خلاني أحس اني غلطت في هاي الرحلتين

انه البنات كانوا متمللات ويبون بسرعه يطلعون وانا أبا أتفرج

واعرف وايد معلومات

واضطريت أطلع غصبن عني

أبن السلطنةمعجبون بهذا.

فيصل · 04-02-2015, 11:18 AM

اتذكر زرت 3 متاحف بنفس اليوم وقريبات من بعض الطبيعه والعلوم
لكن يمكن تفكيركم بالتسوق أكثر
شكرا لك

وجهات أوروبية · 04-02-2015, 06:28 PM

ماشاء الله عليج ام عيسى

ملكه التقارير الله يحفظج ان شاء الله
انا من النوع الي ماحب اقرى وايد بنفس الموضوع
احب الاختصار هههههههه

بس تقاريرج والله اقراها واتعايشها كأني انا الي مسافر
بئأسلوبج السلس والعامي يعني تعيشينا لحظاتج بأدق تفاصيلها

دووم مبدعه والله

بس انا استغربت من نقطه من اول يومين وصلتي تركتي اهم الشوارع والاماكن ورحتي شارع كامدن وشارع بورتوبيل لو مخليتهم با الاخير احسن

بس شارع بورتوبيل قريب من منه في مطعم كولبا وناندوز ومطعم ايراني كانو قريب منكم

بخصوص الشقق في لندن
السماسره هناك وخاصه العرب عندهم حرب شرسه بينهم وبين بعض والضحيه احنا
والشقق صايره سوق سوداء وموضوع الشقق في لندن صعب
يعني لو تكلمين السماسر يحجز لج قبل لاتوصلين بأسبوع او اكثر صعبه
يقولج قبل ماتوصلين بيوم خبريني عشان وباشوف لكم

لان عشان ماتفضى عندهم الشقه ولا يوم
لان يمكن الي ساكن الشقه بيطلع قبل لاتوصلون بيومين
ومحد يبغي يحجزها يومين ويطلع
عنده حلين يا يخليها فاضيه يومين وهو الخسران
او ان يحجزها حق واحد واصل وبيحجزها اسبوعين

اكيد راح يحجزها ماراح ينتظركم

متابعين ام عيسى كملي كملي

الله يعطيج العافيه

وجهات أوروبية · 04-02-2015, 06:30 PM

في رآيي الشخصي

ماكان مناسب لنا نزور هالمتحفين لأنه المده اللي بنيلسها قصيره

والشي الثاني عندنا وايد برامج واهمها تسوق وهذا يباله وقت

ومثل ماخبرتكم زيارة المتاحف لازم تعطونها حقها من وقتكم عشان تتثقفون وتكسبون وايد معلومات

ومتاحف لندن كبيره وايد ويبالها وقت

وأهم شي وهو اللي خلاني أحس اني غلطت في هاي الرحلتين

انه البنات كانوا متمللات ويبون بسرعه يطلعون وانا أبا أتفرج

واعرف وايد معلومات

واضطريت أطلع غصبن عني

[/COLOR][/SIZE][/B][/COLOR][/FONT]

[/CENTER][/QUOTE]

هذا الي اقصده الاولى تروحون الاماكن المهمه اول الايام وتستمتعو فيها وتاخذون راحتكم
اما الاشياء الثانيه لو عندكم وقت تروحون لها ولو ماعندكم مافي داعي

هداوه · 04-02-2015, 10:02 PM

اقتباس:
المشاركة الأصلية كتبت بواسطة qa6ar911

ماشاء الله عليج ام عيسى
ملكه التقارير الله يحفظج ان شاء الله
انا من النوع الي ماحب اقرى وايد بنفس الموضوع
احب الاختصار هههههههه
بس تقاريرج والله اقراها واتعايشها كأني انا الي مسافر
بئأسلوبج السلس والعامي يعني تعيشينا لحظاتج بأدق تفاصيلها
دووم مبدعه والله
بس انا استغربت من نقطه من اول يومين وصلتي تركتي اهم الشوارع والاماكن ورحتي شارع كامدن وشارع بورتوبيل لو مخليتهم با الاخير احسن
بس شارع بورتوبيل قريب من منه في مطعم كولبا وناندوز ومطعم ايراني كانو قريب منكم
بخصوص الشقق في لندن
السماسره هناك وخاصه العرب عندهم حرب شرسه بينهم وبين بعض والضحيه احنا
والشقق صايره سوق سوداء وموضوع الشقق في لندن صعب
يعني لو تكلمين السماسر يحجز لج قبل لاتوصلين بأسبوع او اكثر صعبه
يقولج قبل ماتوصلين بيوم خبريني عشان وباشوف لكم
لان عشان ماتفضى عندهم الشقه ولا يوم
لان يمكن الي ساكن الشقه بيطلع قبل لاتوصلون بيومين
ومحد يبغي يحجزها يومين ويطلع
عنده حلين يا يخليها فاضيه يومين وهو الخسران
او ان يحجزها حق واحد واصل وبيحجزها اسبوعين
اكيد راح يحجزها ماراح ينتظركم

متابعين ام عيسى كملي كملي
الله يعطيج العافيه

وربي يجفظك ويعافيك ويسعدك مثل ما أسعديتني بكلامك الجميل وأخجليتني
وقتها كنا نخطط المشاوير يوم بيوم
صدقت موضوع الشقه صعب وخصوصا في شارع العرب وفيه استغلال

اقتباس:
المشاركة الأصلية كتبت بواسطة qa6ar911
في رآيي الشخصي

ماكان مناسب لنا نزور هالمتحفين لأنه المده اللي بنيلسها قصيره

والشي الثاني عندنا وايد برامج واهمها تسوق وهذا يباله وقت

ومثل ماخبرتكم زيارة المتاحف لازم تعطونها حقها من وقتكم عشان تتثقفون وتكسبون وايد معلومات

ومتاحف لندن كبيره وايد ويبالها وقت

وأهم شي وهو اللي خلاني أحس اني غلطت في هاي الرحلتين

انه البنات كانوا متمللات ويبون بسرعه يطلعون وانا أبا أتفرج

واعرف وايد معلومات

واضطريت أطلع غصبن عني

[/COLOR][/SIZE][/B][/COLOR][/FONT]

[/CENTER]

هذا الي اقصده الاولى تروحون الاماكن المهمه اول الايام وتستمتعو فيها وتاخذون راحتكم
اما الاشياء الثانيه لو عندكم وقت تروحون لها ولو ماعندكم مافي داعي[/QUOTE]

كنا نبا نجرب وايد اماكن وسواء كانوا في الأول ولا عقب في كل الأحوال كنا بنزورهم
وصحيح أاخفقنا في بعض الاماكن ولكن الحمدالله في أغلبها كانت زيارات ناجحه وحتى اللي ماعيبنا بعد استانسنا فيه ، نحن بروحنا كنا جو
وعموما تعلمت واستفدت وايد من هاي السفره والمره اليايه بنضبط أكثر برنامجنا

هداوه · 04-02-2015, 10:43 PM

متحف صدق أو لاتصدق

عقب ماتجولنا في المتحف العلمي

رجعنا نفس المحطه اللي يينا منها وهي

South Kensington

مرينا في المحطه ع شباك التذاكر

وحجزنا من عندهم تذكره حق متحف صدق أو لاتصدق

ويومها سألنا عن استديوهات هاري بوتر

كانوا حاطين الاعلانات عنه في كل مكان

ونسيت كم قالت سعر التذكره

واعتقد فيه مكان معين نسيرله ونركب باص يودينا مع قروب

موقعهم ع النت

http://vipstudiotour.warnerbros.com/warner-bros-studio-tour-london-the-making-of-harry-potter-opens-spring-2012/

بعد ماتشاورنا قلنا بنصبر وبنفكر وبنشوف متى يناسبنا

وفي نفس الوقت بنشوف اذا عيال أخويه بيون ويانا

وقلنا ممكن نمر ع المكتب السياحي اللي في شارعنا ونحجز من عنده

ومره مرينا عليه وكان مسكر

وكل مره نقول بنسير ومانسير وفي الأخير قررنا نحجز من النت

وكان المفاجأه

فل

ماتوقعنا انه مابنحصل حجز وأقرب وقت بيكون بعد سفرنا

ولغينا الفكره

عقب خذينا الخط الكحلي لين

بيكادللي سيركس

ولما وصلنا محطة بيكادلي دورنا ع مخرج 4 اللي يطلعنا مباشره ع

متحف صدق أو لاتصدق

اول ماطلعنا من المحطه شفنا جدامنا المتحف

وشفنا ريال يسوي عرض

عقب ماخلص العرض عطانا كوبونات خصم لدخول المتحف

قلنا خساره لو ما اشترينا التذاكر من المحطه جان حصلنا هالخصم

ع طول دخلنا بالتذاكر اللي عندنا وماكان فيه وايد ناس

جولتنا في المتحف

موقف يضحك

ونحن نمشي بين الاقسام كنت أنا متجدمه البقيه

شفت ريال يالس يصور تمثال لحرمه

قمت وقفت لين يخلص عشان اطوف

وتميت واقفه فتره اترياه وعقب

ههههههههههههههههههههههههههههههههه

لاتضحكون عليه

طلع هو بعد تمثال ع هيئة ريال ويصور الحرمه

واغلب اللي يوصلون عند هالمكان ينخدعون هاي الخدعه

حتى بناتي

شوفوا الصوره وتخيلوا الموقف

ونحن نمشي دخلنا مكان ومشنا ع جسر متحرك

وهو مظلم شوي وفيه اضاءه فسفوريه

لما مشينا هنيه كانت كاميرا تصورنا وماكنا ندري وعقب ماطلعنا

شفنا كاونتر وريال واقف ويراوينا صورنا اذا نبا نشتريهم

عاد شفنا صورنا خايسه وقمنا كل شوي نسير نمشي فوق الجسر

ضحك وحركات استهبال

وزين ماكان فيه ناس ويانا

وعقب ماصورنا ما أدري كم صوره اشترينا كم وحده

والباقي صورناهم من الشاشه

وحليله الريال ماقال شي خلانا نصور

وعندهم مكان ندخله كله مرايا

واااايد استانست فيه ع قولة بناتي وايد تحمستي ماما

قمت أركض بين المرايا واموت من الضحك اذا حسيت اني بدعم

واااايد استانسنا في هاي اللعبه

الصراحه هذا المتحف وايد حلو وعجبنا واستانسا فيه

وكان خاطري أراويكم صور أكثر بس ماشاءالله بناتي رازين عمارهم في كل صوره

وهذا المتحف اللي طولنا فيه

عشان خاطر بناتي الحلوات يالسات يتصورنا

مليون صوره عند كل مجسم أو حركه

أبن السلطنةمعجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
رحلتي 5 نجوم الى زيزا يونيو و يوليو 2013	himzmz	بوابة ماليزيا	56	25-08-2018 09:55 AM
كامــــيرون هايـــــلاند ..* هولنـــدا الشـرق *.. هكذا أسميـــها ( رحلتي في آب 2013 )	A.Alsubhi	ماليزيا	17	19-08-2015 08:53 AM
رحلتي الى سيريلانكا ( ديسمبر 2013) ملاحظات ونصائح	الإماراتي	بوابة الهند وسيرلانكا	14	15-04-2015 11:39 AM