رحلتي اللندنيه ( 2013 ) - الصفحة 5

هداوه · 10-02-2015, 12:20 AM

BicesterVillage
الأوت ليت

موقعهم ع النت

Designer Outlet | Outlet Shopping at Bicester Village • Bicester Village

اليوم بعد يوم دسم من التسوق

آخر مره زرت الاوت ليت فــــ 2011 ماعجبتني البضائع وقررت السنه ما أزوره

ولكن وانا هناك غيرت رآيي وفكرت أزوره

لأني كنت ابا اسكارفات ماركات وقلت بالمره أودي البنات يمكن يحصلون شي يعجبهم

وبخبركم رآيي فيه عقب مانتكلم عن

تفاصيل هذا اليوم

كالعاده بعد ماتريقنا وشفنا الجو

ثجلنا الثياب وطلعنا وماتريقنا

من محطتنا ماربل آرش خذينا الخط الأحمر الى محطة

وغيرنا القطار وخذينا الخط البني الي محطة

ومن وصلنا هناك سرنا عند كاونتر التذاكر

وحجزنا تذاكر لبيستر فيلج

سيره ومرجع ( ذهاب وعوده )

تذكرة الشخص بـ 21 باوند

وعقب ماخلصنا سرنا نشوف اللوحه ومتى موعد قطارنا

تريقنا في المحطة لين وصل قطارنا

وتحركنا للاوت ليت

الطريج خذا منا تقريبا ساعه وربع

أول ماوصلنا المحطه نزلنا خارج المحطه وشفنا الشاتل ( باص) الخاص بالاوت ليت واقف

دخلنا الباص وراويناهم تذاكرنا اللي حجزناها من محطة ماليبورن للاوت ليت

وركبنا بدون ماندفع شي

وصلنا الاوت ليت

واتفقنا انه كل حد يتسوق بروحه وع راحته

أنا بروحي وبنت عمي بروحها وبناتي مع بعض بروحهم

وطبعا نتواصل بالفون لو في شي

صور للاوت ليت

السنه ماصورت وايد لأنه في رحلتي لـ 2011 صورت وايد الاوت ليت

وبعطيكم الصور اللي محتفظه فيها في أرشيفي

وتقريبا السنه ماتغير شي نفس المحلات بس ماكان في تنزيلات

ولكن عموما الاسعار مخفضه

محطة الباص أول ماوصلنا الاوت ليت

جوله ع بعض المحلات والماركات الموجوده

هداوه · 10-02-2015, 12:29 AM

انطباعي عن الأوت

ماتتصورون كيف تجننا ع بضاعته

كانت متنوعه واشترينا وااااااايد أشياء وكلها ماركات

شنط ، نعول ، سكارفات ، مكياج ، محافظ ، لبس ، نظارات

كريمات ، فراشات للاسره

ماخلينا شي لدرجة انهارت ميزانتنا في هذا اليوم

وبالذات البنات كانوا ع وشك الافلاس

بس كنا مبسوطين بكل شي خذناه

صحيح نحن نخسر وايد هنيه في المشترى

بس هذا يوفر علينا أغلب ايام السنه مانتسوق من البلاد

لأنه نكون ماخذين أغلب احتياجاتنا من برع

والأهم وهذا شعوري الشخصي

اني ما أثق في الماركات العالميه اللي موجوده في بلادنا وأثق لما

أشتريها من اوروبا وبس

ومن ناحيه ثانيه أحيانا كثيره نكتشف انه الماركات وخصوصا اللي في

الاوت ليت

نحصلها بسعر مميز وأرخص عن اللي عندنا

صور لبعض من مشترياتنا

محل متنوع للمكياج ومن ضمنها كانت ماركة اسيتي لودر

هذا المحل اشتريت منه مجموعه من مزيل الميك آب

ومزيل الخاص بالعين والشفايف

بالاضافه لكريم الاساس وحمرة الخدود

وأنواع مختلفه من المنتجات والماركات المتنوعه

مايكل كورس

هذا المحل تخبلنا فيه

شنطهم كانت روعه ، الوان وأشكال واحجام لدرجة أحترنا شو ناخذ

واسعارهم مميزه

بناتي خذوا منها شنط + ابواك + كفر موبايل

أنا اشتريت منهم 4 شنط

ثنتين لي وثنتين هدايا

هاي بعض من مشترياتنا من مايكل كورس

فندي

بعد خذينا منه اسكارف ومحفظه ونعال عزكم الله

فيرساتشي

هذا صارتلي معاه قصه

بخبركم عقب في تفصيل الزياره الثانيه

روبيرتو كفالي

اشترينا منه شنطه ، وكفر الآي باد

غوتشي

وخذيت منهم شنطه واسكارفات وكان خاطري في نعال تجننت عليه

بس ماحصلت قياسي

بربري

اخترت من عندهم شنطه وسكارفين

ولما ييت بدفع بالبطاقه كانت بطاقتي الفيزا مموقع عليها ، فرفضت

الحرمه تقبل الفيزا

وطلبت هويتي وللاسف ماكانت عندي ولكن كان عندي صورة جوازي

وبعد رفضتها

وطلبت ادفع بالكاش

والمشكله مايكفي عندي الكاش وكنت في نهاية تسوقي

انقهرت منها وقلتلها انا دفعت في وايد أماكن بالفيزا

اشمعنى انتوا

ومارضت

وطلعت مقهوره من عندها

هذا جزء من تسوقنا وما اقدر اعطيكم كل شي

ع فكره بناتي محرجين عليه عشان صورت شي من مشترياتهم

مايبوني اراويكم

نتابع تفاصيل هذا اليوم

بعد مالفينا نص الوقت قلنا بناخذ بريك حق الغدا واخترنا مطعم سبق كلت فيه وتغدينا فيه

هاي نتيجة التسوق

وعقب الغدا انتشرنا في الاوت ليت لين آخر الوقت لما انتهى الوقت

وخلاص بيسكر

رجعنا ونحن زعلانين وبالاخص أنا حسيت اني بعد أبا أتسوق وماكفاني الوقت

وقلتلهم لازم نرجع مره ثانيه

طبعا رجعنا وين محطة الباص وركبنا الشاتل لين محطة القطار

وانتظرنا القطار اللي متجه لمليبورن

وانطلقنا للعوده لشقتنا وتكملة باقي اليوم في فريجنا وعند أخويه

تفاصيل الزياره الثانيه

في هاي الزياره ساروا ويانا عيال أخويه وبنت عمي الكبيره

ونفس التفاصيل بالنسبه للمواصلات للروحه والرجعه

ومافي شي غير في الزياره الثانيه

غير اني قمت ادخل المحلات اللي مادخلتها قبل واتشرى

وصارللي موقف

موقفي مع فيرساتشي

في هذا اليوم كنا مثقلين الثياب كالعاده

ولكن في هاليوم كان الجو مب وايد بارد

حلو ومنعش

وأنا لابسه بدي هاي نيك صوف ( يعني فانيله صوف فيها رقبه عاليه )

وفوقها بالطو صوف

ولما مشيت هناك استحريت وضقت من ثيابي

وجان أدخل محل فيرساتشي واشتريت قميص طويل

وسكارف مناسب ع القميص وغيرت لبسي في غرفة القياس

خليت البدي وشلت البالطو بس

وصادف انه البدي مناسب ويالقميص بالضبط

وطلعت خفيفه وكاشخه

واشتريت منهم بعد فستان سهره رائع

وطلعت من عندهم أكمل تجولي وانا مستمتعه بالبروده

انتهت جولاتنا في الأوت ليت ، وكانت حصيلتنا

مشتريات كثيره

وخساره ماديه رهيبه

وعقب هاي الخساير تتوقعون تبنا

انتظروني في الجزء الياي وبعد

تسوق

فيصل · 10-02-2015, 12:55 AM

فيه أمرأه تتوب من التسوق
معاك أنك لما تشتري بأوربا تحس أن القطعه أصليه أكثر من اللي في بلادنا

فارس الجبيل · 10-02-2015, 04:34 PM

هداوه · 11-02-2015, 10:00 PM

اقتباس:
المشاركة الأصلية كتبت بواسطة فيصل
فيه أمرأه تتوب من التسوق
معاك أنك لما تشتري بأوربا تحس أن القطعه أصليه أكثر من اللي في بلادنا

ابدا مانتوب وليش نتوب
حد يتوب من الشي الحلو والممتع

اقتباس:
المشاركة الأصلية كتبت بواسطة فارس الجبيل

وجهات أوروبية · 11-02-2015, 11:09 PM

اقتباس : المشاركة الأصلية كتبت بواسطة فارس الجبيل

بارت نسائي خالص

الهارودز مو بس مكان تسوق كذلك المقاهي والمطاعم اللي فيه توسع الصدر وكلها راقية وجميلة
عندك فوق في الدور الرابع يوجد مطعم مزه
وجلساته الخارجية حلوة اذا كان الجو غيم

ولادورية والمقهى القطري للقهوة

مشرفنا قصدك جباتي وكرك هههههههه

والقعده في كوفي روج العصر عجيبه

وجهات أوروبية · 11-02-2015, 11:20 PM

ماشاء الله عليج ام عيسى ابدعتي والله

انا اكثر محل عجبني في بستر فلج رالف لورين حق الاطفال
حصلت عنهم وايد اشياء مناسبه واسعارها زينه
طخيت طخت من عندهم ههههههه

عليج بالعافيه ان شاء الله مشترياتكم حلوو تتهنون فيها ان شاء الله

يوم شفت صور هارودز وهارفي نيكلز تذكرت العام كنت ادور على كريم حريمي طالبينه مني ههههه

المهم عطوني اسمه بس وماعرف من وين اجيبه رحت هارفي نيكلز وهارودز وسيلفردج ادور منه ماحصلت
مني مناك ماحصلت وباقي يومين وارجع
حصلت موقعهم بالنت بس مب كاتبين ولا محل يبيع
كلمت ربعي الاكراد هناك وقلتهم همتكم
ومافي حل
وبا الاخير وبعد البحث طلع الي يبيع محل اعتقد بس
وحصلته في شبربوش ههههههههههه ومدعوس المحل

وطلع الواحد قيمته اعتقد 3 ماددري 4 باوند ههههه
قلت الحين بحصله 40 او 50 باوند

متااااااابعين ام عيسى واصلي ابداعج

هداوه · 12-02-2015, 03:49 PM

اقتباس:
المشاركة الأصلية كتبت بواسطة qa6ar911
ماشاء الله عليج ام عيسى ابدعتي والله
انا اكثر محل عجبني في بستر فلج رالف لورين حق الاطفال
حصلت عنهم وايد اشياء مناسبه واسعارها زينه
طخيت طخت من عندهم ههههههه
عليج بالعافيه ان شاء الله مشترياتكم حلوو تتهنون فيها ان شاء الله
يوم شفت صور هارودز وهارفي نيكلز تذكرت العام كنت ادور على كريم حريمي طالبينه مني ههههه
المهم عطوني اسمه بس وماعرف من وين اجيبه رحت هارفي نيكلز وهارودز وسيلفردج ادور منه ماحصلت
مني مناك ماحصلت وباقي يومين وارجع
حصلت موقعهم بالنت بس مب كاتبين ولا محل يبيع
كلمت ربعي الاكراد هناك وقلتهم همتكم
ومافي حل
وبا الاخير وبعد البحث طلع الي يبيع محل اعتقد بس
وحصلته في شبربوش ههههههههههه ومدعوس المحل
وطلع الواحد قيمته اعتقد 3 ماددري 4 باوند ههههه
قلت الحين بحصله 40 او 50 باوند
متااااااابعين ام عيسى واصلي ابداعج

الله يعافيك
وملبوس العافيه
وعجبتني انك اهتميت تدور الكريم ، تستاهل اللي دورت عشانها
بس غريبه شو الكريم العجيب جان عطيتنا صورته واسألهم شو السر في الكريم الرخيص
اللي ممعروف

هداوه · 12-02-2015, 03:55 PM

التسوق في شارع أكسفورد

همسه

في تقريري هذا ما التزمت بالاحداث حسب تسلسلها لتكرار بعض الاماكن

اليوم بنقز في التقرير لين اليوم اللي قبل الأخير من رحلتنا

وعقب برد أكمل باقي الطلعات

أحلى مافي لندن واللي تتميز فيه هو التسوق

عن نفسي اقول من أجمل اسواق اوروبا هو سوق لندن

وماينشبع منه

خذيتكم جوله في هارودز وجوله في الأوت ليت واليوم

بآخذكم في شارع أكسفورد الغني عن التعريف

هذا الشارع ونيس والتسوق فيه غير

ودايما نحاول نسكن عداله عشان نكون قريبين منه

وما أتخيل نفسي اسكن بعيد عن هالمكان حتى لو السكن هنيه أغلى

في سفرتي هاي زرنا شارع اكسفورد مرتين بقصد التسوق

أما باقي الزيارات فكانت مرور وتسوق خفيف

مره مرينا ع بريمارك ومره ع دزني ...الخ

تفاصيل الزياره الاولى

لشارع أكسفورد

في هاليوم صحينا وكان الجو

كان الاتفاق انه يكون يوم تسوق حر

انا بروحي والبنات بروحهم وبنت عمي بروحها

وكل واحد منا سحب الشنطه الترولي معاه للتسوق

البنات تأخروا في الطلعه من الشقه

وأنا كان لي مزاج أتريق برع

نزلت بروحي بدونهم ، ودلعت نفسي بساندويش فلافل وريوق لبناني من مطعم رانوش

وهاي صوره لريوقنا انا وبنت عمي في زيارتي اللي كانت في شهر 11

وفي هذا اليوم يلسنا انا وبنت عمي

وتريقنا فيه وكنا طالبين كم صنف من الساندويشات وتجاسمناها

ومره من المرات تريقت أنا والبنات في مطعم البلد ومره تعشينا فيه

والصراحه أكله وايد لذيذ

وانصح فيه

أنطلقت عقب ماتريقت ع شارع اكسفورد أتسوق بمزاج وآخر روقان

اليوم مابقدر أعرض عليكم بضائع ولكن بخبركم بصوره عامه عن تسوقي في هاليوم

طبعا البنات انتشروا في السوق

أول محل دخلته هو محل واليس واشتريت منهم كم لبسه

موقعهم ع النت

http://www.wallis.co.uk

الموديل اللي في الصوره اشتريت منه نفس اللبسه هاي ، وتجنن في اللبس

وطلعت بكم لبسه حلوات من كلكشن الصيف الجديده

وعقب دخلت محل Geox للاحذيه

وهاي الماركه وايد أرتاح لأحذيتهم واشتري منهم الابوات وجواتي الرياضه

واسعاره شويه غاليه

موقعهم ع النت

Geox

وبعد اشتريت من محل ثاني للاحذيه اسمه Russell and Bromley

وهذا أول مره أشتري منه وبعد اشتريت بوتين والصراحه مريحين وراقيين

وبعد اسعاره غاليه شويه

بس المحل اللي شريت منه كان ع الشارع الثاني في يوم ثاني

موقعهم النت

Women's at Russell & Bromley

ومريت بوتس

وبوتس كم مره داخلتنه ومتشريه منه
ولابد شويه من الأدويه اللندنيه

وعقب كملت تسوق لين وصلت لمحلي المميز واللي أحب بضاعته وهو

ماركس سبنسر

موقعهم ع النت

http://www.marksandspencer.com

هذا المحل فليته يعني فصفصته

واحلى شي اني بروحي ، ع كيف كيفي تسوقت

اشتريت منهم وايد أشياء ويلست فيه يمكن ساعتين

واتصلت ع البنات كنت ابا اراويهم لبسات معينه

يوني البنات وتسوقنا وعقب سرنا سيلفردجز بس ماطولنا

وعموما انا ما اشتريت وايد منه لأنه أغلب اللي اباه خذيته من هارودز

وعقب ماتعبنا من التسوق

ردينا الشقه ومرينا ع الوادي الأخضر واشتريت دياي (دجاج ) وبعض الاغراض

كان خاطري في هاليوم أطبخ

ما أيوز عن سوالفي

وسويت دياي بالخضار وكليناه وياالخبز

في هاي السفره طبخت 3 مرات

مره مرقوقه ومره هالدياي ، ومره سويت معكرونه بالباشميل

هداوه · 12-02-2015, 04:02 PM

تفاصيل الزياره الثانيه
لشارع أكسفورد

الزياره الثانيه كانت قبل رجعتنا بيوم ، وكان الهدف

نخلص التاكس فري من المحلات اللي اشترينا منها

بالاضافه انه عندنا بعض اللبسات اللي تحتاج تبديل

وشي منها ترجيع

وشوية تسوق وتمشي

نفس الشي كل واحد منا انطلق بروحه

الحادث اللي صارلي

وأنا أمشي في شارع أكسفورد وكنت بعبر الشارع

فجأه

حسيت بشد في ريلي

وقفت شويه

وعقب كملت وعبرت الشارع

ومشيت مسافه وعقب دخلت محل
وفجأه

وانا أبا أتحرك حسيت انه شي انقطع في ريولي

وسبب لي الم شديد

تميت واقفه فتره ومب عارفه شو اللي صار في ريولي

وعقب لما ييت بمشي حسيت اني مب قادره أدوس ع ريلي (( ريلي اليسار ))

وتميت أمشي وانا أعري ( أعرج )

ووصلت لين ماركس وخلصت التاكس فري

وعقب دخلت السيلفردجز بس ابدا ماقدرت أستمتع بأي شي كنت

أحس بالم في ريلي

قررت أيلس في الكوفي

واخترت كوفي في الطابق اللي تحت

وطلبت أفتر نون تي ( شاي العصر )

لذيييييييذه وخطيره هاي الزبده والجام والخبزه

لاتفوتونها

خاطري فيها الحين

وعقب يوني البنات وتهبشوا ويايه شويه

وعقب ساروا يكملون تمشي

قبل ما أكمل احداث ها اليوم

بخبركم عن محل وافل مرينا عليه في مره من المرات

وكان ع الشارع الثاني اللي مجابل سيلفردجز

بس نسيت بالضبط وين

عموما هو ع الشارع مايضيع

والصراحه الوافل اللي عنده وايد لذيذ

وأحلى من بيور وافل في رأيي الشخصي

وشوفوا الصور واحكموا

القهر انه سرناله مره وحده

كاني محتاجه زياره ثانيه للندن عشان أركز شوي

خاطري فيه

نكمل أحداث هاليوم

أتصلت ع بنت عمي ولقيتها مشغوله بالتسوق

والبنات ساروا يكملون تسوق

وانا بروحي وأتألم

ضاقت الدنيا عليه وأكتئبت

لا أنا قادره اتسوق ولا أنا قادره اتمشى

فقررت أرجع الشقه

رجعت الشقه وكنت يالسه بروحي وضايجه

ولأول مره أحس بالوحده

واتصل عليهم ومب راضيين ايون

وفي نفس الوقت ما الومهم هذا آخر يوم لهم وباجر بنرد البلاد

وانا يالسه وحيده وضايجه ومتألمه قررت

اسير الهايد بارك

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
رحلتي 5 نجوم الى زيزا يونيو و يوليو 2013	himzmz	بوابة ماليزيا	56	25-08-2018 09:55 AM
كامــــيرون هايـــــلاند ..* هولنـــدا الشـرق *.. هكذا أسميـــها ( رحلتي في آب 2013 )	A.Alsubhi	ماليزيا	17	19-08-2015 08:53 AM
رحلتي الى سيريلانكا ( ديسمبر 2013) ملاحظات ونصائح	الإماراتي	بوابة الهند وسيرلانكا	14	15-04-2015 11:39 AM